ထောပတ် Hass မျိုးစိုက်ပျိုးရာတွင် အအေးဓာတ်ပိုမိုများပြားသည့် ဒေသများတွင်စိုက်ပျိုးသင့်

    ကမ္ဘာတွင် အကြီးဆုံးစျေးကွက်ဝေစု ရရှိထားသည့် ထောပတ်မျိုး Hass မျိုးကို စိုက်ပျိုးရာတွင် အအေးဓာတ်ပိုမိုများပြားသည့် ဒေသများတွင် စိုက်ပျိုးသင့်ကြောင်း ထောပတ်စိုက်ပျိုးရေးကျွမ်းကျင်သူများထံမှ သိရသည်။

Hassကို စိုက်သင့်သလားလို့မေးရင် စိုက်သင့်ပါတယ်လို့ ပြောရမှာပါ။ Hass က နေရာတိုင်းတော့စိုက်မရဘူးဗျ။ ထောပတ်မျိုးထဲမှာ အအေးပိုကြိုက်လို့ပါ။ အသီး,သီးချိန်နဲ့ ပန်းပွင့်ချိန်မှာ အအေးချိန် 20C °ပတ်ဝန်းကျင်ကို အကြိုက်တွေ့ ပါတယ်။ 25C° ကနေ 30C° အတွင်းမှာဆို အသီးနည်းပြီး၊ အသီးအရည်အသွေးကျဆင်းသွားနိုင်ပါတယ်။ 37C° လောက် ရောက်ရင်တော့ ပန်းပွင့်တွေ ပျက်စီးနိုင်ခြေများပြီး ဝတ်မှုန်ကူးနိုင်ရင်တောင် အသီးက တစ်ပင်ကို ဆယ်ဂဏန်းလောက်ပဲသီးမှာပါ။

ဟု မြန်မာနိုင်ငံ ထောပတ်စိုက်ပျိုးထုတ်လုပ် တင်ပို့ရောင်းချသူများအသင်း၏ တွဲဖက်အတွင်းရေးမှူး ဦးကျော်စိုးမင်းက ပြောသည်။

    တချို့မြန်မာတောင်သူများအကြား Hass မျိုးသည် အပင်အသေအပျောက်များပြားသည်၊ မြန်မာနိုင်ငံ ရေ၊ မြေ၊ အနေအထားနှင့် မကိုက်ညီဟု ဆိုနေကြသည်များလည်း ရှိပြီး၊ အဓိကအကြောင်းအရင်းမှန်မှာ ထောပတ်ပျိုးခြံနှင့် ကိုင်းဆက်ပင်၏ အရည်အသွေးများအပေါ်တွင်သာ များစွာမူတည်နေကြောင်း သိရသည်။

ထိုင်းနိုင်ငံက ထောပတ်ခြံတစ်ခြံဆိုရင် နည်းနည်းပိုပူတဲ့နေရာမှာစိုက်မိလို့ ကိုင်းဆက်ပင် ရှစ်နှစ်သားကို အလုံးတစ်ရာပိုပိုပဲသီးပြီး ထွက်ရှိချိန်ကလည်း တစ်လလောက် စောပါတယ်။ မသီးတာတော့ မဟုတ်ပါဘူး။ စီးပွားမဖြစ်ဘူးလို့ ပြောချင်တာပါ။ ကျွန်တော်တို့ရှမ်းပြည်မှာတောင် နည်းနည်းပူတဲ့ နေရာတွေမှာစိုက်ရင် အဲ့ဒီပြဿနာ တွေရှိနိုင်လို့ အပူနည်းနည်း ပိုကြိုက်တဲမျိုး (eg.Buccanear, pinkerton, Boot7, peterson, 034)မျိုးတွေကို အကြံပေး ဖြစ်ပါတယ်။

ဟု ၎င်းက ဆက်လက်ပြောသည်။ 

    အခြား ထောပတ်မျိုးများနှင့် နှိုင်းယှဉ် စိုက်ပျိုးပါက Hass မျိုးသည် အပင်ရောဂါဒဏ် ပိုမိုခံနိုင်ရှိခြင်း၊ အရည်အသွေးပြည့်မီစွာ စိုက်ပျိုးနိုင်ပါက ဈေးကွက်ထိုးဖောက်နိုင်ခြင်း စသည့် အားသာချက်များ ရှိသော်လည်း၊ Hass မျိုးကို စိုက်ပျိုးလိုသည့် ထောပတ်စိုက်တောင်သူများအနေဖြင့် မိမိစိုက်ပျိုးမည့် ပျိုးပင်၏အရည်အသွေးကို မစိုက်ပျိုးခင် သေချာစီစစ်ဝယ်ယူသင့်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more