ဆန်၊ စပါး၊ ကြက်သွန်နီဈေးများတက်၊ ပဲဈေးများလည်းတက်၊ မတ်ပဲဆက်တက်နိုင်ခြေရှိ

ပြီးခဲ့တဲ့အပတ်နဲ့ယှဉ်ရင် ယခုတစ်ပတ်အတွင်း ဆန်ဈေး၊ ပဲဈေး၊ ကြက်သွန်နီ၊ ကြက်သွန်ဖြူဈေး တွေ အားလုံးတက်လာပါတယ်။

ဆန်၊စပါး

ရန်ကုန်ဈေးကွက်မှာတော့ ဆန်ချောဈေးတွေက အရောင်းအဝယ်အေးနေသလို ဈေးလည်းအေး နေပါတယ်။ ဆန်ကြမ်းဈေးတွေကတော့ အနည်းငယ်တက်ပါတယ်။ ဧရာဝတီတိုင်းဈေးကွက်မှာ တော့ စပါးဈေးရော  ဆန်ဈေးရော တက်လာပါတယ်။

ယနေ့ရန်ကုန်ဈေးကွက်ဆန်ဈေးများနှင့် တစ်ပတ်အတွင်းဈေးအတက်အကျများ

ဧည့်မထ (ဆန်ကြမ်း) (တစ်အိတ်) - ၃၁၅၀၀ - ၃၂၀၀၀ ( ၁၅၀၀ ကျပ် ဈေးတက်)

ဧည့်မထ ၂၅ % (တစ်အိတ်) - ၃၀၅၀၀ - ၃၁၅၀၀ (၃၀၀၀ ကျပ် ဈေးတက်)

ငစိန်ဆန် (တစ်အိတ်) ၃၁၀၀၀ - ၃၂၀၀၀ (၃၅၀၀ ကျပ် ဈေးတက်)

သီးထပ်ဆန် (တစ်အိတ်) ၃၁၀၀၀ - ၃၂၀၀၀ ( ၅၀၀ ကျပ် ဈေးတက်)

ဧရာဝတီတိုင်းဈေးကွက်ဆန်စပါးဈေးများနှင့် တစ်ပတ်အတွင်းဈေးအတက်အကျများ

ပုသိမ်ပေါ်ဆန်းစပါး (တင်း ၁၀၀) - ၁၂ သိန်း ၁ သောင်း (၉၇၀၀၀ ကျပ် ဈေးတက်) 

ပေါ်ဆန်းဆန် (တစ်အိတ်) - ၄၉၀၀၀ (၂၀၀၀ ကျပ်ဈေးတက်) 

ပုသိမ်ဧည့်မထစပါး (မိုးနှင့်နွေ) (တင်း ၁၀၀) - ၇၇၅၀၀၀ - ၈၂၈၀၀၀ (၂၈၀၀၀ ကျပ် ဈေးတက်)

မြောင်းမြဈေးကွက်ဆန်စပါးဈေးများနှင့် တစ်ပတ်အတွင်းဈေးအတက်အကျများ

မြောင်းမြပေါ်ဆန်းစပါး (တင်း ၁၀၀ ) - ၁၂ သိန်း (၈၀၀၀ ကျပ်ဈေးတက်)

မြောင်းမြပေါ်ဆန်းဆန် (တစ်အိတ်) - ၄၈၅၀၀  (၁၀၀၀ ကျပ်ဈေးတက်)

မြောင်းမြဧည့်မထစပါး(မိုး နှင့် နွေ) (တင်း ၁၀၀) - ၇၈၂၀၀၀ - ၈၃၇၀၀၀ (၄၆၀၀၀ ကျပ် ဈေးတက်)

ဒေးဒရဲပေါ်ဆန်းနဲ့ ဖျာပုံပေါ်ဆန်းတို့ကလည်း တင်း ၁၀၀ ကို ၃၅၀၀၀ လောက် ဈေးတက်လာပြီး ၁၁၅၄၀၀၀ ကနေ ၁၁၈၅၀၀၀ ကြား ပေါက်ဈေးရှိပါတယ်။ ဆန်ကလည်း တစ်အိတ်ကို ၂၀၀၀ နီးပါး ဈေးတက်လာပြီး ၄၈၀၀၀ ကျပ်ပေါက်ဈေးရှိပါတယ်။ 

မတ်ပဲ

မတ်ပဲက  ပြီးခဲ့တဲ့အပတ်ကတည်းက ဈေးတက်လာပြီး ဒီတစ်ပတ်မှာတော့ တစ်တန်ကို ၁၅ သိန်းကျော်ထိ ဈေးကတက်လာပါတယ်။ အိန္ဒိယနိုင်ငံက ပဲဝယ်ယူနဲ့ပတ်သတ်ပြီး ဈေးတိုးမြှင့်လိုက်တဲ့ ထုတ်ပြန်ချက်ကြောင့် ပြည်တွင်းပဲဈေးတွေက ဈေးမြင့်တက်လာတာဖြစ်ပါတယ်။ ပဲဈေးကတော့ လက်ရှိမှာ ထပ်ပြီးတက်နိုင်ခြေရှိတယ်လို့ ကုန်သည်တွေက မျှော်မှန်းထားပါတယ်။

ရန်ကုန်ဈေးကွက်မှာတော့ မတ်ပဲက တစ်တန်ကို ၁၅ သိန်း ၃ သောင်းနီးပါးအထိပေါက်ဈေးရှိပြီး ပြီးခဲ့တဲ့အပတ်နဲ့ယှဉ်ရင် ၄ သောင်းလောက်ဈေးတက်လာတာပါ။

မန္တလေးဈေးကွက်မှာတော့ တစ်အိတ်ကို ၁၄၆၀၀၀ ပေါက်ဈေးရှိပြီး ၁၀၀၀ ကျပ်ဈေးတက်လာပါတယ်။

မုံရွာဈေးကွက်မှာတော့ ၄၈၃၀၀ ပေါက်ဈေးရှိပြီး တစ်တင်းကို ၁၅၀၀ လောက်ဈေးတက်လာပါတယ်။ 

အောင်လံဈေးကွက်မှာတော့ တစ်တင်းကို ၄၈၅၀၀ ပေါက်ဈေးရှိပြီး ၁၅၀၀ ကျပ်၊ပြည်ဈေးကွက်မှာတော့      တစ်တင်းကို ၄၉၀၀၀ ကနေ ၅၀၀၀၀  ပေါက်ဈေးရှိပြီး ၁၅၀၀ ကျပ် အသီးသီးဈေးတက်လာပါတယ်။

ပဲစင်းငုံနီ

ပြီးခဲ့တဲ့အပတ်က အနည်းငယ်တက်လာတဲ့ ပဲစင်းငုံနီက ဒီတစ်ပတ်မှာလည်း ဆက်ပြီး တက်လာပါတယ်။ မတ်ပဲလောက် အတက်အကျမကြမ်းပေမယ့် အိန္ဒိယနိုင်ငံ ထုတ်ပြန်တဲ့ ဈေးမြင့်ပဲထဲမှာ ပဲစင်းငုံနီလည်း ပါဝင်လို့ ပြန်လှုပ်ခတ်လာတာဖြစ်ပါတယ်။

ပဲစင်းငုံနီကတော့ လက်ရှိအခြေအနေအရ တက်နိုင်ခြေရှိသေးပေမယ့် အများကြီး တက်နိုင်ခြေမရှိဘူးလို့လည်း ကုန်သည်အချို့ကသုံးသပ်နေပါတယ်။

ရန်ကုန်ဈေးကွက်မှာ ပဲစင်းငုံနီက တစ်တန်ကို ၁၃ သိန်း ၉ သောင်းနီးပါးပေါက်ဈေးရှိပြီး တစ်တန်ကို ၂ သောင်းလောက်ဈေးတက်လာပါတယ်။

မန္တလေးဈေးကွက်မှာတော့ တစ်အိတ်ကို ၁၂၉၀၀၀ ကနေ ၁၃၁၀၀၀ ကြား   ပေါက်ဈေးရှိပြီး ၂၀၀၀ ကျပ်ဈေးတက်လာပါတယ်။

ပခုက္ကူဈေးကွက်၊မုံရွာဈေးကွက်၊အောင်လံဈေးကွက်တို့မှာတော့ ပဲစင်းငုံနီက တစ်တင်းကို ၄၃၀၀၀ ကနေ ၄၃၃၀၀ ကြား အရောင်းအဝယ်ရှိနေပြီး တစ်တင်းကို ၁၅၀၀ လောက်ဈေးတက်လာပါတယ်။

ကုလားပဲ

ကုလားပဲဈေးတွေကလည်း ဒီတစ်ပတ်မှာ ဈေးပြန်တက်လာပါတယ်။ပြီးခဲ့တဲ့အပတ်က ဈေးအနည်းငယ် ပြန်ကျဆင်းသွားလို့ ဝယ်ယူမှု မြင့်တက်လာပြီး ဈေးတွေ ပြန်တက်လာတာဖြစ်ပါတယ်။

ရန်ကုန်ဈေးကွက်မှာ ကုလားပဲလုံးဖြူက တစ်ပိဿာကို ၂၄၁၅ ကနေ ၂၄၃၅ ပေါက်ဈေးရှိပြီး တစ်ပိဿာကို ၃၅ ကျပ်ဈေးကျဆင်းသွားပေမယ့် ကုလားပဲလုံးဖြူကြီးက တစ်ပိဿာကို ၂၅၈၀ မှ ၂၇၂၀ ပေါက်ဈေးရှိပြီး ၈၅ ကျပ်၊ ကုလားပဲခြမ်းကတော့ တစ်ပိဿာကို ၃၁၅၀ ကနေ ၃၃၅၀ ပေါက်ဈေးရှိပြီး ၅၀ ကျပ် ဈေးတက်လာပါတယ်၊

မန္တလေးဈေးကွက်မှာတော့ ကုလားပဲ(ထိုင်ဝမ်)က တစ်အိတ်ကို ၁၃၂၀၀၀ ကနေ ၁၃၃၀၀၀ ပေါက်ဈေးရှိပြီး တစ်အိတ်ကို ၂၀၀၀ ကျပ်၊ကုလားပဲ(၉၂၉)က တစ်အိတ်ကို ၁၃၈၅၀၀ ကနေ ၁၃၉၀၀၀ ပေါက်ဈေးရှိပြီး ၄၅၀၀ ကျပ်၊ကုလားပဲ (v2) က တစ်အိတ်ကို ၁၅၀၀၀၀ ပေါက်ဈေးရှိပြီး ၄၀၀၀ကျပ် ဈေးတက်လာပါတယ်။

မုံရွာဈေးကွက်နဲ့ အောင်လံဈေးကွက်တွေမှာလည်း အမျိုးအစားအလိုက် အားလုံးဈေးပြန်တက်လာပါတယ်။

ကြက်သွန်နီ

ဒီတစ်ပတ်အတွင်း အလှုပ်ခတ်ဆုံးဖြစ်နေတဲ့ ကြက်သွန်နီဈေးတွေကတော့ နေ့တိုင်းကို ဈေးတက်နေတာဖြစ်ပြီး အမျိုးအစားအလိုက် တစ်ပိဿာကို ကျပ် ၃၀၀ ကနေ ၄၀၀ ကျော်အထိ အသီးသီးမြင့်တက်လာတာဖြစ်ပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ဖော်ပြခြင်းဖြစ်ပါသည်။)

နိုင်ငံတစ်ဝန်း စပါး၊ ဆန်၊ ပဲများအပါအဝင် သီးနှံမျိုးစုံဈေးနှုန်းများကို သိလိုပါက အစိမ်းရောင်လမ်း App ရှိ နေ့စဉ်ဈေးနှုန်းများကဏ္ဍထဲတွင် သက်ဆိုင်ရာမြို့နယ်တစ်ခုချင်းစီအလိုက် ဝင်ရောက်ကြည့်ရှုနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်