နှမ်းဈေးကွက်ကျဆင်းသော်လည်း ပဲတီစိမ်းဈေးကွက်ကောင်းမွန်သဖြင့် တောင်သူများ ခုသာခံသာရှိနေ

COVID ကာလအတွင်း နှမ်းဈေးကွက်ကျဆင်းသော်လည်း ပဲတီစိမ်းဈေးကွက် ကောင်းမွန်နေသဖြင့် တောင်သူများအနေဖြင့် ခုသာခံသာရှိနေခြင်းဖြစ်ကြောင်း မကွေးတိုင်းမှ တောင်သူများက ပြောသည်။

ပဲတီစိမ်းကတော့ ဒီနှစ်အနေအထားအရ ဈေးကွက်ကောင်းတယ်။ ကျွန်တော်တို့တောင်သူတွေအနေနဲ့ လုပ်ကိုင်ရတာ အဆင်ပြေတယ်။ တခြားသီးနှံတွေဆို မိုးနှမ်းတောင်မှ မရောင်းဘူး ဒီတိုင်းလှောင်ထားရတယ်။ ကိုဗစ်ကာလမှာ အရင်နဲ့မတူတာကတော့ အရင်နှစ်တွေက ပဲနဲ့ပတ်သက်ရင် ဘာပဲမှ ဈေးကွက်မကောင်းခဲ့ဘူး။ နှမ်းစိုက်တာက တွက်ခြေကိုက်ခဲ့တယ်။ ကိုဗစ်နဲ့လည်းကြုံရော နှမ်းဈေးတွေကျပြီး ပဲတီစိမ်းဈေးကွက် ကောင်းလာတယ်။ ပဲတီစိမ်းလေးတစ်ခုကြောင့် ထမင်းစားနေရတယ်။ ဘာကြောင့် ဈေးကွက်ကောင်းလာသလဲတော့ ကျွန်တော်လည်း ဂဃဏန မပြောတတ်ဘူး။ လက်လှမ်းမှီသလောက်သိထားတာတော့ ပဲတီစိမ်းက ဒီနှစ်မှာ အိန္ဒိယဘက်က ကိုတာ အများကြီးတက်တယ်။ တရုတ်ကတော့ နှစ်တိုင်းဝယ်ပေမယ့် သူတို့က ဈေးက ကြိုက်သလိုဝယ်တာ။ အိန္ဒိယဘက်က အဝယ်လာတဲ့နှစ်မှ ပဲတီစိမ်းဈေးပြောင်းတာ။

ဟု မကွေးတိုင်း၊ မင်းဘူးမြို့နယ်၊ သီးကုန်းကျေးရွာမှ တောင်သူ ကိုမျိုးသီဟ က ပြောသည်။

မကွေးတိုင်း၊ မင်းဘူးနယ်တဝိုက်ဒေသများအတွင်း ပဲတီစိမ်းရောင်းချရာတွင် ထိပ်စ၊ ခါး၊ အညံ့ (အောက်စ) စသဖြင့် အရည်အသွေးအဆင့် (၃)မျိုးခွဲခြား၍ ဈေးဖြတ်ရောင်းဝယ်ကြပြီး၊ ယခုနှစ်တွင် ပဲတီစိမ်းထိပ်စ (၁၉)ပိဿာဝင် တစ်တင်းလျှင် ၄၃,၀၀၀ ကျပ် ပေါက်ဈေးရရှိကြောင်း သိရသည်။

ကျွန်တော်တို့ဆီမှာ အရောင်းအဝယ်လုပ်တာတော့ မျက်မြင်အနေအထားကိုပဲကြည့်ပြီး ရွေးချယ်ကြတာ။ ပဲက ခြောက်လား၊ အစိုဓာတ် ဘယ်လောက်ကျန်လဲ မကျန်လဲ၊ အရောင်လှလား၊ မှိုကင်းလား ဆိုတဲ့ ပစ္စည်းအရည်အသွေးကို မျက်မြင်စစ်ဆေးကြည့်ပြီး ဝယ်တယ်။ မိုးဦးဆိုရင် ပဲတီစိမ်းနဲ့ နှမ်း၊ မိုးနှောင်းဆိုရင် ကုလားပဲ၊ ပဲစဉ်းငုံ၊ ပဲကြီး၊ မြေပဲ စိုက်တယ်။ ကျွန်တော်တို့ဒေသကတော့ ပဲတီစိမ်းကို မေလကတည်းက စိုက်ကြတယ်။ ဩဂုတ်လထဲဆို ပဲတွေပေါ်ပါတယ်။

ဟု ကိုမျိုးသီဟက ဆက်လက်ပြောသည်။

အိန္ဒိယမှ ပဲတင်သွင်းခွင့် တန်ချိန် ၃၀၀,၀၀၀ အား ၂၀၂၁ ခုနှစ်၊ မတ်လကုန်အထိ ခွင့်ပြုထားပြီး တရုတ်နိုင်ငံမှလည်း ပဲတီစိမ်းဝယ်ယူမှု မပျက်ခြင်းကြောင့် ပြည်တွင်းပဲတီစိမ်းစျေးကွက် ယခုကဲ့သို့ ကောင်းမွန်နေခြင်းဖြစ်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

နှမ်းဈေးကွက်ကျဆင်းသော်လည်း ပဲတီစိမ်းဈေးကွက်ကောင်းမွန်သဖြင့် တောင်သူများ ခုသာခံသာရှိနေ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

နှမ်းဈေးကွက်ကျဆင်းသော်လည်း ပဲတီစိမ်းဈေးကွက်ကောင်းမွန်သဖြင့် တောင်သူများ ခုသာခံသာရှိနေ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}