စိုက်ပျိုးရေးဦးစီးဌာန Call Center နှင့် Greenway တို့ပူးပေါင်း၍ တောင်သူ ဝန်ဆောင်မှုလုပ်ငန်း တိုးမြှင့်ဆောင်ရွက်မည်

20/08/2020 11:00 AM တွင် စိုက်ပျိုးရေးဦးစီးဌာန စိုက်ပျိုးရေးဦးစီးဌာန မှ ရေးသား ပြီး စိုက်ပျိုးရေးဉီးစီးဌာန စိုက်ပျိုးရေးဉီးစီးဌာန မှ ပေးပို့ထားပါသည်။

စိုက်ပျိုးရေးဦးစီးဌာန Call Center နှင့် Greenway တို့ပူးပေါင်းဆောင်ရွက်သော “အစိမ်းရောင်လမ်း စိုက်ပျိုး မွေးမြူရေးဆိုင်ရာဖုန်းဆော့ဝဲလ်” အသုံးပြုနည်းဆိုင်ရာဆွေးနွေးပွဲကို သြဂုတ်လ ၁၉ ရက် မွန်းလွဲပိုင်းက နေပြည်တော်ရုံးအမှတ် (၄၃) အစည်းအဝေးခန်းမ၌ ကျင်းပပြုလုပ်ရာ အခမ်းအနားသို့ စိုက်ပျိုးပညာပေးရေးဌာနခွဲ၊ ညွှန်ကြားရေးမှူး ဦးခင်မောင်ညွန့် နှင့် ဌာနစိတ်တာဝန်ခံများ၊ Greenway မှ မန်နေဂျာ ဒေါ်မေဇင်ထွန်း ၊ စိုက်ပျိုးရေးဦးစီးဌာန Call Center တာဝန်ခံ ဒေါ်အေးအေးခိုင် နှင့် ဘာသာရပ်အလိုက် ဖြေကြားပေးသူ (အလှည့်ကျဝန်ထမ်းများ) တက်ရောက်ကြသည်။ 

ဆွေးနွေးပွဲတွင် ညွှန်ကြားရေးမှူးက အမှာစကားပြောကြားရာ၌ နိုင်ငံ၏ အသားတင်ထုတ်လုပ်မှု တန်ဖိုး (GDP) ၏၃၀% ခန့်ကို လယ်ယာကဏ္ဍမှ ရရှိသော်လည်း တောင်သူများအတွက် လယ်ယာနှင့် ပတ်သက်သော အကျိုးခံစားခွင့်မှာ အလွန်နည်းပါးလှပြီး ရာသီဥတုပြောင်းလဲမှုနှင့်အတူဖြစ်ပေါ်လာသည့် သဘာဝဘေးများ၊ ကမ္ဘာ့ကပ်ရောဂါ Covid-19 နှင့် အခြားသော ဘေးအန္တရာယ်များကြောင့် တောင်သူလယ်သမားအများစု၏ လူမှုစီးပွားဘဝများ နလန်ထူလာရန် မိမိတို့များစွာကြိုးစားကြရမှာဖြစ်ကြောင်း၊

ယင်းဖြစ်ရပ်များအပေါ် တောင်သူလယ်သမားများ ကြံ့ကြံ့ခံနိုင်စေရန် နှင့် လယ်ယာကဏ္ဍတစ်ခုလုံး အရှိန်အဟုန်ကောင်းစွာ ဖွံ့ဖြိုးလာစေရန် နိုင်ငံတော်အစိုးရက ကုစားမှုဆိုင်ရာစီမံချက်များ၊ ဖွံ့ဖြိုးရေးဆိုင်ရာ စီမံကိန်းများ ချမှတ်ပေးလျက် ရှိသည့်နည်းတူ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာန အနေဖြင့်လည်း တိုးချဲ့ပညာပေးလုပ်ငန်းများကို ဘက်စုံထောင့်စုံ မှ ကြိုးပမ်း အကောင်အထည်ဖော် ဆောင်ရွက်လျက်ရှိရာ ဒေသအသီးသီးတွင် စိုက်ပျိုးရေး နည်းပညာ ပြန့်ပွားရေး စင်တာများ ဖွင့်လှစ်ပေးခြင်း၊ အဆိုပါစင်တာများတွင် သီးနှံအလိုက် ပညာရှင်ဝန်ထမ်းများ တာဝန် ချထားပေးပြီး တောင်သူများအား အနီးကပ်ကူညီမှုပေးစေခြင်း၊ ရုပ်မြင်သံကြား၊ သတင်းစာ ဂျာနယ်များ၊ ဆိုရှယ် မီဒီယာများမှတဆင့် တောင်သူများအတွက် အသိပေးနှိုးဆော်ချက်များ၊ သတင်းများ၊ ဆောင်းပါးများ ဖော်ပြပေးလျက်ရှိပါကြောင်း။

၎င်းအပြင် တောင်သူများသိလိုသည့် နည်းပညာရပ်ဆိုင်ရာများကို အလွယ်တကူ ဆက်သွယ်မေးမြန်းနိုင်ရန် စိုက်ပျိုးရေးဦးစီးဌာန Call Center ကို ၂၀၁၇ခုနှစ် မတ်လ (၁)ရက်နေ့က နေပြည်တော်၌ ဖွင့်လှစ်ပေးခဲ့ပြီး ဖြစ်သော်လည်း၊ တောင်သူလယ်သမားများ၊ စိုက်ပျိုးရေးလုပ်ငန်းအား စိတ်ဝင်စားသူများ အနေဖြင့်  နည်းပညာရပ်ဆိုင်ရာများ၊ သတင်းအချက်အလက်များကို ပိုမိုလွယ်ကူစွာ ရရှိနိုင်ရန် လယ်ယာကဏ္ဍအတွက် ပိုမိုကျယ်ပြန့်သော သတင်းအချက်အလက်နှင့်ဆက်သွယ်ရေးနည်းပညာ အခြေခံသည့် ဝန်ဆောင်မှုများ ထူထောင်ပေးနိုင်ရန် ကြိုးပမ်းနေချိန်တွင် ယခုကဲ့သို့ ဌာနနှင့် ပုဂ္ဂလိက တို့ ပူးပေါင်း၍ တောင်သူများအား ဝန်ဆောင်မှုပေးနိုင်မည်ဖြစ်သည့်အတွက် ဝမ်းမြောက်စွာ ကြိုဆိုပါကြောင်း ပြောကြားသည်။

ဆက်လက်၍ Call Center တာဝန်ခံ ဒေါ်အေးအေးခိုင်က စိုက်ပျိုးရေးဦးစီးဌာန Call Center ၏ လုပ်ငန်းစဉ်များနှင့် ကြုံတွေ့ရသည့် အခက်အခဲများ၊ တောင်သူ့အတွက် အကောင်းဆုံး ဝန်ဆောင်မှု ပေးရန် ကြိုးပမ်းနေမှုများကို ရှင်းလင်းတင်ပြသည်။

ထို့နောက် Greenway မှ မန်နေဂျာ ဒေါ်မေဇင်ထွန်း က “အစိမ်းရောင်လမ်း စိုက်ပျိုး မွေးမြူရေး ဆိုင်ရာဖုန်းဆော့ဝဲလ်” ဖြစ်ပေါ်လာပုံနှင့် နည်းပညာရပ်ဆိုင်ရာ မေးမြန်းလာမှုများအပေါ် ပြန်လည် ဖြေကြားရာတွင် စိုက်ပျိုးရေးဦးစီးဌာန ရှိ ပညာရှင်အရာထမ်းအမှုထမ်းများက မိမိတို့ ကျွမ်းကျင်ရာ ဘာသာရပ်အလိုက် ဝင်ရောက်ဖြေဆိုပေးနိုင်ရန် ဆော့ဝဲအပေါ်တွင် နည်းပညာအဆင့်မြှင့်တင်ပေးထားမှု အခြေအနေများကိုလည်းကောင်း၊ သတ်မှတ်ချိန်အတွင်း ဖြေကြားထားခြင်းမရှိသည့် မေးခွန်းများ အတွက် စိုက်ပျိုးရေးဦးစီးဌာန Call Center ၏ အကူအညီကိုရယူဆောင်ရွက်နိုင်ရေးဆိုင်ရာ ကိစ္စရပ်များ၊ တောင်သူ၊ ပညာရှင်၊ ပုဂ္ဂလိက နှင့် အခြားသုံးစွဲသူများကို ခွဲခြားသတ်မှတ်နိုင်ရန် Blue Mark , Green Mark အမှတ်အသားများ သတ်မှတ်ပေးမည့် အခြေအနေများကို ရှင်းလင်းပြောကြားသည်။

၎င်းနောက် ဆွေးနွေးပွဲတက်ရောက်လာသူများက သိရှိလိုသည်များမေးမြန်းဆွေးနွေးခဲ့ကြကာ မိုဘိုင်းဖုန်းများအတွင်း ဆော့ဝဲလ် လက်တွေ့တပ်ဆင် စမ်းသပ်အသုံးပြုပြီး ဌာနပညာရှင်များ၏ ပူးပေါင်း ဆောင်ရွက်ပေးနိုင်မည့် အခြေအနေနှင့် ကြုံတွေ့နိုင်သည့် အခက်အခဲများကို အပြန်အလှန် အကြံပြု  ဆွေးနွေးခဲ့ကြကြောင်း သတင်းရရှိသည်။


ဗွေဆော်ဦး ကြော်ငြာ
ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်