ငရုတ်ကောင်းပင် ပြုစုထိန်းသိမ်းနည်း(၄)မျိုး

(၁) အပင်ခြေ မြေဖို့ပေးခြင်း

(၂) မြေအစိုဓာတ်ထိန်းခြင်း

(၃) အလင်းနှင့်အရိပ် ပြုပြင်ပေးခြင်း

(၄) ခေါင်ညွှန့် တီနွယ်၊ မြေလျှောက်နွယ် ဖြတ်ပေးခြင်း စတဲ့ ငရုတ်ကောင်းပင် ပြုစုထိန်းသိမ်းနည်းလေးတွေကို အနည်းငယ် တင်ပြလိုပါတယ်။

အပင်ခြေ မြေဖို့ပေးတာကို ဘယ်လိုစလုပ်ရမလဲ?

မိုးရေတိုက်စားခြင်းနဲ့ မြေဆီမြေသြဇာ လျော့သွားခြင်းတွေကြောင့် အပင်ကို ထိခိုက်ပျက်စီးစေနိုင်ပါတယ်။ မိုးမကျမီ ငရုတ်ကောင်းပင်ခြေကို (အရပ်ခေါ် ဂေါ်လီဝိုင်း) ၁ပေပတ်လည်မှ မြေသားဖြင့် ပင်ခြေကို (၆) လက်မ မှ (၈) လက်မ မြင့်တဲ့အထိ မြေဖို့ပေးရပါမယ်။ ဒီလို လုပ်ပေးမယ်ဆိုရင် ရရှိနိုင်တဲ့ အကျိုးကျေးဇူးတွေကတော့ အပင်ခြေ ရေမတိုက်စားနိုင်ခြင်း၊ မြေဖုံးပေးခြင်းကြောင့် မြေဖုံးထားတဲ့ ငရုတ်ကောင်းပင်အဆစ်တွေမှ မူခြားမြစ် အားကောင်းလာပြီး အပင်အတွက် အထောက်အကူရရှိခြင်း စတဲ့ အကျိုးတွေရရှိစေပါတယ်။

ပင်ခြေမြေဖို့လို့ ဖြစ်ပေါ်လာတဲ့ အပင်ပတ်လည်ကို ရေဝပ်ကျင်းတွေ မဖြစ်အောင် အထူးဂရုပြုပါ။ ငရုတ်ကောင်းပင်ဟာ ရေဝပ်မခံပါဘူး။ ဒါ့အပြင် မြေဖုံးပြီးပါက သစ်ဆွေးမြေသြဇာ၊ သဘာဝမြေသြဇာ၊ နွားချေး၊ ကြက်ချေးဆွေးတို့ကို ထရိုင်းဂိုဒါမားနဲ့ အချိုးကျ ရောစပ်ပြီး ကျွေးပေးသင့်ပါတယ်။

ဟု ငရုတ်ကောင်း စီးပွားဖြစ်စိုက်ပျိုးနေသူ ဦးအောင်ဆန်းဦး (KKO pepper) က သူ့ရဲ့အတွေ့အကြုံကို ရှင်းပြပါတယ်။

မြေအစိုဓာတ် ထိန်းမယ်ဆိုရင်...

မိုးမကုန်မီ စက်တင်ဘာလဝန်းကျင်မှာ မြေအစိုဓာတ် ထိန်းသိမ်းစေဖို့ လုပ်ဆောင်သင့်ပါတယ်။ အပင်ပတ်လည်က ပေါင်းမြက်တွေကို ရှင်းလင်းပေးပါ။ ရရှိလာတဲ့ ပေါင်းမြက်တွေကို အပင်ခြေရင်းကို ဖုံးအုပ်ပေးပါ။ ဖုံးအုပ်ရင်လည်း အရမ်းမထူအောင် ဂရုစိုက်ပေးသင့်ပါတယ်။ (၄) လက်မ ထက် မပိုအောင် ဖုံးအုပ်ပေးသင့်ပါတယ်။ မှိုရောဂါဆေးကို မကြာခဏ ဖျန်းပေးပါ။ မြေသြဇာထည့်ချင်ရင်တော့ ဖုံးအုပ်ထားတဲ့ မြက်ခြောက်နဲ့ ပေါင်းမြက်တွေကို ခဏဖယ်ရှားပြီး မြေသြဇာထည့်ပြီး ပြန်လည်ဖုံးအုပ်ပေးရပါမယ်။ မိုးရွာသွင်းမှု မရှိချိန်မှာ မြေသြဇာထည့်လိုပါက မြက်ခြောက်ဖုံးပြီးနောက် မြက်ခြောက်ပေါ်ကနေ ရေလောင်းပေးသင့်ပါတယ်။

အလင်းနှင့် အရိပ်ပြုပြင်ပေးပုံ

ငရုတ်ကောင်းပင် ကြီးထွားဖွံ့ဖြိုးစေဖို့အတွက်ဆိုရင် သင့်တော်တဲ့အလင်းရောင်နဲ့ အရိပ်တို့ကို လိုအပ်ချက်ပမာဏအတိုင်း အမြဲပြုပြင်ပေးသင့်ပါတယ်။ နွေရာသီမှာ စိုက်ခင်းမြေအေးမြစေရေးနဲ့ မြေသားအစိုဓာတ် ထိန်းသိမ်းရေးအပြင် အပင်ကို တိုက်ရိုက်နေရောင်ခြည်ထိတွေ့ပြီး အရွက်တွေ ခြောက်သွေ့သွားတာမျိုး မရှိစေဖို့ ကာကွယ်ပေးသင့်ပါတယ်။ အရိပ်ကို (၅၀) ရာခိုင်နှုန်း ပြုလုပ်ပေးသင့်ပါတယ်။

အသီးအပွင့်တင်တဲ့အချိန် မိုးရာသီနဲ့ ဆောင်းရာသီတွေမှာ အသီးအပွင့် ကောင်းမွန်လာစေဖို့နဲ့ အလင်းရောင်ရရှိစေဖို့ ''လိုအပ်သလို အလင်းဖွင့်ပေးသင့်ပါတယ်'' လို့ စိုက်ပျိုးရေး ကျွမ်းကျင်သူတွေက ဆိုပါတယ်။

ခေါင်ညွှန့် တီနွယ် မြေလျှောက်နွယ် ဖြတ်ပေးမယ်...

ငရုတ်ကောင်းပင် အပင်ကြီးထွားနေချိန်မှာ ခေါင်ညွန့် နှိမ်ပေးမယ်ဆိုရင် အပင်ထိပ်ပိုင်းက အဆစ်တွေကနေ စလင်းကိုင်းအသစ်တွေ ထွက်လာပါလိမ့်မယ်။ ငရုတ်ကောင်းနွယ်တွေ တွယ်တိုင်ရဲ့ထိပ်ပိုင်းကို ရောက်လာတဲ့အခါမှာနဲ့ နှစ်ရှည်ပင်ကို တွယ်တိုင်အဖြစ် အသုံးပြုတဲ့အခါတွေမှာ ငရုတ်ကောင်းပင် အမြင့် (၁၂) ပေခန့် အနေအထားကသာ အကောင်းဆုံး အနေအထား ဖြစ်ပါတယ်။ ဥပမာ တွယ်တိုင်ဟာ အမြင့် (၁၂) ပေ သို့မဟုတ် (၁၀) ပေရှိပါတယ်။ ၎င်းတွယ်တိုင်ထက် ငရုတ်ကောင်းပင် ပိုမြင့်သွားမယ်ဆိုရင် ကျော်လွန်သွားတဲ့ အညွန့်အားလုံးကို နှစ်စဉ် ဖြတ်ပေးသင့်ပါတယ်။ ထိပ်ညွန့်ကိုဖြတ်ပေးရင်းနဲ့ ဘေးညွန့်တွေ ထွက်ရှိလာစေဖို့ မွေးမြူပေးရပါမယ်။

ထွက်လာတဲ့ ဘေးညွန့်တွေ အောက်ဘက်ကို ဖြာဆင်းလာပြီး အသီးကောင်းစွာ သီးပွင့်စေမှာပဲ ဖြစ်ပါတယ်။ ငရုတ်ကောင်းပင် အပင်အုံ အရွယ်ကြီးမားလာတဲ့အခါ နွယ်ရင့်တွေကို ဖြတ်တောက်ပေးခြင်းဖြင့် ငရုတ်ကောင်းရုံပါးလာပြီး သီးအားပိုလာစေမှာပါ။ အပင်ထိပ်ပိုင်းကနေ ပြန်ပြီးကျလာတဲ့ နွယ်ကို ''တီနွယ်'' လို့ခေါ်ပါတယ်။ အဲ့ဒီနွယ်ကိုဖြတ်ထွက်ပြီး မျိုးပွားလို့ရပါတယ်။ အပင်ခြေရင်းက ထွက်ပေါ်လာတဲ့ နွယ်၊ ''မြေလျှောက်နွယ်''ကိုတော့ ဖြတ်ကို ဖြတ်တောက်ပေးသင့်ပါတယ်။ အဲ့ဒီနွယ်ကတော့ ငရုတ်ကောင်းပင်အတွက် ရောဂါကို ဖိတ်ခေါ်ပေးသလို ဖြစ်နေတာကြောင့်ပါ။

ဟု ဦးအောင်ဆန်းဦးက ဆက်လက်ပြောသည်။

နန်းထက်ထက်ချစ်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ငရုတ်ကောင်းပင် ပြုစုထိန်းသိမ်းနည်း(၄)မျိုး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ငရုတ်ကောင်းပင် ပြုစုထိန်းသိမ်းနည်း(၄)မျိုး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စပါးစိုက်ပျိုးနည်း (တောင်သူလက်စွဲ- ဦးဘဟိန်း) (၃) - ပျိုးထောင်ခြင်း

စံပယ်ပန်းစိုက်ပျိုးနည်း

Cattleya orchid စိုက်ပျိုး ပြုစုနည်း

{{ post.title }}