မိုးရွာသွန်းမှုကြောင့် ပန်းစိုက်ပျိုးတင်ပို့သူများ အရောင်းမသွက်

ဇွန်လအတွင်း မိုးစတင်ရွာသွန်းမှု များပြားသဖြင့် ပန်းစိုက်ပျိုးတင်ပို့သူများ အရောင်းမသွက်တော့ကြောင်း သီရိမင်္ဂလာဈေး ပန်းဈေးကွက်မှ သိရသည်။

မိုးတွင်းကာလသို့ ရောက်ရှိသည်နှင့် ပန်းစိုက်ပျိုးထုတ်လုပ် တင်ပို့ရောင်းချသူအများစု ဈေးကွက်ထိခိုက်မှု အနည်းနှင့်အများဆိုသလို ကြုံတွေ့ရတတ်ကြောင်း သိရသည်။

ရန်ကုန်တိုင်းဒေသကြီးရှိ သီရိမင်္ဂလာဈေးသို့ ပန်းအမျိုးမျိုးရောင်းချနေသည့် ဒေါ်ခင်မျိုးက "ဈေးကွက်ထဲတော့ ပန်းတွေပုံအိုင်နေတယ်။ နယ်ဘက်တွေလည်း အခုအချိန်လောက်ဆို မိုးက စကောင်းလာတော့လည်း အခက်တွေ့တယ်။ ဒီရန်ကုန်ဘက်မှာကလည်း ပန်းက ထင်သလောက်ကို အရောင်းမသွက်ပါဘူး” ဟု ပြောသည်။

ပန်းဆိုသည့်အတိုင်း ကိုင်တွယ်ပြုစုသူတို့၏ စနစ်ကျမှု ရှိမရှိ၊ ရာသီဥတုဒဏ်နှင့် လမ်းခရီးအကွာအဝေးတို့အပေါ် မူတည်ကာ အပျက်အစီး အလေအလွင့် ပမာဏများလည်း ကွာခြားသွားနိုင်သည်။

“လက်ရှိအခြေအနေအရ မိုးဆက်တိုက်ရွာတဲ့ ရက်တွေမှာ မိုးရေနာ၊ မိုးရေစိုနေတဲ့ ပန်းတွေချိုးပြီး အရိပ်ထဲမှာရေခြောက်အောင် နည်းမျိုးစုံသုံး အခြောက်ခံကာ ပွဲရုံ ဒါမှမဟုတ် ရန်ကုန် သီရိမင်္ဂလာဈေးကို တင်ပို့ကြတာ များပါတယ်။ နေ့တိုင်း ကားကြီးကားငယ်အသွယ်သွယ်နဲ့ ရောက်လာတဲ့ ဒီလိုမိုးရေမလွတ်တဲ့ ပန်းတွေမှာ ရန်ကုန်အရောက် ရက်ထိသာခံပါတယ်။ ငါးပုံပုံရင် တစ်ပုံလာက်က အပွင့်တွေ မိုးရေထိ မိုးရေနာထားလို့ ရောင်းမရတော့ပါဘူး။ ဒီလောက်များတဲ့ပန်းတွေ ရန်ကုန်မြို့တွင်းမှာ ကုန်အောင် ဖြုန်းလို့မရနိုင်တာ အားလုံးသိကြမှာပါ။ ရန်ကုန်ကနေ တစ်ခြားနယ်မြို့တွေကို ညအိပ်ခရီးနဲ့ ထပ်ပြီးတင်ကြ ပို့ကြလို့ မရနိုင်ပါဘူး။ ဒီအချက်က မိုးတွင်းမှာ ပန်းဈေးကွက်ပျက်ရခြင်းရဲ့ အချက်တွေထဲက တစ်စိတ်တဒေသ ဖြစ်ပါတယ်”ဟု မန္တလေးတိုင်းဒေသကြီး၊ ပြင်ဦးလွင်မြို့မှ ပန်းစိုက်ပျိုးတင်ပို့ရောင်းချနေသူ မပန်းအိစံက ပြောသည်။

မြန်မာနိုင်ငံရှိ ပန်းစိုက်ပျိုးထုတ်လုပ်သူ တောင်သူများအနေဖြင့် မိုးရာသီရောက်တိုင်း ဈေးကွက်ပျက်မှုကို နှစ်စဉ်ကြုံတွေ့နေရသော်လည်း ထိထိရောက်ရောက် လက်တွေ့ကာကွယ်နိုင်ရန် မဆောင်ရွက်နိုင်သေးကြောင်း သိရသည်။

မာလာ(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်