အထွက်နှုန်းနည်းကာ ဈေးကွက်ဝယ်လိုအားများပြားနေတဲ့ ဟင်းသီးဟင်းရွက်နှင့် စားဖိုဆောင်သီးနှံ

    ယခုနှစ် မိုးရာသီတွင် ဟင်းသီးဟင်းရွက်နှင့် စားဖိုဆောင်သီးနှံစိုက်ပျိုးသူအများစုမှာ ပုံမှန်ပမာဏထက် လျော့ချစိုက်ပျိုးထုတ်လုပ်ခဲ့ခြင်းကြောင့် အထွက်နှုန်းနည်းကာ ဈေးကွက်ဝယ်လိုအား များပြားနေကြောင်း သိရသည်။

ပစ်တိုင်းထောင် ရွှေဖရုံသီးတစ်လုံးကို သုံးရာကျပ်ကနေ လေးရာကျပ်အတွင်း ဈေးရနေတယ်။ လက်ရှိ ရန်ကုန်ကိုတင်ပို့နေတာပါ။ ဈေးနှုန်းကတော့ အရင်နဲ့ထူးမခြားနားဆိုပေမယ့်လည်း အခုက အရောင်းသွက်လာတာပေါ့။ အရင်နှစ်တွေက ကျွန်တော်တို့ ရောင်းလို့တောင် မယူတဲ့နေရာဒေသတွေက ကျွန်တော်တို့ဆီကနေ အခုမှ ရွှေဖရုံသီးမှာယူမှုတွေရှိလာတယ် ဆိုတော့လေ။ ကျွန်တော်တောင် မနှစ်တုန်းက ဈေးကွက်မကောင်းတာရော၊ ရောဂါကြောင့်ရော ရွှေဖရုံနဲ့ သခွားသီးတစ်ခင်း ဖျက်ပစ်ခဲ့ရသေးတယ်။ အခုနှစ်တော့ သခွားသီးလည်း မှာယူမှုရှိလာတယ်။ ထုတ်လုပ်မှုက နည်းနေတယ်။ စိုက်တဲ့သူ နည်းနေတယ်။ လမ်းတွေပိတ်တာနဲ့ ရောဂါတွေနဲ့ကို တောင်သူတွေက ထည့်တွက်ပြီးတော့ မစိုက်ကြတာပါ။

ဟု မကွေးတိုင်းဒေသကြီး၊ ပွင့်ဖြူမြို့နယ်မှ ဟင်းသီးဟင်းရွက်နှင့် စားဖိုဆောင်သီးနှံစုံ စိုက်ပျိုးထုတ်လုပ်တင်ပို့ရောင်းချသူ ကိုဟန်ဇော်သက်က ပြောသည်။ 

    ၂၀၂၁ ခုနှစ် စိုက်ပျိုးရာသီတွင် စိုက်ပျိုးရေးဆိုင်ရာ သွင်းအားစုဈေးနှုန်းများ အဆမတန်မြင့်တက်နေခြင်း၊ လမ်းပန်းဆက်သွယ်ရေး အားနည်းနေခြင်း၊ ဈေးကွက်ပိုင်း မသေချာခြင်း တို့ကြောင့် တောင်သူအများစုမှာ ချင့်ချိန်စိုက်ပျိုးခဲ့ကြရခြင်း ဖြစ်သည်။

နိုင်ငံရေးနဲ့ ရောဂါဘေးနဲ့ဆိုတော့ တောင်သူတွေက နည်းနည်းစိုးရိမ်ပြီး မစိုက်ကြတော့တာ များလို့၊ ဈေးကွက်ထဲ ရွှေဖရုံသီးက အဝင်နည်းနေတယ်။ ဒါ့ကြောင့်မို့ အရောင်းသွက်လာတာပါ။ အရင်နှစ်တွေကလောက် မစိုက်ကြဘူး။ တကယ်တမ်းကျတော့ ဘယ်လိုလမ်းကြောင်းတွေပိတ်နေနေ၊ နိုင်ငံရဲ့စားနပ်ရိက္ခာဖူလုံစေဖို့အတွက်ကို ပမာဏနည်းနည်းဖြစ်ဖြစ် ကိုယ်တတ်နိုင်သလောက်လေး ထုတ်လုပ်သွားမယ်ဆိုရင်တော့ ပိုကောင်းတာပေါ့။ လုံးဝ စိုက်ခင်းကြီးကို ရပ်ထားပစ်လိုက်တာမျိုးထက် စဥ်ဆက်မပြတ် ပုံမှန်လေးသွားတာမျိုးပေါ့လေ။ အခုကျတော့ စိုက်ထားတဲ့သူတွေကလည်း ရောင်းကောင်းနေတာပေါ့။ မစိုက်ထားခဲ့မိတဲ့သူတွေကလည်း နောင်တရကြတာပေါ့။ တကယ်ပဲ သီးနှံဈေးကွက်ကိုကလည်း ကြိုတင်ခန့်မှန်းရခက်တယ်ဆိုတော့ မစိုက်မိခဲ့တဲ့သူတွေရဲ့အပြစ်လည်း မဟုတ်ပါဘူး။

ဟု ကိုဟန်ဇော်သက်က ဆိုသည်။

    ဟင်းသီးဟင်းရွက်နှင့် စားဖိုဆောင်သီးနှံများသာမက ကွမ်းရွက်နှင့် ဘုရားပန်းအမျိုးမျိုးတို့မှာလည်း ဈေးကွက်အဝင်နည်းပါးနေကြောင်း ရန်ကုန်တိုင်းဒေသကြီး သီရိမင်္ဂလာဈေး ဈေးကွက်မှ သိရှိရသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more