အိမ်မှာတင် အလွယ်တကူလုပ်နိုင်မယ့် တဆေးလုပ်နည်း (၃ နည်း)

တဆေးဆိုတာ ဆဲလ်တစ်လုံးထဲသာပါတဲ့ မှိုတစ်မျိုးဖြစ်ပြီး ဘီယာ၊ ဝိုင်တွေချက်လုပ်တဲ့လုပ်ငန်း အပြင် ပေါင်မုန့်လုပ်တဲ့ နေရာမှာလည်း အသုံးပြုကြတဲ့ အချဉ်ဖောက် အရည်တစ်မျိုးပဲ ဖြစ်ပါတယ်။ ထိုမျှသာမကဘဲ တဆေးဟာဆိုရင် ပိုးမွှားတွေကို နှိမ်နင်းနိုင်တဲ့ အစွမ်းအပြင် မြေဩဇာတွေ အမြန်ဆွေးမြေ့နိုင်စေတဲ့ သတ္တိလည်းရှိပါတယ်။ ဒီလိုအကျိုးတွေရှိတဲ့ တဆေးကို ဝယ်ဖို့မလွယ်ဖြစ်နေတဲ့ ဦးကြီးတို့အတွက် အိမ်မှာပဲ အလွယ်လုပ်လို့ရမယ့် တဆေးလုပ်နည်း (၃) မျိုးကို ဖော်ပြပေးလိုက်ပါတယ်။

နည်းလမ်း(၁)

အသီးအနှံတစ်မျိုးမျိုးနဲ့ပြုလုပ်နည်း

ပါဝင်သောပစ္စည်းများ

- ပိုးသတ်ထားသော အဖုံးပါဖန်ပုလင်း

- ရေ ( ပိုက်ခေါင်းမှရေကိုအသုံးပြုနိုင်ပါတယ်။ တကယ်လို့ ဦးကြီးတို့ အသုံးပြုတဲ့ ရေဟာ ကလိုရင်းဓာတ်များရင်တော့ တဆေးကိုသေစေနိုင်တာ သတိထားသင့်ပါတယ်။)

- သန့်ရှင်းသောဆန်ကာ

- စပျစ်သီးခြောက် သို့မဟုတ် အခြားသီးနှံ(အသုံးပြုတဲ့ သီးနှံရဲ့ အခွံမှာ ဖယောင်းသုတ်ထား၍မရပါ။)

ပြုလုပ်နည်း

(၁) စပျစ်သီးခြောက် ၃ ဇွန်းမှ ၄ ဇွန်းကို ပိုးသတ်ထားသော ဖန်ပုလင်းထဲသို့ ထည့်ပါ။ ပြီးရင် အချဉ်ဖောက်ခြင်း ဖြစ်စဉ်ကို ကူညီပေးနိုင်ဖို့အတွက် သကြား (သို့) ပျားရည် တစ်ဇွန်းလောက်ကို ထပ်ထည့်ပေးရပါမယ်။

(၂) ဖန်ပုလင်းရဲ့ ၄ ပုံ ၃ ပုံလောက်ထိ ရေကိုဖြည့်ပေးပြီး အဖုံးဖုံးထားရပါမယ်။ အဖုံးဖုံးတဲ့အခါ လေဝင်လေထွက် ကောင်းမွန်စေဖို့အတွက် တင်းတင်းကြပ်ကြပ် ပိတ်မထားရပါဘူး။

(၃) ဖန်ပုလင်းကို အေးခဲသောနေရာတွင်မထားရပါဘူး။ အခန်းအပူချိန်မှာပဲထားပြီး တစ်နေ့ကို သုံး၊ လေးကြိမ်လောက် မွှေပေးနေရပါမယ်။

(၄) ဖန်ပုလင်းထိပ်တွင်ပူစီပေါင်းလေးများပေါ်လာပြီး ဝိုင်နဲ့တူတဲ့ အချဉ်ဖောက်အနံ့ရပြီဆိုပါက တဆေးရနေပြီလို့ဆိုနိုင်ပါတယ်။

(၅) စပျစ်သီးခြောက်တွေက အပေါ်မှာ ပေါလောပေါ်နေပြီး အဖြူရောင်အလွှာလေးတွေ နေရာအနှံ့ရှိနေရင်တော့ တဆေးရပြီ။ ရာသီဥတုပူတဲ့ အချိန်မှာဆို ၃ ရက်လောက်နဲ့ ရနိုင်ပြီး အေးတဲ့အချိန်ဆို ၇ ရက်လောက်ထိ ကြာနိုင်ပါတယ်။

နည်းလမ်း(၂)

စပါးစေ့၊ ဂျုံစေ့၊ ပြောင်းစေ့တွေနဲ့ပြုလုပ်နည်း

ပါဝင်ပစ္စည်းများ

- အရောင်မချွတ်ထားတဲ့ ဂျုံမှုန့် (ခွက်ရဲ့ ၄ ပုံ ၁ပုံ ထိထည့်ပါ )

- သန့်စင်ထားတဲ့ ရေနွေး ၁ ခွက်

- ပိုးသတ်ထားတဲ့ အဖုံးပါဖန်ဘူး ၁ ဘူး

ပြုလုပ်နည်း

ဂျုံမှုန့်နဲ့ ရေနွေးကိုရောပြီး ဖန်ဘူးထဲထည့်ထားပါ။ အခန်းတွင်းအပူချိန်မှာပဲထားပြီး ရက် အနည်းငယ် ကြာရင် ပူဖောင်းကဲ့သို့ အမြှုပ်တွေထနေတာကို တွေ့ရမှာ ဖြစ်ပါတယ်။ အသုံးမပြုသေးခင် အချိန်ထိ ရေခဲသေတ္တာထဲမှာ သိမ်းထားနိုင်ပါတယ်။

နည်းလမ်း(၃)

အာလူးဖြင့်တဆေးပြုလုပ်နည်း

ချက်စားနေကျ အာလူးထဲမှာပါဝင်တဲ့ ကဆီဓာတ်ကနေလည်း တဆေးကို ထုတ်ယူနိုင်ပါတယ်။

ပါဝင်သောပစ္စည်းများ

အခွံခွာထားတဲ့ အာလူးအလတ်စား ၁လုံး

ရေနွေး ၄ ခွက်

ဆား ၁ ဇွန်း

သကြား ၁ ဇွန်း

ဖန်ဘူး ၁ဘူး

ပြုလုပ်နည်း

(၁) အာလူးရဲ့ အညစ်အကြေးတွေဖယ်ရှားဖို့အတွက် ရေနဲ့ဆေးကြောရမှာ ဖြစ်ပါတယ်။

(တအားကြီး ပွတ်ဆေးတာမျိုးတော့ မပြုလုပ်ရ)

(၂) ပြီးရင် အာလူးကို အတုံးတုံးလေးတွေလှီးပြီး ပြုတ်ရပါ့မယ်။ ကြိတ်ချေလို့ရအောင် ရေဆူပွက် လာပြီဆိုရင် ဆယ်ယူလိုက်ပြီး ဆားနဲ့ သကြားကို ထည့်ကာ ချေရပါ့မယ်။

(၃) ထုချေထားတဲ့ အာလူးတွေကို ဖန်ဘူးထဲကိုထည့်ပြီး ရေကိုလည်း ဆတူထည့်ပေးရပါမယ်။

(၄) အဲ့ဒီနောက်မှာတော့ အပေါ်ကလိုပဲ အခန်းအတွင်းအပူချိန်မှာ ထားပြီးပုံမှန်အတိုင်း ရက်အတော်ကြာ အောင် ထားရမှာဖြစ်ပါတယ်။

ရလာတဲ့ အမြုပ်အရည်တွေကို အဖတ်တွေမပါအောင် စစ်ထုတ်ပြီး ဂျုံမှုန့် တစ်ဇွန်း စစ်ထုတ်ရည် တစ်ဇွန်း ဆတူထည့်ပြီး ဦးကြီးတို့အလိုရှိတဲ့ နေရာမှာ အသုံးပြုနိုင်ကြပါပြီရှင့်။ ကဲ ဒါဆို ဦးကြီးတို့ အိမ်မှာ အလွယ်တကူလုပ်နိုင်တဲ့ တဆေး ရပြီပေါ့နော်။

တဆေးရဲ့ အသုံးဝင်ပုံကို ဒီဆောင်းပါးလေးမှာဖတ်ရှု့လို့ရပါတယ်

တဆေးရဲ့ အသုံးဝင်ပုံ ၁၃ ချက်

Ref: https://thesurvivalmom.com/august-skill-of-the-month-make-your-own-yeast/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...