ကိုးကန့်ကိုယ်ပိုင်အုပ်ချုပ်ခွင့်ရဒေသ၊ လောက်ကိုင်တွင် Home Gardening စနစ် အကောင်အထည်ဖော်ရန် စတင်ကြိုးပမ်းနေ

ရှမ်းပြည်နယ် (မြောက်ပိုင်း)၊ ကိုးကန့်ကိုယ်ပိုင်အုပ်ချုပ်ခွင့်ရဒေသ၊ လောက်ကိုင်မြို့တွင် အိမ်ခြံ၀န်းအတွင်း ဟင်းသီးဟင်းရွက်စိုက်ပျိုးရေး (Home Gardening) အကောင်အထည်ဖော်ရန်အတွက် မျိုးစေ့၊ ပျိုးပင်၊ မြေဩဇာထုပ်များ၊ ရပ်ကွက်/ကျေးရွာအုပ်စုများသို့ အခမဲ့ထောက်ပံ့ပေးအပ်ခဲ့ကြောင်း သိရသည်။ 

ရှမ်းပြည်နယ်အစိုးရအဖွဲ့မှကြီးမှူးဆောင်ရွက်ပြီး၊ လောက်ကိုင်မြို့ပေါ်ရပ်ကွက်များရှိ အိမ်ထောင်စုများသို့ ဟင်းသီးဟင်းရွက် မျိုးစေ့၊ ပျိုးပင်၊ မြေဩဇာနှင့် ပညာပေးလက်ကမ်းစာစောင်များကို မေလ(၁၆)ရက်က စတင်ကာ အိမ်တိုင်ရာရောက် အခမဲ့ဖြန့်ဝေခြင်းများပြုလုပ်ခဲ့ခြင်း ဖြစ်သည်။ 

အခုအချိန်မှာ covid-19 ကပ်ရောဂါဆိုးက မြန်မာနိုင်ငံအပါအ၀င် ကမ္ဘာ့တစ်ဝှမ်လုံးဖြစ်ပေါ်နေတော့ ရောဂါ မကူးစက်စေဖို့ ကျန်းမာရေးနှင့်အားကစား၀န်ကြီးဌာနက ထုတ်ပြန်ထားတဲ့ ညွှန်ကြားချက်အတိုင်း လိုက်နာနေထိုင်ရန် လိုအပ်ပါတယ်။ ပြည်သူများ ဘေးအန္တရာယ်ကင်းရှင်းဖို့ လတ်ဆတ်တဲ့ ဟင်းသီး ဟင်းရွက်တွေ စားသုံးနိုင်‌စေရန်၊ စားသုံးသီးပင်များ၊ မိမိအိမ်ခြံဝင်းများအတွင်း တစ်ပိုင်တစ်နိုင်စိုက်ပျိုးထားရှိခြင်းဖြင့် လူဦးရေထူထပ်တဲ့ စျေးကို သွားရောက်ဝယ်ယူခြင်းကို လျှော့ချနိုင်ရန်၊ ဟင်းသီး ဟင်းရွက်တွေကို အိမ်မှာ စိုက်ပျိုးစားသုံးခြင်းဖြင့် ကိုယ်လက်လှုပ်ရှား‌ခြင်းနဲ့ ကျန်းမာပျော်ရွှင်မှုရရှိကာ ရောဂါကူးစက် ပြန့်ပွားမှုကို ထိန်းချုပ်နိုင်စေဖို့ပါ။

ဟု ကိုးကန့်ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့  ဥက္ကဌ ဦးကျောက်တယ်ချန်း က ပြောသည်။

လောက်ကိုင်မြို့နယ် Home Gardening လုပ်ငန်း အကောင်အထည်ဖော်ရေး‌ဆောင်ရွက်‌ရေး အဖွဲ့မှ မေလ၊ (၂၃)ရက်၊ (၃၀)ရက် နှင့် ဇွန်လ(၆)ရက်နေ့ များတွင်လည်း ဟင်းသီးဟင်းရွက်၊ မျိုးစေ့၊ ပျိုးပင်၊ မြေဩဇာနှင့် ပညာပေးလက်ကမ်းစာစောင်များ အိမ်အရောက်အခမဲ့ ဖြန့်ဝေခြင်းများကို ဆက်လက်ဆောင်ရွက်သွားမည်ဖြစ်ပြီး အိမ်ခြံ၀န်း ဟင်းသီးဟင်းရွက် စိုက်ပျိုးလိုသူ ပြည်သူများအနေဖြင့် လိုအပ်ပါက Home Gardening လုပ်ငန်း အကောင်အထည်ဖော် ဆောင်ရွက်ရေးအဖွဲ့ (လောက်ကိုင်မြို့နယ်၊ စိုက်ပျိုးရေးဦးစီးဌာန) သို့ ဆက်သွယ်နိုင်ကြောင်း သိရသည်။

နန်းထက်ထက်ချစ်(ABM)

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more