ငှက်ပျောခြံလုပ်ငန်း စီးပွားဖြစ်လုပ်ကိုင်သူများ လုပ်သားရှားပါးမှုပြဿနာ ကြုံတွေ့နေရ

     ငှက်ပျောခြံစီးပွားဖြစ်လုပ်ကိုင်သူများ လုပ်သားရှားပါးမှုပြဿနာ ကြုံတွေ့နေရကြောင်း ပဲခူးတိုင်းဒေသကြီးရှိ ရော်ဘာနှင့်ကြားသီးနှံအမျိုးမျိုး သီးညှပ်စိုက်ပျိုးနေသူများထံမှ သိရသည်။ 

ဒီဒေသတဝိုက်မှာ ငှက်ပျောကို စီးပွားဖြစ်စိုက်ပျိုးသူ နည်းပါးတဲ့အတွက် သီးမွှေးငှက်ပျောသီးရဲ့လက်လီဈေးကွက်အခြေအနေက မဆိုးပါဘူး။ လောလောဆယ်မှာ အခက်အခဲက ဘာဖြစ်နေသလဲဆိုတော့ ကျွမ်းကျင်လုပ်သား ပြဿနာတက်နေပါတယ်။ ငှက်ပျောခြံ စီးပွားဖြစ်စိုက်ပျိုးသူတွေအတွက် ငှက်ပျော သားတက်ထိုး၊ သားတက်ကိုင် ကျွမ်းကျင်တဲ့ လုပ်သားတွေ လိုအပ်နေပါတယ်။ ဧရာဝတီတိုင်းဘက်က ကျွမ်းကျင်လုပ်သားမျိုးတွေ ဒီဘက်မှာလည်း ရနိုင်မယ်ဆိုရင် ပဲခူးတိုင်းရဲ့ ငှက်ပျောသီး တင်ပို့ရောင်းချမှုဈေးကွက်က ပိုပြီးတော့ အားကောင်းလာမှာပါ။

ဟု ပဲခူးတိုင်းဒေသကြီး၊ ရွှေကျင်မြို့နယ်ရှိ ကြယ်စင်စိုက်ပျိုးရေးခြံ အမှတ်(၁)နှင့်အမှတ်(၂) တို့၏ စီမံအုပ်ချုပ်သူ ဦးခင်မောင်သက်က ပြောသည်။ 

    ပဲခူးတိုင်းဒေသကြီးအတွင်း ငှက်ပျောခြံ စီးပွားဖြစ်စိုက်ပျိုးထုတ်လုပ်သူ အရေအတွက် အလွန်နည်းပါးသည့်အတွက် ဈေးကွက်ဝယ်လိုအား များပြားနေသည့် ငှက်ပျာခြံလုပ်ငန်းကို တိုးချဲ့လုပ်ကိုင်လိုကြသော်လည်း ဒေသတွင်း ငှက်ပျောစိုက်ပျိုးရေးကျွမ်းကျင်လုပ်သားများ ရှားပါးနေခြင်းဖြစ်သည်။ 

ပဲခူးတိုင်းက ရော်ဘာခြံလုပ်ငန်းလုပ်သူတွေအနေနဲ့ ရော်ဘာကနေ ဝင်ငွေရလာဖို့ ခြောက်နှစ်၊ ခုနှစ်နှစ်လောက် အချိန်ပေးစောင့်ဆိုင်းရတဲ့အတွက် ကြားထဲမှာ ကြားသီးနှံလေးတွေ ညှပ်စိုက်လိုက်တော့ စိုက်ပျိုးစရိတ်အတွက် ကာမိသွားပါတယ်။ အပိုဝင်ငွေရသွားတာပေါ့နော်။ မိုးဦးကျချိန်ဆိုရင် ရော်ဘာခြံထဲမှာ ရော်ဘာပင်ကြားထဲ ပြောင်းဖူးပင်တွေ သီးညှပ်စိုက်တယ်။ ပြောင်းဖူးစိုက်တာကတော့ နှစ်လခွဲလောက်ကြာတယ်။ အဲ့ဒိအတွက်လည်း အပိုဝင်ငွေရပါတယ်။ ပြောင်းဖူးစိုက်ပြီးတဲ့အခါ သီးမွှေးငှက်ပျောတွေကိုပါ စီးပွားဖြစ်တိုးချဲ့စိုက်တယ်။ သီးမွှေးငှက်ပျောက ဈေးကွက်လိုလားမှု များပြားတယ်။ ဒါပေမယ့်လည်း ကျွမ်းကျင်လုပ်သားတွေ ရရှိမှုအပိုင်းမှာ အားနည်းနေပါတယ်။ ငှက်ပျောပင်တွေကို ရော်ဘာပင်တွေကြားထဲ သီးညှပ်စိုက်ပျိုးမှုက လုပ်ကွက်ငယ်ရော်ဘာခြံ စိုက်ပျိုးထုတ်လုပ်သူတွေအတွက် ရော်ဘာအစေးမခြစ်ခင်မှာ အပိုဝင်ငွေရရှိစေတဲ့ လုပ်ငန်းတစ်ခုပါ။

ဟု ဦးခင်မောင်သက်က ပြောသည်။

    ပဲခူးတိုင်းဒေသကြီး၊ ရွှေကျင်မြို့နယ်အတွင်း စိုက်ပျိုးထွက်ရှိသည့် သီးမွှေးခွံဝါ ငှက်ပျောသီးများကို ပဲခူးမြို့၊ ရွှေကျင်မြို့၊ ညောင်လေးပင်မြို့များသို့ တင်ပို့ရောင်းချနေပြီး၊ သီးမွှေးခွံဝါ ငှက်ပျောသီးတစ်ဖီးလျှင် လက်လီဈေး (၂၀၀၀)ကျပ်ဖြင့် ရောင်းဝယ်ဖောက်ကားနေကြောင်း သိရသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်