လာမည့်ဘဏ္ဍာနှစ်တွင် ပို့ကုန်ငွေ ကန်ဒေါ်လာ သန်း ၃၀ ရရှိအောင် ဆောင်ရွက်မည်

ရန်ကုန်၊ ဇန်နဝါရီ ၃ ရက်။

၂၀၁၉-၂၀၂၀ ဘဏ္ဍာနှစ်တွင် ပြည်ပသို့ ဆန်တန်ချိန် ၁ သိန်း တင်ပို့ရန် လျာထားပြီး ပို့ကုန်ငွေ အမေရိကန်ဒေါ်လာ သန်း ၃၀ ရရှိအောင် ဆောင်ရွက်သွားမည်ဖြစ်ကြောင်း မြန်မာနိုင်ငံ လယ်ယာစီးပွားရေး အများပိုင်ကုမ္ပဏီလီမီတက် (MAPCO) မှ သိရသည်။

MAPCO အနေဖြင့် ပြည်ပသို့ ဆန်တင်ပို့ရောင်ချခြင်းကို ၂၀၁၂-၂၀၁၃ ဘဏ္ဍာနှစ်မှ စတင်ဆောင်ရွက်ခဲ့ခြင်းဖြစ်ပြီး‌ ‌ငွေလဲနှုန်းအခြေအနေနှင့် ပြည်ပဈေးကွက် ဝယ်လိုအား‌ ကောင်းမွန်မှုတို့ကြောင့် ပြည်ပဆန်တင်ပို့မှုမှာ အကျိုးအမြတ်ရှိသော လုပ်ငန်းဖြစ်သဖြင့် ၂၀၁၉ နှစ်ဆန်းပိုင်းမှစတင်ကာ ပြည်ပဆန်တင်ပို့ရောင်းချခြင်းကို ပိုမိုဦးစားပေးဆောင်ရွက်ခဲ့ခြင်းဖြစ်သည်။

"၂၀၁၉ မီနီဘတ်ဂျက် ၆ လ ကာလအတွင်းမှာ ပို့ကုန်ငွေ ကန်ဒေါ်လာ ၁၂ ဘီလီယံကျော် ရရှိပါတယ်။ ကျွန်တော်တို့ အခုနှစ်မှာတော့ ကန်ဒေါ် လာ ဘီလီယံ ၃၀ အထိ ရအောင် ဆောင်ရွက်မယ်လို့ ရည်မှန်းချက်ထားပါတယ်။ တရုတ်နိုင်ငံ ကုမ္ပဏီနဲ့ လက်တွဲဆောင်ရွက်ဖို့ စာချုပ်လည်း ချုပ်ဆိုပြီး ဖြစ်ပါတယ်။" ဟု မြန်မာနိုင်ငံ လယ်ယာစီးပွားရေး အများပိုင်ကုမ္ပဏီလီမီတက်၏ ဥက္ကဌ ဦးချစ်ခိုင်က ပြောသည်။

မြန်မာနိုင်ငံ လယ်ယာစီးပွားရေး အများပိုင်ကုမ္ပဏီလီမီတက် (MAPCO) မှ ဆန်စပါးအပြင် အခြားလယ်ယာသီးနှံများကိုလည်း ပြည်ပတင်ပို့ရောင်းချနိုင်ရန် စီစဉ်လျက်ရှိကြောင်း သိရသည်။

MAPCO မှ ရင်းနှီးမြှုပ်နှံတည်ဆောက်ထားသော နေပြည်တော်ဆန်စက်၊ ကျိုက်လက် ဆန်စက်တို့အပြင် တည်ဆောက်ဆဲဖြစ်သော တွံတေးဆန်စက်၊ လှိုင်သာယာဆန်စက်တို့မှလည်း ဆန်တင်ပို့မှုကို အထောက်အကူဖြစ်နိုင်သောကြောင့် ယင်းဆန်စက်တို့ကို ဗဟိုပြု၍ ပြည်ပဆန်တင်ပို့မှုလုပ်ငန်းကို ၂၀၁၉-၂၀၂၀ ဘဏ္ဍာနှစ်၊ ၂၀၂၀-၂၀၂၁ ဘဏ္ဍာနှစ်တို့တွင် တိုးချဲ့ဆောင်ရွက်သွားမည်ဖြစ်ကြောင်း သိရသည်။

MOPCA မှ ပြည်ပဆန်တင်ပို့ရောင်းချရာတွင် အာဖရိကနှင့် တရုတ်နိုင်ငံကို တင်ပို့လျက်ရှိပြီး ၂၀၁၈-၂၀၁၉ ဘဏ္ဍာနှစ်တွင် ပြည်ပသို့ ဆန်တန်ချိန် ၃၀၀၀၀ ကျော်၊ တင်ပို့မှုပမာဏ အမေရိကန်ဒေါ်လာ ၁၀ သန်းရရှိခဲ့ကြောင်း သိရသည်။

အေးအေးမြင့်(ABM)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ