ငရုတ်ကောင်းပင်ကို သစ်မာစိုက်ခင်းများဖြင့် ၂ သီးစားတွဲဖက်စိုက်ပျိုးပါက အကျိုးထူးနိုင်

30/12/2021 20:00 PM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

ငရုတ်ကောင်းပင်ကို သစ်မာစိုက်ခင်းများဖြင့် ၂ သီးစားတွဲဖက်စိုက်ပျိုးပါက အကျိုးထူးနိုင်ကြောင်း စိုက်ပျိုးရေးကျွမ်းကျင်သူများက ဆိုသည်။

"အခုဆိုရင် မြန်မာနိုင်ငံအတွင်းမှာ သစ်မာစိုက်ခင်းတွေ အများကြီးရှိနေတယ်။ ဒီလို သစ်မာစိုက်ခင်းတွေမှာ ငရုတ်ကောင်းပင်ကို တွယ်ကပ်ပင်အဖြစ် စိုက်ပျိုးကြမယ်ဆိုရင် နှစ်သီးစားလို့ရမယ့်အပြင် ပထမတန်းစား စိုက်ပျိုးရေးလုပ်ငန်းတစ်ခုလည်း ဖြစ်သွားမယ်။ ငရုတ်ကောင်းပင်ကို ကျွန်းပင်၊ ပျဉ်းကတိုးပင်၊ ယမနေပင်၊ မန်ဂျန်ရှားပင်တွေရဲ့ပင်စည်မှာ တွယ်ကပ်စိုက်ပျိုးလို့ရတယ်။ သစ်မာစိုက်ခင်းကနေ သစ်လုံးကြီးအရွယ်အထိ မကြီးထွားသေးခင် စောင့်ဆိုင်းနေချိန်မှာ ငရုတ်ကောင်းပင်ကနေတဆင့် ဝင်ငွေရနိုင်ပြီ၊ သစ်မာစိုက်ခင်းက ခုတ်ရောင်းလို့ရတဲ့ အချိန်မှာတော့ ငရုတ်ကောင်းပင်ကလည်း သူ့သက်တမ်းအလိုက် ရသင့်ရထိုက်တဲ့ ဝင်ငွေတွေ ရှာပေးပြီးဖြစ်နေပြီ။ တွဲဖက်စိုက်ပျိုးမယ်ဆိုရင် အင်မတန် အကျိုးထူးမယ်လို့မြင်ပါတယ်။"

ဟု KKO-Pepper ငရုတ်ကောင်းစိုက်ပျိုးထုတ်လုပ်ရေးမှ စီမံအုပ်ချုပ်သူ ဦးအောင်ဆန်းဦးက ပြောသည်။

ပြည်ပမှ ငရုတ်ကောင်း Import တင်သွင်းနေမှုများကို လျော့နည်းစေရန် ပြည်တွင်း၌ ငရုတ်ကောင်းစိုက်ဧကများ တိုးချဲ့စိုက်ပျိုးရန်လိုအပ်ကြောင်း သိရသည်။

"ငရုတ်ကောင်းလိုအပ်ချက်ကို ပြည့်မီဖို့နဲ့ ပြည်ပ သွင်းနေတာတွေ နည်းသွားစေဖို့ ဘယ်လိုလုပ်သင့်လဲဆိုတော့ တောင်သူတွေအနေနဲ့ ငရုတ်ကောင်းစိုက်ဧကတွေ တိုးချဲ့စိုက်ပျိုးသင့်တယ်လို့ မြင်ပါတယ်။ ပြည်တွင်းမှာသာ အလုံအလောက် ထွက်နေတယ်ဆိုရင် အပြင်က ဝင်နေတာတွေ လျော့နည်းသွားမယ်လို့ မြင်တယ်။ ငရုတ်ကောင်းပင်က ရေကြိုက်တယ်၊ သို့သော် အပင်ခြေမှာ ရေဝပ်သွားတာတော့ မကြိုက်ဘူး။ ဒါလေးကိုတော့ သတိပြုစိုက်ပျိုးတတ်ဖို့ လိုအပ်ပါတယ်။"

ဟု ဦးအောင်ဆန်းဦးက ဆက်လက်ပြောသည်။

ငရုတ်ကောင်းပင်သည် ပူပြင်းခြောက်သွေ့ပြီး ရေရရှိရန် ခက်ခဲသည့် ဒေသတစ်ချို့မှလွဲ၍ ကျန်ဒေသများတွင် မည်သည်ဒေသတွင်မဆို စိုက်ပျိုးဖြစ်ထွန်းနိုင်သည့် နှစ်ရှည်သီးနှံပင်ဖြစ်ကြောင်း သိရှိရသည်။

ဆောင်းပါးများ/သတင်းများပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်