မြေသြဇာလေလွှင့်ဆုံးမှုနည်းပါးစေရန် စီမံထိန်းသိမ်းနေရတဲ့ တောင်စောင်းဒေသက နာနတ်စိုက်ခင်းများ

    တောင်စောင်းဒေသမှ နာနတ်စိုက်ခင်းများ မြေသြဇာလေလွှင့်ဆုံးမှုနည်းပါးစေရန် စီမံထိန်းသိမ်းနေကြရကြောင်း မန္တလေးတိုင်းဒေသကြီး၊ ပြင်ဦးလွင်မြို့နယ်ရှိ နာနတ်သီးစိုက်ပျိုးသူများထံမှ သိရသည်။

ဒီအချိန်ကတော့ မြေသြဇာကျွေး၊ စိုက်ခင်း သန့်ရှင်းရေးလုပ်၊ ပြုပြင်ထိန်းသိမ်းရေးလုပ်တဲ့ ကာလပေါ့။ မိုးတအားများခဲ့တာရယ်၊ လက်ရှိဖြစ်ပေါ်နေတဲ့ ရာသီဥတုအခြေအနေရယ် မူတည်ပြီးတော့ တောင်စောင်းဒေသမှာ နာနတ်သီးစိုက်ပျိုးရေးလုပ်ကိုင်တဲ့ တောင်သူတွေဟာ ကိုယ်ထည့်သွင်းကျွေးမွေးလိုက်တဲ့ မြေသြဇာတွေ လေလွင့်ဆုံးရှုံးမှုနည်းအောင် အတတ်နိုင်ဆုံး ဂရုစိုက်ထိန်းသိမ်းပေးတဲ့အလုပ်ကို အဓိကလုပ်ဆောင်နေကြရပါတယ်။

ဟု မန္တလေးတိုင်းဒေသကြီး၊ ပြင်ဦးလွင်မြို့နယ်၊ ဆင်လမ်းကျေးရွာရှိ အော်ဂဲနစ်စနစ်ဖြင့် နာနတ်သီးစီးပွားဖြစ်စိုက်ပျိုးသူ ဦးထွန်းထွန်းညွှန့်က ပြောသည်။ 

    မန္တလေးတိုင်းဒေသကြီး၊ ပြင်ဦးလွင်မြို့အနီးတစ်ဝိုက်ရှိ နာနတ်စိုက်ပျိုးသူများမှာ ဧပြီလနှင့် မေလတို့တွင် စတင်စိုက်ပျိုးလေ့ရှိကြပြီး၊ ဇွန်လ ဇူလိုင်လနှင့် သြဂုတ်လတို့တွင် အသီးခူးဆွတ်ကြသည်။

ဒီနှစ် မိုးဦးကလည်း စောသွားတယ်။ မိုးလယ်လည်း မိုးကောင်းတယ်။ မိုးနှောင်းကျတော့ မုတ်သုံက ထွက်သွားတာကြာနေပြီ၊ ကျွန်တော်တို့ဒေသဘက်က မိုးရွာနေတုန်းပဲဆိုတော့လေ၊ ကိုယ်ထည့်ထားတဲ့မြေသြဇာတွေ ရေရှည်ဆုံးရှုံးမှုမရှိအောင် စီမံရတယ်။ တောင်စောင်း/ကုန်းစောင်းတွေမှာ စိုက်ပျိုးတဲ့သူတွေ အများဆုံးကြုံတွေ့နေရတာပေါ့။ နောက်အခက်အခဲတစ်ခုကတော့ မိုးကောင်းတဲ့အတွက် ပေါင်းပင်တွေ ရှင်သန်ကြီးထွားမှုမြန်တယ်။ ခါတိုင်းနှစ်တွေထက် ပေါင်းရှင်းရတဲ့စရိတ် ပိုများလာတယ်။

ဟု ဦးထွန်းထွန်းညွှန့်က ဆက်လက်ပြောသည်။

    မြန်မာနိုင်ငံတွင် နာနတ်သီးပင်ကို ရှမ်းပြည်နယ်မြောက်ပိုင်း (သီပေါဒေသ)တွင် အများဆုံးစိုက်ပျိုးပြီး၊ မွန်ပြည်နယ် (ကျိုက်ထိုဒေသ)၊ ရှမ်းပြည်နယ် (စိုက်ခေါင်ဒေသ)၊ မန္တလေးတိုင်းဒေသကြီး (ပြင်ဦးလွင်ဒေသ)နှင့် ကရင်ပြည်နယ်အနီးတစ်ဝိုက်တို့တွင်လည်း စီးပွားဖြစ်စိုက်ပျိုးထုတ်လုပ်နေကြကြောင်း သိရသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more