ဝယ်ယူမှု များပြားသော်လည်း သံပုရာသီးဈေးနှုန်း ထင်သလောက်မကောင်းမွန်သေး

    ကျန်းမာရေးအတွက် အထောက်အကူဖြစ်စေသည့် သံပုရာသီးကို လူအများ ဝယ်ယူမှုများပြားသော်လည်း ဈေးနှုန်းမှာ ထင်သလောက် မကောင်းမွန်သေးဘဲ ယခင်နှစ်များကထက် ကျဆင်းနေဆဲဖြစ်ကြောင်း သိရသည်။

လူတွေက သံပုရာသီးကို အရင်ကထက် သုံးလာကြတာကတော့ ဟုတ်တယ်။ ဒီနှစ်က မနှစ်ကထက်တော့ သံပုရာသီးဈေးကျပါတယ်။ အခုတော့ သံပုရာသီးတစ်လုံးကို လက်လီဆို ၅၀ ကျပ်ပဲ ရတော့တယ်။ လက်ကားဆိုရင် သံပုရာသီး အလုံး အကြီးအသေးအပေါ် မူတည်ပြီး တစ်လုံးကို ၂၅ ကျပ် ၃၀ ကျပ်ပဲရတယ်။ အရင်ကတော့ ဒီလို ဩဂုတ်လလောက်ဆို သံပုရာသီးဈေးပိုရတဲ့အချိန်ပါ။ လမ်းပန်းဆက်သွယ်ရေးကြောင့် မဟုတ်ဘူး။ ကျွန်တော်တို့ဘက်မှာ အခုက ကားလမ်းတွေက ပွင့်နေတယ်။

ဟု နေပြည်တော်ရှိ ပြည့်ဝသံပုရာခြံမှ ကိုပြည့်ဝက ပြောသည်။ 

    ယခင်နှစ်က သံပုရာသီးတစ်လုံးလျှင် ပျမ်းမျှဈေးနှုန်း ၇၀ မှ ၁၀၀ ကျပ် အတွင်းရရှိခဲ့ပြီး အခုနှစ်တွင် သံပုရာသီးဈေးကွက်မပြတ်လပ်သော်လည်း ဈေးနှုန်းကျဆင်းမှု ဆက်တိုက်ကြုံတွေ့နေရခြင်းဖြစ်သည်။

ဈေးကွက်လည်ပတ်နေပေမယ့်လည်း ဘာကြောင့် ဈေးနည်းနည်းပဲရနေသလဲဆိုတော့ အခုကာလရဲ့အရှေ့ပိုင်းလေးမှာ နိုင်ငံရေးနဲ့ ကိုဗစ်နဲ့ဆိုတော့ ဈေးတွေက သိပ်မဖွင့်တာနဲ့ လူတွေက အသွားအလာနည်းပါးတာနဲ့ အိမ်ပြင်မထွက်တာနဲ့ တော်တော်ကို သုံးတဲ့လူကနည်းသွားခဲ့သေးတယ်။ ဒီတော့ အဲ့ဒီကာလရဲ့ရိုက်ခတ်မှုတချို့ကြောင့် ခြံတွေမှာ ဈေးကွက်ထဲမှာ သံပုရာသီးတွေက တအားပေါသွားသေးတဲ့အတွက် ဈေးတွေက အခုထိ အကုန်ပြုတ်ကျကုန်တယ်။

ဟု ကိုပြည့်ဝက ဆက်လက်ပြောသည်။

    နှစ်စဉ် မတ်လ၊ ဧပြီလတို့၌ သံပုရာသီးဈေးများ မြင့်တက်လာပြီး၊ ဧပြီလကျော်လာပြီးသည့်နောက် သံပုရာသီးဈေးပြန်ကျသွားတတ်သည်။ အသီးထွက်နှုန်းများသည့် ဇွန်လ၊ ဇူလိုင်လများတွင်မူ သံပုရာသီးဈေး အနိမ့်ဆုံးဖြစ်သွားတတ်ပြီး၊ သြဂုတ်လတွင် ဈေးကောင်းပြန်ရတတ်ကြောင်း သိရသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်