ယခုတစ်ပတ်အတွင်း စျေးနှုန်းအပြောင်းအလဲဖြစ်ပေါ်ခဲ့သည့်သီးနှံများ

(၂၉.၁၀.၂၀၁၈ မှ ၂.၁၁.၂၀၁၈)ထိ

ပြီးခဲ့တဲ့ အပတ်ကတော့ ပွဲတော်ကာလဖြစ်တဲ့အတွက် ကုန်စည်ဒိုင်တွေပိတ်ပြီး ဈေးအရောင်းအဝယ်လည်း မရှိသလောက်ဖြစ်ခဲ့ပါတယ်။ ဈေးအရောင်းအဝယ်မရှိတဲ့အတွက် ဈေးတွေကလည်း ငြိမ်ခဲ့ပါတယ်။

ဆန်၊ စပါး

ဆန်ကတော့ ပြီးခဲ့တဲ့ အပတ်ကလည်းဈေးငြိမ်နေခဲ့ပြီး ဒီတစ်ပတ်မှာလည်း ဆန်အနည်းငယ်သာ ဈေးကျဆင်း သွားခဲ့ပါတယ်။ ရန်ကုန်ဈေးကွက်ကို ဆန်အဝင်ပုံမှန်ရှိပေမယ့် အရောင်းအဝယ်ကတော့ အေးနေတယ်လို့ သိရပါတယ်။ ပြီးခဲ့တဲ့ စက်တင်ဘာတစ်လလုံး ဈေးတွေတက်ခဲ့တဲ့ဆန်က အောက်တိုဘာလမှာတော့ ဈေးငြိမ်သွားခဲ့ပါတယ်။ ဆန်အသစ်တွေကလည်း ဆက်တိုက်ကို ဝင်ရောက်လာတဲ့အတွက် ဆန်ဈေးက ငြိမ်သွားခဲ့တာပါ။

ရန်ကုန်ဈေးကွက်မှာ ဈေးအပြောင်းအလဲ ရှိတာကတော့ ပေါ်ဆန်းအသစ်ဖြစ်ပြိး ၄၄၀၀၀ ကနေ ၄၅၀၀၀ ရှိကာ တစ်အိတ်ကို ၁၀၀၀ လောက်ဈေးကျဆင်းသွားခဲ့ပါတယ်။ ပုသိမ်ဈေးကွက်မှာတော့ ဆန်ဈေးရော စပါးဈေးရော ငြိမ်နေခဲ့ပါတယ်။ ဧရာဝတီပေါ်ဆန်းစပါးက တင်း ၁၀၀ ကို ၁၃၅၈၀၉၅ ကျပ်၊ပေါ်ဆန်းရင်က ၁၂၇၀၀၀၀ ကျပ်၊ ဖျာပုံပေါ်ဆန်းက ၁၃၁၄၀၀ကျပ် အသီးသီးရှိပြီး ဆန်တွေကတော့ ၅၃၀၀၀ ကနေ ၅၄၅၀၀ ကျပ် နဲ့ ဈေးငြိမ်နေပါတယ်။

ဒုတိယတန်းစားစပါးဖြစ်တဲ့ ရွှေသွယ်လေးစပါးကတော့ ၈၂၈၀၀၀ ကျပ်၊ ဧရာမင်းကတော့ ၈၀၉၀၀၀ ကျပ်၊ မနောသုခက ၆၈၀၀၀၀ ကျပ်၊ မီးကောက်ကတော့ ၇၀၈၀၀၀ ကျပ်၊သီးထပ်ရင်ကတော့ ၆၂၅၀၀၀ ကျပ် ရှိပြီး ဆန်တွေကတော့ တစ်တင်းခွဲတစ်အိတ်ကို ၂၄၅၀၀ ကနေ ၃၅၀၀၀ ကျပ် အသီးသီးရှိပါတယ်။

မတ်ပဲ (FAQ/RC)

နိုဝင်ဘာလအစမှာ သတင်းကောင်းကတော့ မတ်ပဲဈေးတွေ ဆက်တိုက်တက်နေခဲ့တာဖြစ်ပြီးတော့ ဈေးဆက်တက်နိုင်ခြေ ရှိတယ်လို့လည်း ကုန်သည်တွေက သုံးသပ်ထားပါတယ်။ အိန္ဒိယနိုင်ငံမှာ ရာသီဥတုအခြေအနေ ဆိုးရွားနေတဲ့အတွက် ပဲအထွက်နှုန်းတွေ လျော့ကျသွားပြီး မြန်မာနိုင်ငံက ပဲတွေကို ပြန်အဝယ်လိုက်လာခဲ့တာလည်း ဖြစ်ပါတယ်။

လက်ရှိမှာ မတ်ပဲဈေးတွေ တက်နေပေမယ့် တောင်သူ ၈၀ ရာခိုင်နှုန်းမှာတော့ မတ်ပဲတွေ မရှိတော့ပါဘူး။ မတ်ပဲရဲ့ဈေးကောင်းကိုတော့ ကုန်သည်တွေကသာ ခံစားရပါတယ်။ အိန္ဒိယနိုင်ငံရဲ့ လိုအပ်ချက်ကို ဆက်လက်ရှိနိုင်သေးတဲ့အတွက် ထွက်လာမယ့် မတ်ပဲအသစ်တွေမှာတော့ တောင်သူတွေ ဈေးကောင်းရနိုင်ပါလိမ့်မယ်။ ပြီးခဲ့တဲ့အပတ်က မတ်ပဲတစ်တန်ကို ငွေကျပ် ၇၃၀၀၀၀ ကျော်အထိ ဈေးတက်ခဲ့ပြီးတော့ ဒီတစ်ပတ်မှာတော့ တစ်တန်ကို ငွေကျပ် ထိ မထင်မှတ်လောက်အောင် ဈေးတက်လာခဲ့ပါတယ်။

မုံရွာဈေးကွက်မှာလည်း မတ်ပဲက တစ်တင်းကို ၂၃၀၀၀ ရှိပြီးတော့ တစ်တင်းကို ၃၅၀၀ ကျပ်၊နေပြည်တော် ကုန်စည်ဒိုင်မှာတော့ တစ်တင်းကို ၁၆၆၀၀ ရှိပြီး ၁၆၀၀ ကျပ်၊ပြည်ကုန်စည်ဒိုင်မှာတော့ တစ်တင်းကို ၂၄၅၀၀ ကျပ် နဲ့ တစ်တင်းကို ၄၅၀၀ ကျပ် အသီးသီးဈေးတက်လာခဲ့ပါတယ်။

ပဲစင်းငုံနီ

ပဲစင်းငုံနီကလည်း မတ်ပဲနည်းတူ ဈေးတက်လာပါတယ်။ ဈေးတက်နေပေမယ့်လည်း လက်ကျန်မရှိသလောက် နည်းနေပါတယ်။ ရန်ကုန်ဈေးကွက်မှာတော့ တစ်ခါတစ်ရံ ဈေးကွက်မဖွင့်တာကိုလည်းတွေ့ရပါတယ်။ အိန္ဒိယနိုင်ငံကလည်း ပဲစင်းငုံနီဝယ်ယူမှုကို တိုးဝယ်လာတဲ့အပြင် ပြည်တွင်းငွေဈေးနှုန်းမြင့်တက်နေခဲ့တာလည်း ဈေးပိုရနေတဲ့အခြေအနေပါ။

လက်ရှိကာလမှာတော့ တောင်သူတွေ လက်ထဲပဲက မကျန်တော့သလို ပဲလှောင်သူတွေ လက်ထဲသာ ပဲကကျန်ရှိပြီး အရောင်းအဝယ်ဖြစ်နေခဲ့တာပါ။ပြီးခဲ့တဲ့လပိုင်းအထိ မြန်မာနိုင်ငံကနေ ပဲဝယ်ယူမှုကန့်သတ်လိုက်တဲ့အပြင် ဝယ်ယူမှုကလည်း ကျဆင်းသွားတဲ့အတွက် ပဲကုန်သည်အသင်းက တောင်သူတွေကို လျော့ချစိုက်ပျိုးဖို့အထိ တိုက်တွန်းခဲ့ပါတယ်။

လက်ရှိဈေးအခြေအနေအရ တောင်သူတွေအနေနဲ့လည်း ပုံမှန်အတိုင်းပဲ စိုက်ပျိုးသင့်မသင့် ၊ လျော့ချစိုက် ပျိုးသင့်၊မသင့်ကို ဝေခွဲမရအခြေအနေလည်းဖြစ်နေပါတယ်။

ရန်ကုန်ဈေးကွက်မှာတော့ အမြင့်ဆုံး ၆၁၂၀၀၀ ထိ တစ်ပတ်အတွင်း ငွေကျပ် ၆ သောင်းနီးပါးဈေးတက်ခဲ့ပါတယ်။ မုံရွာကုန်စည်ဒိုင်မှာတော့ တစ်တင်းကို ၁၇၅၀၀ နဲ့ ငွေကျပ် ၄၀၀၀ ကျပ်၊ ပခုက္ကူကုန်စည်ဒိုင်မှာတော့ တစ်တင်းကို ၁၇၀၀၀ နဲ့ ၃၀၀၀ ကျပ်၊၊ပြည်ကုန်စည်ဒိုင်မှာတော့ ၁၆၂၀၀ နဲ့ ၂၅၀၀ ကျပ် ဈေးတက်လာခဲ့ ပါတယ်။

ပဲတီစိမ်း

ပဲတီစိမ်းကတော့ အချို့ဒေသတွေမှာ ဈေးတက်နေပေမယ့် အချို့ဒေသတွေမှာတော့ ဈေးကျဆင်းသွားပါတယ်။ ပဲအအဟောင်းတွေက မရှိသလောက် ဖြစ်သွားပြီး ပဲအသစ်တွေက ဆက်တိုက်ကို ဝင်ရောက်နေတာဖြစ်တဲ့အတွက် အသစ်မဝင်သေးတဲ့ မြို့တွေမှာတော့ ဈေးက တက်နေပြီး အသစ်ဝင်တဲ့ မြို့တွေမှာတော့ ဈေးက အနည်းငယ်ကျဆင်းနေပါတယ်။ ပြီးခဲ့တဲ့ နှစ်ကတော့ အသစ်ဝင်လာတဲ့ ပဲတွေက ဈေးကောင်းရနေခဲ့တာကို လည်းတွေ့ရပါတယ်။ပဲတီစိမ်းကတော့ ပုံမှန်ဝယ်လက်ရှိတဲ့အတွက် အရည်အသွေးပေါ်မူတည်ပြီး ဈေးက အပြောင်းအလဲ ရှိပါတယ်။

မုံရွာကုန်စည်ဒိုင်မှာတော့ ပဲတီစိမ်းက တစ်တင်းကို ၂၄၅၀၀ ကနေ ၂၆၅၀၀ ရှိပြီး တစ်တင်းကို ၅၀၀ ကျပ်ဈေး ကျဆင်းသွားပါတယ်။ မြင်းခြံကုန်စည်ဒိုင်မှာတော့ တစ်တင်းကို ၂၃၃၀၀ ရှိပြီး တစ်တင်းကို ၁၄၀၀ ကျပ် ဈေးကျဆင်းသွားပါတယ်။ ပခုက္ကူကုန်စည်ဒိုင်မှာတော့ ပဲတီစိမ်း(အသေး)တစ်တင်းကို ၂၅၀၀၀ ရှိပြီး ၁၅၀၀ ကျပ်ဈေးကျဆင်းသွားပါတယ်။

နေပြည်တော်ကုန်စည်ဒိုင်မှာတော့ တစ်တင်းကို ၃၁၆၀၀ ရှိပြီး တစ်တင်းကို ၅၀၀၀ ကျပ် ဈေးတက်လာပါတယ်။ ပြည်ကုန်စည်ဒိုင်မှာတော့ တစ်တင်းကို ၃၁၀၀၀ ကျပ်ရှိပြီး ၁၀၀၀ ကျပ် အသီးသီးဈေးတက်လာခဲ့ပါတယ်။

ဝတ်ရည်မွန်(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...