အပြည်ပြည်ဆိုင်ရာ သစ်တောများနေ့

ယနေ့ မတ်လ ၂၁ ရက်နေ့ဟာ အပြည်ပြည်ဆိုင်ရာ သစ်တောများနေ့ ဖြစ်ပါတယ်။  

ကမ္ဘာမြေ ရေရှည်တည်တံ့ရေးအတွက် သစ်ပင်၊ သစ်တောတွေရဲ့ အရေးပါတဲ့ အခန်းကဏ္ဍကို အသိပညာပေးဖို့နဲ့ ကာကွယ်ထိန်းသိမ်းရေးအတွက် လှုပ်ရှားမှုတွေကို မြှင့်တင်ရန် ရည်ရွယ်ပြီး ဤနေ့ကို သတ်မှတ်ထားတာ ဖြစ်ပါတယ်။  စတင်သတ်မှတ်ပုံကတော့ ၁၉၇၁ ခုနှစ် နိုဝင်ဘာလမှာ ကျင်းပခဲ့တဲ့ ကမ္ဘာ့စားနပ်ရိက္ခာအဖွဲ့ (FAO) ရဲ့ ၁၆ ကြိမ်မြောက် ညီလာခံမှာ အဖွဲ့ဝင်နိုင်ငံတွေက မဲပေးပြီး ဆုံးဖြတ်ခဲ့ကြတာ ဖြစ်ပါတယ်။ မတ်လ ၂၁ ရက်နေ့ဟာ ကမ္ဘာတောင်ခြမ်းမှာ နွေဦးစတင်ချိန်ဖြစ်ပြီး နေ့အချိန်အပိုင်းအခြားနဲ့ ညအချိန်အပိုင်းအခြား တူညီနေတဲ့ ၎င်းနေ့ဟာ သဘာဝရဲ့ ဟန်ချက်ညီမှုကို ဖော်ပြနေတာကြောင့် ရွေးချယ်ခဲ့ကြတာ ဖြစ်ပါတယ်။ 

သစ်တော၊ သစ်ပင်တွေဟာ လူသားတွေအတွက် မရှိမဖြစ် လိုအပ်တဲ့ အောက်ဆီဂျင် ထုတ်လုပ်ပေးတာကစလို့ အစားအစာ၊ ဆေးဝါးနဲ့ အသုံးအဆောင်ပစ္စည်းတွေအဆုံး နေ့စဉ်ဘဝလိုအပ်ချက်တွေအတွက် အရေးပါလှပါတယ်။​ စိုက်ပျိုးရေးအတွက် အရေးကြီးတဲ့ ရာသီဥတုကို မျှတစေခြင်း လူသားတွေရဲ့ စိတ်ရောကိုယ်ပါကျန်းမာရေးကို အထောက်အကူပြုခြင်း၊ ရေသယံဇာတ၊ မြေဆီလွှာ၊ ဇီဝမျိုးကွဲများ ထိန်းသိမ်းခြင်း စတဲ့ အခန်းကဏ္ဍတွေမှာလဲ သစ်တော၊ သစ်ပင်တွေဟာ ပတ်သက်ဆက်နွှယ်နေပါတယ်။​

ဒါကြောင့်မလို့ “ဥတုရာသီ တောကိုမှီ၏။ တောတောင်စိမ်းမှ စမ်းရေရ၏။ ပန်းမန်သစ်ပင် လေသန့်စင်၍ ဥယျာဉ်တောတန်း စိတ်ရွှင်လန်း၏” ဆိုတဲ့ ဆိုရိုးစကားပင် ရှိနေခြင်း ဖြစ်ပါတယ်။​

စိတ်မကောင်းစရာနဲ့ပဲ ဒီလို ကဏ္ဍမျိုးစုံကနေ လူသားတွေနဲ့ ကမ္ဘာမြေကြီးကို အကျိုးပြုနေတဲ့ သစ်တောတွေဟာ စိုက်ပျိုးမြေချဲ့ထွင်ရန်၊ ဖွံ့ဖြိုးရေးအတွက် လမ်း၊ တံတား၊ အဆောက်အဦတွေ တည်ဆောက်ရန်၊ လူသုံးကုန်ပစ္စည်းများထုတ်လုပ်ရန်စတဲ့ အကြောင်းအမျိုးမျိုးကြောင့် နေ့စဉ်နဲ့ အမျှ ရှင်းလင်းခံနေရပါတယ်။​ အကြမ်းဖျင်းအားဖြင့် အင်္ဂလန်နိုင်ငံရဲ့ အကျယ်အဝန်းပမာဏ (ဧက ၃၂သန်း) ထက်ပိုတဲ့ သစ်တောဧရိယာတွေဟာ နှစ်စဉ်နဲ့အမျှ ရှင်းလင်းခံနေရပါတယ်။​ 

သစ်တောတွေပြုန်းတီးလာတဲ့ အကျိုးဆက်တွေအနေနဲ့ကတော့ ရာသီဥတု ဖောက်ပြန်ပြောင်းလဲပြီး  မိုးခေါင် ရေရှားတာ၊ သဘာဝဘေးအန္တရာယ်တွေဖြစ်တဲ့ ရေကြီး မြေပြိုတာတွေကို တစ်နှစ်ထက် တစ်နှစ် ဆိုးဆိုးရွားရွား ကြုံတွေ့လာကြရတာဖြစ်ပါတယ်။​

ဒါ့ကြောင့်မလို့ လူသားတွေရဲ့ အကျိုးအတွက်ရော မိခင်ကမ္ဘာမြေကမ္ဘာကြီးရဲ့ ကျန်းမာရေးအတွက်ပါ သစ်တော၊ သစ်ပင်တွေ ပိုမိုစိုက်ပျိုးပြီး ထိန်းသိမ်းကြဖို့အတွက်

ဒီကနေ့မှာ ကျရောက်တဲ့ အပြည်ပြည်ဆိုင်ရာ သစ်တောများနေ့ကိုဂုဏ်ပြုကြိုဆိုရင်း အစိမ်းရောင်လမ်းကနေ တိုက်တွန်းလိုက်ရပါတယ်ဗျာ…။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်