Covid-19 ကာလအတွင်း အလှစိုက်ပန်းပင်များအရောင်းပိုသွက်လာ

    Covid-19 ကာလအတွင်း အလှစိုက်ပန်းပင်များ အရောင်းပိုသွက်လာကြောင်း စီးပွားဖြစ် ပျိုးဉယျာဉ်ခြံလုပ်ငန်းများထံမှ သိရသည်။

ကိုဗစ်ကာလမှာ လူတွေအများစုက အိမ်မှာအနေများနေတော့ အလှစိုက်ပင်နဲ့ အရိပ်ရပင် တအားရောင်းရတယ်။ ဝန်ထမ်းနဲ့ အရာရှိတွေ ကိုယ့်အိမ်ကိုယ်အိမ်နေပြီး အလှစိုက်ပင်တွေ စိုက်ပျိုးလာကြတော့ တခြားနှစ်ရှည်ပင်မျိုးတွေအပြင် အလှစိုက်၊ အရိပ်ရအစုံရှိတဲ့ ပျိုးခြံသမားတွေ ပိုပြီး ရောင်းကောင်းလာပါတယ်။

ဟု ပျိုးဥယျာဉ်ခြံတည်ထောင်ထားသူ ဦးကိုကိုလတ်က ပြောသည်။

    ပိန်းပန်းပင်၊ မိသားစုနှင်းဆီ၊ နွယ်နှင်းဆီ၊ သစ်ခွပင်၊ ရွက်လှပင်မျိုးစုံ၊ အာဆီယံသပြေပင်၊ လာဘ်ခေါ်ဂမုန်းပင်၊ ဝါးပင် စသည့် အလှစိုက်ပင်များနှင့် အောင်မဲညိုပင်၊ ဒန့်သလွန်ပင်၊ ပင်စိမ်းပင်၊ ကွမ်းသီးပင်အပု၊ ငရုတ်ကောင်းပင် စသည့် အပင်များ၊ ချဉ်ပေါင်၊ ကန်စွန်း၊ ရုံးပတီ၊ တရုတ်နံနံ၊ ဗမာနံနံ၊ ငရုတ်သီးစိမ်းမျိုးစေ့များ ဝယ်ယူမှုများပြားနေကြောင်း သိရသည်။

ရှားစောင်းလက်ပတ်ပင်၊ ပိန်းပန်းနဲ့ မိသားစုနှင်းဆီ အရမ်းရောင်းရပါတယ်။ ရွက်လှပင်တွေကိုလည်း စိုက်တဲ့သူ အတော်များလာတယ်။ ကိုဗစ်ဖြစ်ပြီးမှ ရန်ကုန်ဈေးကွက်မှာတောင် မျိုးစေ့တွေကို အရင်ကထက် သုံးလေးငါးဆ ပိုအရောင်းသွက်တယ်။ မီးဖိုချောင်စား အပင်မျိုးစေ့တွေ အဝယ်များလာတာပါ။

ဟု မြေပဒေသာကျွန်းမှ မျိုးစေ့နှင့်အပင်ရောင်းချသူ ကိုချစ်စမ်းမောင်က ပြောသည်။

    Covid-19 ကူးစက်ရောဂါကာလအတွင်း ပြည်သူလူထုများ လူစုလူဝေးကြား သွားစရာမလိုဘဲ ကျန်းမာရေးနှင့်ညီညွတ်ပြီး ဓာတုကင်းလွတ်သည့်သီးနှံများ စိုက်ပျိုးစားသုံးနိုင်ရန်၊ ပိုလျှံပါက ရောင်းချ၍ အပို၀င်ငွေရရှိစေရန်နှင့် မိမိတို့ပတ်ဝန်းကျင်တွင် မျှဝေစားသုံးနိုင်စေရန် ရည်ရွယ်ချက်များနှင့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာနမှလည်း တစ်နိုင်ငံလုံးအတိုင်းအတာဖြင့် အိမ်တွင်းဥယျာဉ် (HOME GARDEN SYSTEM) စီမံချက်ကို အကောင်အထည်ဖော် ဆောင်ရွက်နေကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်