သီရိမင်္ဂလာဈေး ပန်းဈေးကွက်အတွင်း ပန်းဈေးနှုန်းများမြင့်တက်နေ

၂၀၂၁ ခုနှစ်၊ ဩဂုတ်လဒုတိယပတ်မှစတင်၍ သီရိမင်္ဂလာဈေး ပန်းဈေးကွက်အတွင်း ပန်းဈေးနှုန်းများမြင့်တက်နေကြောင်း ပန်းမျိုးစုံ လက်လီလက်ကားရောင်းချနေသူများထံမှ သိရသည်။

ပန်းတွေ အကုန်ဈေးတက်တယ်။ အရင်က သုံးထုံး (အရိုင်းစည်း အကြီး)ကို တစ်သောင်းကျပ်နဲ့ ဝယ်နေကြက အခု တစ်ထုံးကို ရှစ်ထောင်ကျပ်လောက်ဖြစ်နေတယ်။ ကျွန်မတို့က သီရိမင်္ဂလာဈေးကနေ ဖောက်သည်သွားဝယ်ပြီး ရန်ကုန်ကမြို့နယ်တွေထဲမှာ လက်လီပြန်ရောင်းတာပါ။ ဈေးမှာကို ပန်းကားတွေ သိပ်မဝင်တော့တဲ့အတွက် အခုလိုမျိုး ပန်းဈေးတက်တာလို့သိရပါတယ်။ ဈေးတက်တာ ဒီတစ်ပတ်ထဲမှာမှ စတက်လာတာပါ။ ပန်းဈေးတွေသာ တက်လာတာ။ လက်လီဝယ်သူတွေကို ကျွန်မတို့က ချက်ချင်းကြီး ဈေးတင်ရောင်းလို့ကလည်း မရပါဘူး။

ဟု ရန်ကုန်တိုင်းဒေသကြီး၊ ဒေါပုံမြို့နယ်မှ ပန်းမျိုးစုံလက်လီရောင်းချသူ မရှိုင်းရှိုင်းက ပြောသည်။

ရန်ကုန်တိုင်းဒေသကြီး၊ သီရိမင်္ဂလာဈေး ပန်းဈေးကွက်အတွင်း ဂန္ဓမာပန်းမျိုးများဖြစ်ကြသည့် မြနှင်းဖြူ၊ ချယ်ရီလွင်၊ ချယ်ရီဖြူတစ်ထုံးလျှင် ၇၀၀၀ ကျပ်မှ ၈၀၀၀ ကျပ်၊ ချယ်ရီနီ တစ်ထုံးလျှင် ၆၀၀၀ ကျပ်မှ ၇၀၀၀ ကျပ်အတွင်း ဈေးနှုန်းများ မြင့်တက််နေသည်။

ဒီမှာ ခြံအတွင်းရောင်းဈေးတောင်မှ ချယ်ရီလွင်ဂန္ဓမာ အရိုင်းစည်းတစ်စည်းကို သုံးထောင့်ငါးရာ၊ လေးထောင်ကျပ် ပေါက်ဈေးရှိနေတယ်။ အရင်တုန်းက ထောင့်ငါးရာကနေ နှစ်ထောင်ကျပ်အတွင်းပဲ ဈေးရှိခဲ့တယ်။ အခုအချိန် ရာသီဥတုနဲ့က ပန်းက လုံးဝရှားသွားပြီလေ။ ဒါ့ကြောင့်မို့ ဈေးကတော့တက်မှာပဲ။ စက်တင်ဘာ၊ အောက်တိုဘာလလောက်ဆိုရင်တော့ ပန်းတွေ အသစ်ပြန်ထွက်လာပြီး ဈေးပြန်ကျလာမယ်လို့ ယူဆပါတယ်။

ဟု မန္တလေးတိုင်းဒေသကြီး၊ ပြင်ဦးလွင်မြို့၊ အနီးစခန်းအနီး၊ ဖောင်းတောကျေးရွာမှ ပန်းစိုက်တောင်သူ ကိုငယ်လေးက ပြောသည်။

ယခုနှစ်တွင် သွင်းအားစုစရိတ်များ မြင့်တက်နေသဖြင့် ပန်းဈေးနှုန်းများ မြင့်တက်လာသော်လည်း ပန်းစိုက်ပျိုးထုတ်လုပ်သည့် တောင်သူများမှာ အမြတ်အစွန်းနည်းပါးကြောင်း သိရသည်။

ယခင်က ဂန္ဓမာပန်း (၁.၅) ဧက စိုက်ပျိုးပါက စိုက်ပျိုးစရိတ် ကျပ် (၁၀) သိန်းဝန်းကျင် ကုန်ကျခဲ့သော်လည်း ယခုအခါ မြေဆီဖိုး၊ ပိုးသတ်ဆေးနှင့် မှိုသတ်ဆေးဖိုး စသည့် သွင်းအားစုစရိတ်များ မြင့်တက်နေခြင်းကြောင့် (၁.၅) ဧကအတွက် စိုက်ပျိုးစရိတ်စုစုပေါင်းမှာ ကျပ်(၁၅)သိန်းဝန်းကျင်ကုန်ကျနေကြောင်း သိရသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။