အပင်မျိုးသစ်များကို မှတ်ပုံတင်နိုင်ရန်စီစဉ်လုပ်ဆောင်နေ

01/10/2019 13:03 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

   အပင်မျိုးသစ်အကာအကွယ်ပေးရေးအတွက် လျှောက်ထားတဲ့မျိုးသစ်များကို အတည်ပြုမှတ်ပုံတင်နိုင်ရန်အတွက် စီစဉ်လုပ်ဆောင်နေကြောင်း စိုက်ပျိုးရေးသုတေသနဦးစီးဌာနမှ သိရပါတယ်။ 

   အပင်မျိုးသစ်အကာအကွယ်ပေးရေး ဥပဒေထွက်ရှိလာတဲ့အတွက် မျိုးသစ်(၁၇)မျိုးကို အတည်ပြု မှတ်ပုံတင်ပေးနိုင်ရန် စီစဉ်လုပ်ဆောင်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ ဒုတိယညွှန်ကြားရေးမှူးချုပ် ဦးသန့်လွင်ဦးက ပြောပါတယ်။

   “မှတ်ပုံတင်တဲ့လူတွေကို မှတ်ပုံတင်ပေးဖို့လုပ်ရမှာပေါ့။ နည်းပညာတွေ၊ ဆပ်ကော်မတီတွေဖွဲ့မယ်။ ကော်မတီကနေပြီးတော့ အတည်ပြုပေးရမယ်။ လက်မှတ်ထုတ်ပေးရမယ်။ စစ်ဆေးမယ့်နည်းလမ်းတွေ၊ သင်တန်းတွေပေးမယ်။ စစ်ဆေးဖို့ခြံတွေလည်း နေရာတွေသတ်မှတ်ပြီးလုပ်မယ်”

   အပင်မျိုးသစ်များကို အကာအကွယ်ပေးရေးအတွက် လုပ်ငန်းစဉ်များကို ညှိနှိုင်းကာဆွေးနွေး လုပ်ဆောင်သွားမှာဖြစ်ကြောင်းလည်း အဆိုပါဌာနမှ သိရပါတယ်။

   အပင်မျိုးသစ်များကို အကာအကွယ်ပေးနိုင်ရေးအတွက် ဥပဒေကို စက်တင်ဘာလ(၂၄)ရက်နေ့က အတည်ပြုပြဌာန်းလိုက်တာဖြစ်ကြောင်း သိရပါတယ်။

   မျိုးသစ်အတွက် လျှောက်ထားတဲ့သီးနှံများမှာ မတ်ပဲသီးနှံ၊ ထောပတ်သီးသီးနှံ၊ စပါးသီးနှံ၊ ပြောင်းသီးနှံနဲ့ Asparagus –Bean တို့ဖြစ်ကြောင်း သိရပါတယ်။ 

တိုးတိုးခိုင်(ABM)