“မြန်မာနိုင်ငံဆန်စပါးအသင်းချုပ်မှ ပူးပေါင်းဆောင်ရွက်ထားသော လယ်ယာများအတွက် အာမခံထားပေးရန် ဆွေးနွေး”

မြန်မာနိုင်ငံ ဆန်စပါးအသင်းချုပ်မှ Contract Farming စနစ်ဖြင့် ပူးပေါင်းဆောင်ရွက်ထားသော တောင်သူများ၏ စပါးစိုက်ဧကများအတွက် သီးနှံအာမခံထားရှိရန် ဆွေးနွေးမှုပြုလုပ်နေကြောင်း Global World Insurance ကုမ္ပဏီမှ သိရသည်။

မတ်လ ၁၂ ရက်က ကျင်းပခဲ့သည့် "Micro Insurance & Liberalization" နှင့် ပတ်သက်သော သတင်းစာရှင်းလင်းပွဲတွင် "ကျွန်တော်တို့ စမ်းသပ်ကာလ ပထမနှစ်မှာ ကျယ်ကျယ်ပြန့်ပြန့် မဆောင်ရွက်နိုင်ဘူး။ ဒါကြောင့် ကျွန်တော်တို့ ဒီနှစ်မှာ ဧကထောင်ချီပြီးတော့ ဆောင်ရွက်နိုင်ဖို့ တိုးချဲ့သွားမယ်။ ဆန်စပါးအသင်းချုပ်က ဘယ်လောက်ထိ လုပ်မှာလဲ။ အဲ့ဒီတော့ ဆန်စပါးအသင်းချုပ်က သူတို့မှာ contract farming က ဧကသောင်းချီရှိတယ်။ အဲ့ဒီလိုလုပ်ရင် ကျွန်တော်တို့က လက်ခံမယ်။ ဒါပေမယ့် re-insurance ကို လုပ်မှရမယ်။ ဘာလို့လည်းဆိုတော့ ဒါကပမာဏကြီးတယ်။ ဆန်စပါး အသင်းချုပ်နဲ့ ကျွန်တော်တို့ စကားတရားဝင်ပြောပြီးလို့ လက်ခံရင် re-insurance ကုမ္ပဏီနဲ့ စကားပြောပြီး IBRB မှာ re-insurance လုပ်ခွင့် တင်ပြမယ်"ဟု Global World Insurance ကုမ္ပဏီမှ ဒါရိုက်တာ ဦးစိုးဝင်းသန့်က ပြောသည်။

သီးနှံအာမခံကို စမ်းသပ်လုပ်ကိုင်ရန်အတွက် ၂၀၁၆ ခုနှစ်၊ အောက်တိုဘာလတွင် အာမခံလုပ်ငန်းကြီး ကြပ်ရေးအဖွဲ့ (IBRB) သို့ တင်ပြကာ ယင်းစမ်းသပ်လုပ်ကိုင်ခြင်းကို ၂၀၁၈ ခုနှစ်တွင် စတင်လုပ်ကိုင်ခဲ့ခြင်းဖြစ်ပြီး၊ စိုက်ပျိုးသီးနှံများ ရာသီဥတုဖောက်ပြန်မှုကြောင့် အထွက်နှုန်းကျဆင်းခဲ့လျှင် ငွေကြေးအားဖြင့် အထောက်အပံ့ရရှိစေရန် စမ်းသပ်ဆောင်ရွက်သည့် အာမခံအမျိုးအစားတစ်ခုဖြစ်ကြောင်း သိရသည်။

အာမခံသက်တမ်းမှာ နွေစပါးနှင့် မိုးစပါး (၂) ကြိမ်လုံးအတွက် ပရီမီယံပေးသွင်းသည့်နေ့မှစ၍ (၁)နှစ်ဖြစ်ပြီး လယ်တစ်ဧကလျှင် စပါးအထွက်နှုန်း တင်း(၅၀) သတ်မှတ်၍ စပါးတစ်ဧကလျှင် တစ်နှစ်ပရီမီယံနှုန်းထား ကျပ် (၅၀၀၀) ပေးသွင်းရမည်ဖြစ်ကာ ထိုကဲ့သို့ သတ်မှတ်ခြင်းကို စိုက်ပျိုးသည့်သီးနှံ ၏ ယခင်နှစ် စပါးဈေးကွက်ပေါက်ဈေး၊ အထွက်နှုန်းတို့ အပေါ်မူတည်၍ တစ်ဧကတန်ဖိုးကို တွက် ချက်သတ်မှတ်ခြင်းဖြစ်သည်။

၂၀၁၈ ခုနှစ်အတွင်း စမ်းသပ်ဆောင်ရွက်ခဲ့သော ဧရာဝတီတိုင်းဒေသကြီး၊ ရန်ကုန်တိုင်းဒေသကြီးနှင့် မန္တလေးတိုင်း ဒေသကြီးတို့မှ မြို့နယ် (၅) မြို့နယ်ရှိ စပါးဧက (၃၀၀) ဝန်းကျင်ကို သီးနှံအာမခံ လက် ခံထားရှိရာတွင် လျော်ကြေးငွေ ပေးအပ်မှုမရှိခဲ့ကြောင်း သိရသည်။

"အခုလို အာမခံလုပ်ပေးတာ ရေနက်ကွင်းက တောင်သူတွေအတွက် အဆင်ပြေနိုင်ပါတယ်။ ဒါပေမယ့် တစ်ခါတစ်လေ တောင်သူတွေရဲ့ လောဘကြောင့် ရေနက်ကွင်းမှာ သက်ငယ်စပါးစိုက်မယ်ဆို အဆင်မပြေဘူး။ ရေနက်ကွင်းမှာ စပါးစိုက်ရင် သူနဲ့လိုက်တဲ့ စပါးကိုပဲ စိုက်လို့ရတယ်။ အဲ့ဒါကို တောင်သူတွေက သက်ငယ်စပါးစိုက်ရင် မလိုလားအပ်တဲ့ ပျက်စီးမှုလည်းဖြစ်ရော အာမခံထားထားတယ်။ အာမခံကြေးလျော်ပါဆိုတာ တောင်သူဘက်က မဖြစ်သင့်ဘူး။ အဓိကတော့ အာမခံထားမယ့် တောင်သူရဲ့ ကွင်းအနေအထား စိုက်စပါးအနေအထားကို ကြည့်ရမယ်" ဟု ဧရာဝတီတိုင်းဒေသကြီး၊ ကျုံပျော်မြို့နယ်ရှိ တောင်သူ ဦးထွန်းထွန်းဝေက ပြောသည်။

သီးနှံအထွက်နှုန်း တိုင်းတာခြင်းကို ရိတ်သိမ်းချိန်ထွက်ရှိမည့် သီးနှံပမာဏကို တိုင်းတာရာတွင် စံကွက်သတ်မှတ်၍ တိုင်းတာမည်ဖြစ်ပြီး၊ အာမခံထားရှိရာတွင် လူကြောင့်ဖြစ်သော ဆုံးရှုံးပျက်စီးခြင်း၊ တောရိုင်းနှင့် အိမ်မွေးတိရစ္ဆာန်များကြောင့် ဆုံးရှုံးပျက်စီးခြင်း၊ မြေပြိုခြင်းနှင့် မြေငလျင်ကြောင့် ဆုံးရှုံးပျက်စီးခြင်း၊ အကြမ်းဖက်မှုနှင့် စစ်၊ စစ်အသွင်ဆောင်သော အကြမ်းဖက်မှုကြောင့် ပျက်စီးဆုံးရှုံးခြင်း၊ ရိတ်သိမ်းချိန်လွန်မှုကြောင့် ဖြစ်ပေါ်သော ဆုံးရှုံးပျက်စီးခြင်း၊ မိုးသီးကြွေကျခြင်း ကြောင့် ဆုံးရှုံးပျက်စီးခြင်း၊ တောမီး/ရှို့မီး/ကူးစက်မီးကြောင့် ဆုံးရှုံးပျက်စီးခြင်းနှင့် စက်တပ်ယာဉ်/စက်မဲ့ယာဉ်များကြောင့် ဆုံးရှုံးပျက်စီးခြင်း အစရှိသည်တို့ ဖြစ်ပွားပါက အကျုံးဝင်မည်မဟုတ်ကြောင်း သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်