ဆောင်းနှမ်းရိတ်သိမ်းသည့်ကာလဖြစ်ပြီး အရည်အသွေးမညံ့စေရန် ဂရုတစိုက်ရိတ်သိမ်းနေရ

    ဆောင်းနှမ်းရိတ်သိမ်းသည့်ကာလဖြစ်ပြီး အရည်အသွေးမညံ့စေရန် ဂရုတစိုက် အချိန်ပေးရိတ်သိမ်းနေရကြောင်း စစ်ကိုင်းတိုင်းဒေသကြီးရှိ နှမ်းနက်စိုက်တောင်သူများထံမှ သိရသည်။

အခုမှရိတ်နေကြတုန်းပါ။ နှမ်းအစေ့အဆံ မဖြစ်သေးဘူး။ ရိတ်ပြီး ခုနှစ်ရက်လောက်နေမှ နှမ်းစေ့ရတာ။ နှမ်းစေ့က နေပူမှကွဲထွက်လာတာ။ လက်ရှိမှာတော့ ရာသီဥတုက နေသာတယ်။ နှင်းနည်းနည်းကျတယ်။ နှမ်းစေ့နဲ့အတူ ဖုန်၊ သဲ၊ ခဲ တွေမရောပါစေရအောင် ဂရုစိုက်ရိတ်သိမ်းနေကြပါတယ်။ နှမ်းပင်‌ခြောက်မှ ခါယူရတာမို့ နေအခြောက်လှမ်းရ၊ ခါရမှာနဲ့ တစ်လနီးပါးလောက်တော့ အချိန်ယူရဦးမယ်။ ထွက်နှုန်းနည်းတာ များတာထက် အရည်အသွေးညံ့လို့မဖြစ်ဘူး။

ဟု စစ်ကိုင်းတိုင်းမှ နှမ်းစီးပွားဖြစ်စိုက်ပျိုးထုတ်လုပ်နေသူ ဦးကျော်ကျော်ထွန်းက ပြောသည်။

    စစ်ကိုင်းတိုင်းအတွင်း မြို့နယ်အတော်များများ၌ ဆောင်းနှမ်းစိုက်ပျိုးကြပြီး၊ ဩဂုတ်လတွင်စတင်စိုက်ပျိုးပြီး အောက်တိုဘာလသည် ဆောင်းနှမ်း စတင်ရိတ်သိမ်းသည့် ကာလဖြစ်သည်။

စစ်ကိုင်းတိုင်းအထက်ပိုင်း၊ အောက်ပိုင်းမှာ ရှိတဲ့ ယာမြေ၊ တောင်ယာမြေတွေမှာ‌ပါ နှမ်းစိုက်ပျိုးကြပါတယ်။ အခုရိတ်နေတာ ဆောင်းနှမ်းပါ။ သက်တမ်းက ငယ်တယ်။ နှစ်လခွဲနဲ့ ရိတ်သိမ်းရတဲ့ သီးနှံပါ။ မိုးနှမ်းက မိုးဦးကျချိန် စိုက်ကြပါတယ်။ နှမ်းက အသက်ငယ်တော့ တောင်သူတွေအတွက် ပြုစုရတာ အချိန်တိုအတွင်း ငွေပေါ်လည်းမြန်ပါတယ်။ ကုန်ကျစရိတ်ကလည်း အချိန်တိုအတွင်း အပြေးအလွှား အရင်းအနှီး ထည့်ကြရတာပဲ။ ရှုံးတာမြတ်တာတော့ ကံတရားအတိုင်းပေါ့။ နှစ်တိုင်းဒီလိုပဲ မိရိုးဖလာတောင်သူအလုပ် လုပ်နေကြတာဆိုတော့ သိပ်အဆန်းကြီး မဟုတ်ကြတော့ဘူး။

ဟု စစ်ကိုင်းတိုင်း၊ ဝက်လက်မြို့နယ်၊ အင်ကြင်းပင်ကျေးရွာမှ နှမ်းစိုက်တောင်သူဦးဟန်ထွန်းက ပြောသည်။

    နှမ်းစိုက်ပျိုးရာတွင် ရာသီဥတုအပေါ်မူတည်၍ နေရာဒေသအလိုက် ထွက်နှုန်းနှင့် ဈေးကွက်ကွာခြားချက်ရှိနိုင်ပြီး စစ်ကိုင်းတိုင်းအတွင်း နှမ်းနက်စမုံ (၃) တင်းတစ်အိတ်လျှင် ကျပ် (၂၀၀,၀၀၀) ဝန်းကျင်ပေါက်ဈေးရှိနေသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်