စျေးကွက်သတင်းအချက်အလက်စနစ် သင်တန်းဖွင့်

စျေးကွက်သတင်းအချက်အလက်စနစ် Market Information System (MIS) သင်တန်းဖွင့်ပွဲကို မေ ၁၃ ရက် နံနက်ပိုင်းက နေပြည်တော်ရုံး အမှတ် (၄၃) အစည်အဝေးခန်းမ၌ ကျင်းပရာ စိုက်ပျိုးရေးဦးစီးဌာန ညွှန်ကြားရေးမှူးချုပ် ဒေါက်တာရဲတင်ထွန်း တက်ရောက်၍ အဖွင့်အမှာစကားပြောကြားသည်။

လျင်မြန်ထိရောက်သော စျေးကွက်သတင်းအချက်အလက် စနစ်တစ်ခုကို Pilot အဖြစ် စတင် ကျင်သုံးနိုင်ရေးအတွက် ဦးစာပေးသီးနှံ ဆန်စပါးနှင့်ပဲမျိုးစုံကို ရွေးချယ်၍ Primary data ကို Questionnaires များနှင့်တကွ စနစ်တကျ ကောက်ယူသည်မှစ၍ စနစ်တကျကောက်ယူသည်မှစ၍ စနစ်တကျ စာရင်းသွင်းခြင်းစသည့် သင်ခန်းစာများကို ရေဆင်းစိုက်ပျိုးရေးတက္ကသိုလ်၊ စိုက်ပျိုးစီးပွားပညာဌာန၊ ပါမောက္ခ ဒေါက်တာသိင်္ဂီမြင့်က ဆွေးနွေးပို့ချသွားမည်ဖြစ်ကြောင်း၊ သင်တန်းတွင်တိုင်းဒေသကြီး၊ ပြည်နယ်ခွဲ (ရှမ်းမြောက်၊ ရှမ်းအရှေ့နှင့် ပဲခူးအနောက်) သုံးခုမှ တစ်ဦး၊ စီမံကိန်းရေဆွဲစိစစ်သုံသပ်ရေးဌာနခွဲ (ရုံးချုပ်) သင်တန်းသား နည်းပြအကူခုနှစ်ဦး စုစုပေါင်း ၄၀ တို့ တက်ရောက် လေ့လာလျက်ရှိသည်။

စျေးကွက် သတင်းအချက်အလက်စနစ် ToT သင်တန်းဆောင်ရွက်ခြင်းဖြင့် တိုင်းဒေသကြီး၊ ပြည်နယ်များတွင် ဆင့်ပွားသင်တန်းများ ဆက်လက်ပို့ချနိုင်ပြီး သင်တန်းတက််ရောက်ပြီးသော MIS Working group member များသည် ရှေးပြေးအဖြစ် စိုက်ပျိုးရေးဦးစီးဌာန၏ စျေးကွက်သတင်း၊ အချက်အလက်စနစ်ကို စတင်ကျင့်သုံးပြီး နိုင်ငံတစ်ဝန်း ဆောင်ရွက်သွားခြင်းဖြ်င့ စနစ်ကျ၍ ထိရောက်အကျိုးရှိသော စျေးကွက် သတင်းအချက်အလက်စနစ်ကို ရေရှည်ဖော်ဆောင်နိုင်မည်ဖြစ်ကြောင်း ညွှန်ကြားရေးမှူး ဦးထွန်းဝင်က ပြောကြားသည်။

တိုင်းဒေသကြီး ပြည်နယ်များ၏ စျေးကွက်သတင်းအချက်အလက်စနစ်ကို ဦးဆောင်ဆောင်ရွက်နိုင်ပြီး ခရိုင် MIS Working Group member များအား ဆင့်ပွားသင်တန်းပြန်လည်ပို့ချနိုင်သူများ၊ Agricultural Economics အခြေခံရှိပြီး Microsoft Excel ကျွမ်းကျင်စွာ အသုံးပြုနိုင်သူ၊ Internet အသုံးပြု၍ ရုံးချုပ်သို့ Data Sharing လုပ်ပေးနိုင်သူများကို သင်တန်းသားအဖြစ် စိစစ်ရွေးချယ်ခေါ်ယူခဲ့ခြင်းဖြစ်ကြောင်း သိရသည်။

အောင်မိုး (စိုက်ပျိုးရေး)

မြန်မာ့အလင်းသတင်းစာမှ ကူးယူဖော်ပြပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်