ဒေါ်နန်းထက်ထက်ချစ်
Greenovator
ချင်းပြည်နယ်တောင်ပိုင်း၊ မင်းတပ်မြို့နယ်အတွင်း၌ ကော်ဖီ-ထောပတ် ရောနှောစိုက်ပျိုးမှု စတင်လုပ်ဆောင်နေကြောင်း မြန်မာနိုင်ငံ ထောပတ်စိုက်ပျိုးထုတ်လုပ် တင်ပို့ရောင်းချသူများအသင်း (မင်းတပ်မြို့နယ်) မှ သိရသည်။
ကျွန်တော်တို့ အခုစလုပ်နေတာက ထောပတ်တစ်တန်း၊ ကော်ဖီတစ်တန်း ထားစိုက်တာပေါ့။ ရည်ရွယ်ချက်ကဘာလဲဆိုတော့ ကိုယ့်မြေတစ်ဧကရှိရင် ဒီမြေထဲကနေ သီးနှံနှစ်မျိုး ထွက်တာပေါ့နော်။ ရောနှောစိုက်ခင်းပေါ့နော်။ ကော်ဖီလည်း တစ်ဧကရမယ်။ ထောပတ်လည်း တစ်ဧကရမယ်။ နောက်တစ်ခုက ထောပတ်ရဲ့အရိပ်ကလေးတွေက ကော်ဖီအတွက် အရိပ်ရစေတယ်လေ။ ထောပတ်ကလည်း သုံးနှစ်ဆိုသီးတယ်။ ကော်ဖီလည်း သုံးနှစ်ဆို သီးတယ်။
ဟု မြန်မာနိုင်ငံ ထောပတ်စိုက်ပျိုးထုတ်လုပ်တင်ပို့ ရောင်းချသူများ အသင်း (မင်းတပ်မြို့နယ်) ၏ ဒုတိယဥက္ကဌ ဦးကီးဟုန်းက ပြောသည်။
ထောပတ်ပင်ကို ပင်ကြား (၁၅) ပေ၊ တန်းကြား (၂၅) ပေ ထားစိုက်ပြီး ကော်ဖီပင်ကို ကြားညှပ်စိုက်ပျိုးကာ (၂) သီးစား စိုက်ပျိုးကြခြင်း ဖြစ်သည်။
တပြိုင်နက်တည်းလည်း တွဲစိုက်ကြတယ်။ ထောပတ်ကို အရင်စိုက်ပြီး သုံးနှစ်လောက်နေမှ ကော်ဖီပင်ကို ကြားညှပ်စိုက်သူလည်း စိုက်ကြတယ်။ အသင်းအဖွဲ့အနေနဲ့လည်း နည်းစနစ်လေးတွေ အိုင်ဒီယာလေးတွေပေးတယ်။ စိတ်ဝင်စားတဲ့တောင်သူတွေလည်း လိုက်ပြီးတော့ လုပ်ကြတာပေါ့နော်။
ဟု ဦးကီးဟုန်းက ဆက်လက်ပြောသည်။
ချင်းပြည်နယ်တောင်ပိုင်းရှိ ကော်ဖီ-ထောပတ် ရောနှောစိုက်ခင်းများကို မင်းတပ်၊ ကန်ပက်လက် အစရှိသည့် ဒေသတချို့၌ လုပ်ဆောင်နေသည်။
(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}