ကင်စွန်းဝါးဈေးကွက် ကောင်းမွန်နေသည့်အတွက် မျိုးပင်ထုတ်လုပ်ရောင်းချမှုများပြားလာ

ကင်စွန်းဝါးဈေးကွက် ကောင်းမွန်နေသည့်အတွက် မျိုးပင်(ပျိုးပင်) ထုတ်လုပ်ရောင်းချမှု များပြားလာကြောင်း စီးပွားဖြစ် ဝါးစိုက်ပျိုးသူများထံမှ သိရသည်။

ကင်စွန်းဝါးက မျှစ်ချိုးရောင်းလို့လည်းရတယ်။ ဝါးအဖြစ်နဲ့ ခုတ်ရောင်းလို့လည်း ရတယ်။ ဈေးကွက်ကောင်းမွန်တဲ့အတွက် စိုက်ပျိုးသူများလာတာကြောင့် အခုနောက်ပိုင်းမှာ မျိုးပင်ထုတ်လုပ်ရောင်းချရတာပိုများတယ်။ သူ့ရဲ့ မျှစ်အရသာကလည်း တော်တော်လေးချိုတယ်၊ အရသာကောင်းမွန်တယ်။ ကင်စွန်းဝါးကထွက်တဲ့မျှစ်က ဈေးကောင်းရတာကြောင့် စိုက်ပျိုးဖို့သင့်တော်တဲ့ ဝါးတစ်မျိုးဖြစ်ပါတယ်။ ကင်စွန်းဝါးကထွက်တဲ့ မျှစ်တစ်ပိဿာကို ကျပ်သုံးထောင်ကနေ ကျပ်ငါးထောင်အတွင်း ပေါက်ဈေးရှိနေပါတယ်။

ဟု ပဲခူးတိုင်းဒေသကြီး၊ ရေတာရှည်မြို့နယ်မှ ဝါးစီးပွားဖြစ်စိုက်ပျိုးထုတ်လုပ်နေသူ မစုမွန်ကပြောသည်။

သီးနှံအများစု ဈေးကွက်ထိခိုက်မှု ဖြစ်ပေါ်နေပြီး၊ မြေဆီ/မြေဩဇာနှင့် သွင်းအားစုစရိတ်များ မြင့်တက်နေချိန်ဖြစ်သဖြင့် ဈေးကွက်အာမခံချက်ရှိပြီး သဘာဝအတိုင်းစိုက်ပျိုးထုတ်လုပ်နိုင်သည့် ဝါးစိုက်ပျိုးရေးကို လူအများက စိတ်ပါဝင်စားလာကြခြင်းဖြစ်သည်။

ဝါးစိုက်ပျိုးတာက စိုက်ပျိုးပြုစုရတာလည်း မခက်ခဲဘူး။ ပထမတစ်နှစ်လောက်ပဲ သေချာဂရုစိုက်ပေးရတာ၊ နောက်ပိုင်းမှာတော့ တအားကြီး ဂရုစိုက်စောင့်ရှောက်နေရတာမျိုးမရှိပါဘူး။ မြေပြုပြင် ကျင်းတူးပြီး စတင်စိုက်ပျိုးတဲ့အချိန်တုန်းက နွားချေးဆွေးနဲ့ စပါးခွံ စတာတွေ ထည့်သွင်းစိုက်ပျိုးပေးခဲ့တာကလွဲလို့ နောက်ပိုင်းမှာ ဘာမြေဆီ/မြေဩဇာကိုမှ ထပ်မသုံးလည်း ဖြစ်ထွန်းပါတယ်။ ပိုးသတ်ဆေး၊ မှိုသတ်ဆေးလည်း မသုံးပေးရတဲ့အတွက် စိုက်ပျိုးကုန်ကျစရိတ်က သိပ်မများပါဘူး။

ဟု မစုမွန်က ဆက်လက်ပြောသည်။

ဝါးစိုက်ပျိုးရာတွင် ဇွန်၊ ဇူလိုင်လတို့၌ စတင်စိုက်ပျိုးလေ့ရှိပြီး၊ တစ်နှစ်ပတ်လည်လုံး မျှစ်ထုတ်ယူမည့် ဝါးခြံမျိုးဖြစ်ပါက မိုးရွာသွန်းမှုမရှိသည့်ကာလမျိုးတွင် ရေပေးသွင်းရန်လိုအပ်ကြောင်း သိရသည်။

ကင်စွန်းဝါး မျိုးပင်(ပျိုးပင်) ၃ လသားအရွယ် တစ်ပင်လျှင် လက်ကားဈေးနှုန်း(၁၅၀၀)ကျပ်၊ လက်လီဈေးနှုန်း (၂၀၀၀)ကျပ်မှ (၂၅၀၀)ကျပ် ဈေးနှုန်းများဖြင့် ထုတ်လုပ်ရောင်းချနေကြောင်း သိရသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ကင်စွန်းဝါးဈေးကွက် ကောင်းမွန်နေသည့်အတွက် မျိုးပင်ထုတ်လုပ်ရောင်းချမှုများပြားလာ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ကင်စွန်းဝါးဈေးကွက် ကောင်းမွန်နေသည့်အတွက် မျိုးပင်ထုတ်လုပ်ရောင်းချမှုများပြားလာ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}