မျိုးစေ့ပြပွဲ ၂၀၂၀ (2020 SEED FAIR) ကျင်းပမည်

စီးပွားရေး တွက်ချေကိုက်ပြီး အရည်အသွေးနှင့် အထွက်နှုန်းကောင်းမွန်သော မျိုးကောင်းမျိုးသန့်များအား တောင်သူလယ်သမားများ အချိန်မရွေး သုံးစွဲစိုက်ပျိုးနိုင်ရေး အတွက် မျိုးစေ့ကဏ္ဍဖွံ့ဖြိုးရေးဆောင်ရွက်နေသူများ၊ တောင်သူများနှင့် ပုဂ္ဂလိကလုပ်ငန်းရှင်များ ချိတ်ဆက်ပေးနိုင်ရန် မျိုးစေ့အရည်အသွေး ထိန်းသိမ်းရေးလုပ်ငန်းများ အပါအဝင် နည်းပညာများဖြန့်ဝေပေးနိုင်ရန် မျိုးစေ့ပြပွဲ ၂၀၂၀ (2020 SEED FAIR) ကို ဇန်နဝါရီလ ၂၈ ရက်နေ့မှ ၃၀ ရက်နေ့အထိ နေပြည်တော် ပျဉ်းမနား စိုက်ပျိုးရေး သိပ္ပံကျောင်း စိုက်ကွင်း၌ ကျင်းပပြုလုပ်မည်ဖြစ်ကြောင်းသိရသည်။ 

လက်ရှိတွင် ဌာနဆိုင်ရာနှင့် ပုဂ္ဂလိက ပြခန်းများ၊ အရောင်းဆိုင်ခန်းများ ၅၀ခန့် စီစဉ်ဆောင်ရွက်ထားကြောင်း ၊ လယ်ယာသုံးစက်ကိရိယာကုမ္ပဏီ အရောင်းပြခန်းများလည်း ပါဝင်မှာဖြစ်ကြောင်း မျိုးစေ့ဌာနခွဲမှ ဒုတိယညွှန်ကြားရေးမှူး ဒေါ်စန်းကြည် ကပြောသည်။ ပြပွဲသို့ မည်သူမဆို အခမဲ့ လာရောက်လေ့လာနိုင်ကြပြီး သိရှိလိုသည်များကို သက်ဆိုင်ရာပညာရှင်များက ဖြေကြားရှင်းလင်းပေးသွားမည်ဖြစ်ကြောင်း၊ ဒါ့အပြင် စိုက်ပျိုးရေးဦးစီးဌာနက ထုတ်ဝေထားသည့် မိုဘိုင်းဆော့ဝဲများကို အခမဲ့ထည့်သွင်းပေးခြင်း၊ ဆော့ဝဲသုံးစွဲနည်း ပြသပေးခြင်းတို့ကိုလည်း ကျွမ်းကျင်သူများက ဆောင်ရွက်ပေးသွားမှာဖြစ်ကြောင်း ၎င်းကဆက်လက်ပြောကြားသည်။

သီးနှံပင်များ၏ ကျန်းမာသန်စွမ်းမှု၊ ရာသီဥတုနှင့် ပိုးမွှားရောဂါဒဏ်ခံနိုင်မှု ၊ စိုက်ပျိုးရေးထွက်ကုန်များ၏ အရည်အသွေးကောင်းမွန်မှု တို့သည် အဆိုပါသီးနှံပင်ကို စတင်စိုက်ပျိုးလိုက်သည့် မျိုးစေ့၏ အရည်အသွေးအပေါ်တွင် အဓိကတည်မီလျက်ရှိရာ  စိုက်ပျိုးထုတ်လုပ်သူ တောင်သူများ မျိုးကောင်း မျိုးသန့် မျိုးစေ့များကို လက်လှမ်းတမီ လွယ်ကူစွာ သုံးစွဲနိုင်ကြစေရန် ကြိုးပမ်းဆောင်ရွက်လျက်ရှိကြောင်း၊ တောင်သူများ ပုဂ္ဂလိက လုပ်ငန်းရှင်များနှင့် မျိုးစေ့ကဏ္ဍတွင် ပါဝင်ပတ်သက်သူများ ပူးပေါင်း ဆောင်ရွက်မှုမြှင့်တင်နိုင်ရန် ယခုပြပွဲကို ကျင်းပပြုလုပ်ရခြင်းဖြစ်ကြောင်း စိုက်ပျိုးရေး ဦးစီးဌာန မျိုးစေ့ဌာနခွဲက သတင်းရရှိသည်။

Source- စိုက်ပျိုးရေး_ပြန်ကြားရေးဌာနစိတ်

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်