ဒေါ်နန်းထက်ထက်ချစ်၂၀၂၁ ခုနှစ်၊ မေလဆန်းမှစတင်၍ ကွမ်းရွက်ဈေးနှုန်းများ ပြန်လည်မြင့်တက်လာကြောင်း ကွမ်းဈေးကွက် ကျွမ်းကျင်သူများထံမှ သိရသည်။
ဒီနှစ်ရဲ့ကွမ်းရွက်ဈေးကွက်က စောစောပိုင်းကတော့ တော်တော်လေးညံ့ခဲ့တယ်။ ကွမ်းအချိန်တစ်ဆယ်ကို ငွေနှစ်သောင်းပတ်ဝန်းကျင်ပဲ ရခဲ့တယ်။ အခုတော့ ဈေးတွေပြန်တက်လာပြီ။ ကွမ်းအချိန်တစ်ဆယ်ကို ငွေလေးသောင်းပတ်ဝန်းကျင်လောက် ပြန်ဖြစ်လာပြီ။ နှစ်တိုင်း အခုလိုရာသီချိန်မှာ အခုနှစ်လောက်တော့ ဈေးမကျဘူး။ ဒီနှစ်က ကိုဗစ်ဖြစ်နေတာကြောင့်ရယ်၊ လှိုင်သာယာလမ်းတွေ ပိတ်ဆို့ခဲ့တာကြောင့်ရယ်ပါတယ်။ လမ်းပိတ်တာက ကွမ်းရွက်တင်ပို့တဲ့ကုန်ကားတွေအတွက်ကတော့ အဆင်ပြေတယ်။ တင်ပို့လို့ ရနိုင်သေးတယ်။ လမ်းအပိတ်အဆို့တွေရှိလို့ဆိုပြီး ကွမ်းရွက်ဒိုင်တွေဆီကို ဝယ်သူတွေမလာတာမျိုးကြောင့်တော့ ဈေးကျတာမျိုး ရှိပါတယ်။
ဟု ရန်ကုန်တိုင်းဒေသကြီး၊ သီရိမင်္ဂလာဈေးမှ ကွမ်းရွက်ဝယ်ရောင်းလုပ်ကိုင်နေသူ ကိုထွန်းလင်းက ပြောသည်။
ဧရာဝတီတိုင်းဒေသကြီးမှ စိုက်ပျိုးထွက်ရှိသည့် ကွမ်းရွက်များကို ရန်ကုန်တိုင်းဒေသကြီး၊ သီရိမင်္ဂလာဈေးသို့ တိုက်ရိုက်တင်ပို့ရောင်းချနေခြင်း ဖြစ်သည်။
အများအားဖြင့် မတ်လမှ အောက်တိုဘာလအတွင်း ကာလများသည် ကွမ်းရွက်ဈေးနှုန်းများ မြင့်တက်လေ့ရှိသည့် ကာလအပိုင်းအခြားဖြစ်ကြောင်း သိရသည်။
အဓိက ဈေးကွက်အနေနဲ့ သီရိမင်္ဂလာဈေးကို တင်ပို့ရောင်းချတယ်။ ဝယ်မယ့်ကွမ်းဒိုင်တွေကလည်း အမြဲရှိနေပါတယ်။ ဧပြီလ နွေတအားပြင်းတဲ့လဆိုရင် ကွမ်းဈေးတက်တတ်တယ်။ ဇူလိုင်လ၊ ဩဂုတ်လတို့လို မိုးကာလ၊ ကွမ်းခြံတွေ ရေနစ်မြှုပ်တဲ့အချိန် မြစ်ရေတက်တဲ့အချိန်ဆိုရင် ကွမ်းဈေးတက်တတ်တယ်။ အခုရက်ပိုင်း ကွမ်းဈေးတွေ ပြန်တက်လာတာကတော့ ဧပြီလကုန်ခါနီး မေလဆန်းပိုင်းလောက်မှာ စပြီးတက်လာတာပါ။ အရောင်းအဝယ် နည်းနည်းပြန်လိုက်လာတယ်။
ဟု ဧရာဝတီတိုင်းဒေသကြီး၊ ညောင်တုန်းမြို့နယ်၊ စက္ကော့တောင် ကျေးရွာအုပ်စု၊ ဘုတ်ဆုံချောင်ကျေးရွာမှ စီးပွားဖြစ် ကွမ်းခြံလုပ်ငန်းလုပ်ကိုင်သူ ဦးစိုးက ပြောသည်။
၂၀၂၁ ခုနှစ်၊ မေလ(၈)ရက်နေ့ ရန်ကုန်တိုင်းဒေသကြီး၊ သီရိမင်္ဂလာဈေး၊ ကွမ်းရွက်ဈေးနှုန်းများအရ ယာကွမ်းထူးရှယ် ရိုးစိမ်း/ညို တစ်ပိဿာလျှင် (၅၅၀၀)ကျပ်၊ ယာကွမ်းထူးရှယ် ထိုင်ဝမ်/ရိုးနီ တစ်ပိဿာလျှင် (၆၀၀၀)ကျပ် ဈေးနှုန်းများဖြင့် ရောင်းဝယ်ဖောက်ကားနေကြောင်း ရွှေရင်ချမ်းမြကွမ်းရောင်းဝယ်ရေး၊ ရန်ကုန်မှ သိရသည်။
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}