ယခုတစ်ပတ်အတွင်း စျေးနှုန်းအပြောင်းအလဲဖြစ်ပေါ်ခဲ့သည့်သီးနှံများ

08/06/2018 17:37 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

(၄.၆.၂၀၁၈ မှ ၈.၆.၂၀၁၈)ထိ

ဆန်၊ စပါး

 ပုသိမ်ဈေးကွက်မှာတော့ ဆန်ဈေးရော စပါးဈေးရော သုံးပတ်ဆက်တိုက်ကို ငြိမ်နေပါတယ်။ လက်ရှိမှာ နွေစပါးထွက်ရှိနေပေမယ့် တရုတ်နိုင်ငံက အဝယ်နည်းတဲ့အတွက် ဆန်ဈေးရော စပါးဈေးပါ  ငြိမ်နေပါတယ်။ တရုတ်နိုင်ငံက မြန်မာနိုင်ငံက ဆန်တန်ချိန် ၁ သိန်းကို တရားဝင် ဝယ်ယူသွားမယ်ဆိုတဲ့သတင်းကြောင့် ကုန်သည်တွေကလည်း စောင့်ကြည့်နေကြတဲ့အခြေအနေရှိနေပါတယ်။ ဆန်ချော စပါးဈေးတွေက ငြိမ်နေပေမယ့် အကြမ်ဈေးတွေကတော့ အနည်းငယ်တက်လာတာကိုလည်း တွေ့ရပါတယ်။ ရန်ကုန်ဈေးကွက်မှာလည်း ဆန်က အဝင်နည်းပြီးဈေးကလည်း ငြိမ်နေပါတယ်။ ဆန်ကြမ်းဖြစ်တဲ့ ဧည့်မထ၊နွေသီးထပ်ဆန်တို့ကတော့ ဈေးအနည်းငယ် တက်လာပါတယ်။ ဆန်ကြမ်းတွေက တရုတ်နိုင်ငံအပြင် နယ်စပ်ကနေတဆင့်အခြား  ပြည်ပတင်ပို့မှုမှာလည်း များလာတဲ့အတွက် ဈေးကတက်လာတာလည်း ဖြစ်ပါ တယ်။ ပုသိမ်ဈေးကွက်မှာ ပထမတန်းစားဆန်ဖြစ်တဲ့ ဧရာဝတီပေါ်ဆန်းက တင်း ၁၀၀ ကို ၁၀၉၅၀၀၀ ကျော်ရှိပြီး ဆန်(ထိပ်စ)ကတော့ တစ်တင်းခွဲကို ၄၅၀၀၀၊ ပေါ်ဆန်းရင်က တင်း ၁၀၀ ကို ၉၈၀၀၀၀ ကျော်ရှိပြီး ဆန်ကတော့ တစ်တင်းခွဲကို ၄၂၀၀၀၊ ဖျာပုံပေါ်ဆန်းကတော့ တင်း ၁၀၀ ကို ၁၀၄၃၀၀၀ ကျော်ရှိပြီး ဆန်က တစ်တင်းခွဲကို ၄၃၀၀၀ နဲ့ ဈေးအပြောင်းအလဲ မရှိပဲ ငြိမ်နေခဲ့ပါတယ်။

ဒုတိယတန်းစား စပါးဖြစ်တဲ့ ရွှေသွယ်လေးနဲ့ဧရာမင်းကတော့ တင်း ၁၀၀ ကို ၇၃၆၀၀၀ ရှိပြီး  ဆန်(အလတ်စ) တစ်တင်းခွဲ ကို ၃၀၀၀၀ ကျပ်၊ မနောသုခကတော့ တင်း ၁၀၀ ကို ၅၉၀၀၀၀ ကျော် ရှိပြီး ဆန်က တစ်တင်းခွဲ ကို ၂၃၅၀၀ ရှိပါတယ်။ မီးကောက်ကတော့ တင်း ၁၀၀ ကို ၆၁၆၀၀၀ ကျော် ဖြစ်ပြီး ၂၀၀၀၀ ကျော်ဈေးတက်လာပါတယ်။ ဆန်ကလည်း တစ်တင်းခွဲကို ၂၅၅၀၀ ဖြစ်ပြီး ၅၀၀ ကျပ်ဈေးတက်လာပါတယ်။ သီးထပ်ရင်ကလည်း တင်း ၁၀၀ ကို ၅၄၀၀၀၀ ကျော်ရှိပြီး ၂၀၀၀၀ ကျော် ဈေးတက်ကာ ဆန်တစ်တင်းခွဲကိုလည်း ၅၀၀ ကျပ်ဈေးတက်လာပြီး ၂၁၈၀၀ ပေါက်ဈေးရှိပါတယ်။ ရန်ကုန်ကုန်စည်ဒိုင်ဈေးကွက်မှာလည်း ဆန်ချောတွေက ဈေးငြိမ်နေပြီး ဆန်ကြမ်းဖြစ်တဲ့ရက် ၉၀ ရှယ်က တစ်အိတ်ကို ၂၂၅၀၀ ကနေ ၂၂၈၀၀ ရှိပြီး ၃၀၀ ကျပ်၊ နွေသီးထပ်ဆန်က တစ်အိတ်ကို ၂၁၇၀၀ ကနေ ၂၂၀၀၀ ရှိပြီး တစ်အိတ်ကို ၃၀၀ ကျပ်၊ဈေးတက်လာခဲ့ပါတယ်။

မတ်ပဲ (FAQ/RC)

 ဒီတစ်ပတ်မှာတော့ မတ်ပဲက အတက်အကျ တည်ငြိမ်မှုမရှိပါဘူး။ တစ်တန်ကို ၅ သိန်းခွဲနီးပါးအထိ ဈေးကတက်လာခဲ့ပေမယ့် ဈေးက တက်လိုက်ကျလိုက် ဖြစ်နေတဲ့အခြေအနေရှိနေပါတယ်။ နယ်ကုန်စည်ဒိုင်တွေမှာတော့ နေ့စဉ် ပုံမှန်အဝယ်ကရှိနေပြီး ဈေးငြိမ်နေတာကိုလည်း တွေ့ရပါတယ်။ ရာသီဥတုကြောင့် ကုန်စည်ဒိုင်တွေကို ပဲအဝင်နည်းနေတာကလည်း  ဈေးအများကြီး မကျဆင်းသွားပဲ အတက်ဈေးနဲ့ ရှိနေခြင်းဖြစ်ပါတယ်။ လက်ရှိမှာ မတ်ပဲဈေးက အိန္ဒိယရဲ့ ဝယ်ယူမှုပေါ်အဓိကကျနေပြီး အိန္ဒိယနိုင်ငံက အဝယ်များရင် ဈေးကတက်လာပြီး အဝယ်နည်းရင် ဈေးကကျသွားတဲ့ အခြေအနေလည်းဖြစ်နေပါတယ်။ ပြီးခဲ့တဲ့ နှစ်တွေက အိန္ဒိယနိုင်ငံရဲ့လိုအပ်ချက်ကြောင့် မြန်မာမတ်ပဲတွေကို ဈေးကောင်းပေးပြီး ဝယ်ယူခဲ့ပေမယ့် လက်ရှိမှာ ပြည်တွင်းစိုက်ပျိုးမှု လုံလောက်နေတဲ့အတွက် ပြည်ပဝယ်ယူမှုကို အိန္ဒိယက လျော့ချခဲ့ပါတယ်။ အိန္ဒိယနိုင်ငံက မြန်မာနိုင်ငံကို အနိမ့်ဆုံးဈေးသတ်မှတ်ပြီး ပဲဝယ်ယူဖို့ပြီးခဲ့တဲ့ နှစ်တွေကကမ်းလှမ်းခဲ့ပေမယ့် မတ်ပဲဈေးက ကောင်းခဲ့တဲ့အတွက် ထိုစနစ်ကို လက်မခံခဲ့ပဲ လက်ရှိမှာတော့ အဆိုပါစနစ်နဲ့ ပြန်လည်ဝယ်ယူဖို့ကို မြန်မာနိုင်ငံက တောင်းဆိုနေပါတယ်။ မြန်မာနိုင်ငံအခြေစိုက် အိန္ဒိယသံရုံးကတော့ ထိုသို့ဝယ်ယူဖို့ကို အချိန်ယူစဉ်းစားနေတယ်လို့လည်း သိရပါတယ်။ လက်ရှိအချိန်ထိလည်း  အိန္ဒိယနိုင်ငံက ပဲဝယ်ယူမှုနဲ့ပတ်သတ်ပြီး တိကျမှုမရှိတဲ့ ထုတ်ပြန်ချက်ကလည်း ဈေးကို ဆက်ပြီးမတက်ပဲ ဖြစ်နေပါတယ်။ ဒီတစ်ပတ် ရန်ကုန်ကုန်စည်ဒိုင်မှာတော့ မတ်ပဲက တစ်တန်ကို ၅၄၀၀၀၀ ကျော်အထိ အမြင့်ဆုံးဈေးတက်လာခဲ့ ပြီး တစ်ပတ်အတွင်း ဈေးအနည်းငယ်ပြန်ကျဆင်းသွားပါတယ်။ ပြည်ကုန်စည်ဒိုင်မှာတော့ တစ်တင်းကို ၁၇၀၀၀ နဲ့ ၈၀၀ ကျပ်၊ နေပြည်တော်ကုန်စည်ဒိုင်မှာတော့ တစ်တင်းကို ၁၆၅၀၀ နဲ့ ၁၀၀၀ ကျပ်ဈေးတက်လာပါတယ်။ မုံရွာကုန်စည်ဒိုင်မှာတော့ တစ်တင်းကို ၁၄၅၀၀ နဲ့ဈေးငြိမ်နေပါတယ်။မတ်ပဲက ပြီးခဲ့တဲ့ နှစ် ကာလတူအခြေအနေမှာ တစ်တန်ကို ၉ သိန်းအထိ ဈေးရရှိနေခဲ့ပါတယ်။

ပဲစင်းငုံနီ

 ပဲစင်းငုံနီကတော့ ဒီတစ်ပတ်မှာ ဈေးတက်လာခဲ့ပါတယ်။ တစ်တန်ကို ၅သိန်းကျော်အထိ ပေါက်ဈေးရှိခဲ့ပါတယ်။ နယ်ကုန်စည်ဒိုင်တွေမှာလည်း အဝယ်များပြီး ဈေးကတက်လာခဲ့ပါတယ်။ ဇွန်လ ၁ ရက်နေ့ကနေစပြီး အိန္ဒိယနိုင်ငံကို တန်ချိန် ၂ သိန်း တင်ပို့ရတဲ့ ရန်ကုန်ဝယ်လက်တွေ နေ့စဉ်အဝယ်ရှိပြီး ဈေးက တက်လာပါတယ်။ အိန္ဒိယနိုင်ငံကို လာမယ့် သြဂုတ်လ နောက်ဆုံးထားပြီး အချိန်မှီတင်ပို့ရမှာဖြစ်တဲ့အပြင် အလုံးအပြင် ခွဲခြမ်းပါ တင်ပို့ရမှာဖြစ်တဲ့အတွက် ဈေးကထပ်ပြီး တက်လာနိုင်တယ်လို့ကုန်သည်တွေက သုံးသပ်ထားပါတယ်။ ဈေးကတက်လာပေမယ့်လည်း တောင်သူတွေလက်ထဲမှာ ပဲတွေက မရှိတော့ပါဘူး။ ပြီးတော့ လက်ရှိဈေးကလည်း တောင်သူတွေအတွက် အရင်းမကြေနိုင်သေးတဲ့အခြေအနေ ဖြစ်နေပါသေးတယ်။ တစ်တန်ကို ၃ သိန်းကျော်နဲ့ ကာလာအတန်ကြာ ငြိမ်နေခဲ့ပြီး အိန္ဒိယထုတ်ပြန်မှုကြောင့်သာ ဈေးကပြန်တက်လာခဲ့တာလည်း ဖြစ်ပါတယ်။ ပဲစင်းငုံနီက မတ်ပဲ နည်းတူ အိန္ဒိယရဲ့ အဆုံးအဖြတ်ပေါ်မူတည်နေပါတယ်။ ဒီတစ်ပတ် ရန်ကုန်ကုန်စည်ဒိုင်မှာ တစ်တန်ကို  ၅သိန်း ၃ သောင်းကျော်အထိ ဈေးကတက်လာခဲ့ပြီး မတ်ပဲနဲ့ဈေးအနည်းငယ်သာကွာပါတယ်။ မုံရွာကုန်စည်ဒိုင်မှာ ပဲစင်းငုံနီက တစ်တင်းကို ၁၄၅၀၀ နဲ့ တစ်တင်းကို ၁၅၀၀ ကျပ်ဈေးတက်လာပါတယ်။ ပြည်ကုန်စည်ဒိုင်မှာလည်း တစ်တင်းကို ၁၄၂၀၀ နဲ့ ၂၀၀ နီးပါးဈေးတက်လာပါတယ်။ ပခုက္ကူကုန်စည်ဒိုင်မှာလည်း တစ်တင်းကို ၁၆၀၀၀ အထိ ဈေးရရှိခဲ့ပြီး ၁၀၀၀ နီးပါးဈေးတက်လာပါတယ်။ ပြီးခဲ့တဲ့ နှစ်ကတော့ ပဲစင်းငုံနီက တစ်တန်ကို ၆ သိန်းခွဲအထိ ဈေးရရှိခဲ့ပြီး မတ်ပဲနဲ့နှိုင်းယှဉ်လိုက်ရင် ဈေးကတော့ အများကြီး ကွာဟတာမျိုးမရှိပါဘူး။

ကြက်သွန်နီ

ကြက်သွန်နီကတော့ လက်ရှိမှာ ရာသီဥတုကြောင့် လမ်းပန်းဆက်သွယ်ရေးမကောင်းတဲ့အတွက် တင်ပို့မှု နည်းပြီး အဝင်နည်းသွားကာ အဝယ်လည်း နည်းသွားပါတယ်။ အဝယ်နည်းသလို ဈေးကလည်း ၃ ပတ်ဆက်တိုက်ငြိမ်နေတာကိုလည်းတွေ့ရပါတယ်။ ပြည်တွင်းမှာ အဝင်နည်းပြီးဈေးအေးသွားသလို ပြည်ပနိုင်ငံဖြစ်တဲ့ တရုတ်နဲ့ထိုင်းကို တင်ပို့တာမှာလည်း လျော့နည်းတင်ပို့ခဲ့ပါတယ်။ တစ်ပတ်အတွင်း ရန်ကုန်ကုန်စည်ဒိုင်မှာ ကြက်သွန်နီ (ဆိပ်ဖြူ၊မုံရွာ၊ရွှေဘို) တို့က တစ်ပိဿာကို ၅၅၀ ကနေ ၆၅၀ ရှိပြီး ဈေးအတော်အေးနေပါတယ်။ မြင်းခြံကုန်စည်ဒိုင်မှာတော့ တစ်တင်းကို ၄၂၅ ကျပ်ကနေ ၅၂၅ ကျပ်၊ နေပြည်တော်ကုန်စည်ဒိုင်မှာတော့ တစ်ပိဿာကို ၄၅၀ ကနေ ၆၀၀ ကျပ်နဲ့ ဈေးငြိမ်နေပါတယ်။ ပြည်ကုန်စည်ဒိုင်မှာတော့ တစ်ပိဿာကို ၄၅၀ ကနေ ၆၅၀ ရှိပြီး ၅၀ ကျပ်ဈေးတက်လာတာကိုတွေ့ရပါတယ်။ ပြီးခဲ့တဲ့ ၂၀၁၈ နှစ်အစမှာ ကြက်သွန်နီ တစ်ပိဿာကို ၃၀၀၀ ကျော်နဲ့ ဈေးကောင်းရခဲ့ပြီး တောင်သူတွေကလည်း ထိုဈေးကောင်းရမယ့်အချိန်ကို လက်၇ှိအချိန်ထိစောင့်ပြီး လှောင်နေမှုများရှိနေတာကို သိရပါတယ်။

 

ဝတ်ရည်မွန်(AMIA)


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်