ယခုတစ်ပတ်အတွင်း အပြောင်းအလဲဖြစ်ပေါ်ခဲ့သော သီးနှံစျေးနှုန်းများ

ဆန်၊စပါး

ဒီတစ်ပတ်မှာတော့ ဧရာဝတီတိုင်းဈေးကွက်မှာ ပုသိမ်ပေါ်ဆန်းဆန်နဲ့စပါးဈေးနှုန်းတွေက ထပ်မံမြင့်တက်လာပါတယ်။ ဒေသတွင်းစားသုံးမှုများတဲ့အတွက်ကြောင့် ဈေးကတစ်ဖြေးဖြေးတက်လာတာ ဖြစ်တယ်လို့ သိရပါတယ်။ ပုသိမ်ပေါ်ဆန်းစပါးက တင်း၁၀၀ကို ၉၆၇၀၀၀ ကျပ်နဲ့ ၁၇၀၀၀ကျပ်၊ မြောင်းမြပေါ်ဆန်းစပါးက တင်း၁၀၀ကို ၉၉၅၀၀၀ ကျပ် နဲ့ ၅၇၀၀၀ကျပ်၊ မြောင်းမြဧည့်မထစပါးက တင်း၁၀၀ကို ၆၂၅၀၀၀ ကျပ်နဲ့ ၁၈၀၀၀ ကျပ်နဲ့ အသီးသီး ဈေးတက်နေပါတယ်။

ဒေးဒရဲပေါ်ဆန်းစပါးကတော့ တင်း၁၀၀ကို ၈၉၃၀၀၀ကျပ်၊ ဒေးဒရဲပေါ်ဆန်းဆန်က တစ်အိတ်ကို ၄၁၀၀၀ကျပ်၊ ပုသိမ်ဧည့်မထ (စပါး)က တင်း၁၀၀ကို ၅၉၈၀၀၀၊ ပုသိမ်ဧည့်မထဆန်က တစ်အိတ်ကို ၂၄၅၀၀ ကျပ်၊ မြောင်းမြ ပေါ်ဆန်းဆန်က တစ်အိတ် ကို ၄၄၀၀၀ ကျပ်၊ မြောင်းမြဧည့်မထဆန် ကတစ်အိတ် ကို ၂၄၀၀၀ ကျပ်နဲ့ အသီးသီးဈေးငြိမ်နေပါတယ်။

ရန်ကုန် ဝါးတန်းကုန်စည်ဒိုင်မှာတော့ ပေါ်ဆန်းဈေးနှုန်းတွေကအကျဘက်ကို ဦးတည်နေပါတယ်။ ပေါ်ဆန်းရှယ်က အရင်တစ်ပတ်မှာ တစ်အိတ် ကို ၃၆၀၀၀ကနေ၄၀၀၀၀ ပေါက်ဈေးရှိပြီး၊ ဒီတစ်ပတ် မှာ ၂၀၀၀ကျပ် ဈေးကျဆင်းခဲ့ပါတယ်။ ရက်၉၀ဆန်ကတော့ တစ်အိတ်ကို ၂၀၅၀၀ကနေ ၂၁၅၀၀ ကျပ် နဲ့ဒီတစ်ပတ်မှာ ဈေးငြိမ်နေပါတယ်။ ဆန်ကြမ်းဖြစ်တဲ့ နွေသီးထပ်ကတော့ ၂၀၀၀၀နေ ၂၂၀၀၀ ပေါက်ဈေးရှိပြီ ဈေးငြိမ်နေ ပါတယ်။

မတ်ပဲ (FAQ/RC)

မတ်ပဲကတော့ ဒီတစ်ပတ်မှာ ဈေးထပ်မံကျဆင်းခဲ့ပါတယ်။ ရန်ကုန်ဈေးကွက်မှာ မတ်ပဲကတစ်တန်ကို ၇၉၃၀၀၀ကျပ် ပေါက်ဈေးရှိပြီး၊ ဒီတစ်ပတ်မှာ၂၂၅၀၀ကျပ် ဈေးထပ်မံကျဆင်းခဲ့တာပါ။ အိန္ဒိယနိုင်ငံမှာ မတ်ပဲဈေးအနည်းငယ်ကျဆင်းခဲ့ပြီး၊ မြန်မာ့မတ်ပဲကို ထိန်းဝယ်ယူနေတာကြောင့် ဈေးပြန်ကျဆင်းခဲ့တာဖြစ်တယ်လို့ပဲ ကုန်သည် အချိုု့ကပြောဆိုထားသည်။ မော်လမြိုင် ဈေးကွက်မှတော့ မတ်ပဲက တစ်ပိသာ ကို ၁၄၅၀ ပေါက်ဈေးရှိပြီး၊ ၅၀ကျပ် ဈေးတက်ခဲ့ပါတယ်။ မုံရွာ ဈေးကွက်မှာ တော့ မတ်ပဲက ၂၀ပိသာ တစ်တင်းဈေးနှုန်းကို ကျပ် ၂၄၂၅၀ ကျပ်ဈေးရှိပြီး၊ ၂၅၀ကျပ် ဈေးတက်လာခဲ့ပါတယ်။

ပဲစင်းငုံ(နီ)

ပဲစင်းငုံနီကလည်း ဒီတစ်ပတ်မှာ ဈေးထပ်မံကျဆင်းသွားခဲ့ပါတယ်။ ရန်ကုန်ဈေးကွက်မှာ တစ်တန်ကို ၉၂၁၀၀၀ ဈေးရှိခဲ့ပြီး၊၁၂၀၀၀ ကျပ်ဝန်းကျင် ဈေးပြန်ကျဆင်းခဲ့ပါတယ်။ မုံရွာဈေးကွက်မှာလည်း ၂၀ပိသာ တစ်တင်းကို ၃၁၈၀၀ ကျပ်ဈေးရှိပြီး၊ ၂၀၀ကျပ် ဈေးကျဆင်းခဲ့ပါတယ်။ ပခုက္ကူဈေးကွက်မှာတော့ ပဲစဉ်းငုံ( အနီ)က တစ်ပိသာကို ၁၆၃၅ ကျပ်ဈေးရှိပြီး၊ ၂၅ကျပ် ဈေးတက်လာပါတယ်။

စားသုံးဆီ

ဒီတစ်ပတ်မှာ စားသုံးဆီတွေဖြစ်တဲ့ မြေပဲဆီနဲ့ နှမ်းဆီတို့က အတက်ဈေးနဲ့ ဈေးငြိမ်နေပြီးတော့ စားအုံးဆီကတော့ ဒေါ်လာငွေလဲနှုန်းအပြောင်းအလဲကြောင့် ဈေးပြန်တက်လာခဲ့ပါတယ်။ ရန်ကုန်ဈေးကွက်မှာ မူရင်းလက်ကားဈေးက တစ်ပိသာကို ၁၄၅၅ ပေါက်ဈေး ရှိပြီး တစ်ပိသာကို ၁၅ကျပ်ဈေးထပ်တက်လာခဲ့တာပါ။

မုံရွာကုန်စည်ဒိုင်မှာလည်း စားအုန်းဆီက တစ်ပိသာကို ၁၅၅၀ ဈေးပေါက်ပြီး ၂၀ကျပ်၊ မော်လမြိုင်ဈေးကွက်မှာလည်း စားအုန်းဆီ (ရိုးရိုး)က တစ်ပိသာကို ၁၇၀၀ကျပ် ဈေးရှိပြီး၊ ၁၀၀ကျပ်ဈေးတက်နေပါတယ်။

ပခုက္ကူဈေးကွက်မှာတော့ စားအုန်းဆီ (ရိုးရိုး) ကတစ်ပိသာကို ၁၅၂၀ ကျပ်ဈေးရှိပြီး၊ ၁၅၀ကျပ် ဈေးကျဆင်းနေပါတယ်။ ရန်ကုန်ဈေးကွက်မှာ မြေပဲဆီက တစ်ပိသာကို ၇၅၀၀ကျပ် နှမ်းဆီက တစ်ပိသာကို ၆၃၀၀ ကျပ်နဲ့ ဈေးငြိမ်နေပါတယ်။ မုံရွာဈေးကွက်မှာလည်း မြေပဲဆီက တစ်ပိသာကို ကျပ် ၆၇၀၀ ဈေးရှိပြီး နှမ်းဆီကတော့ တစ်ပိသာကို ကျပ် ၆၅၀၀နဲ့ ဈေးငြိမ်နေပါတယ်။

ကုလားပဲ

ကုလားပဲကတော့ ဒီတစ်ပတ်မှာ ဈေးကျဆင်းခဲ့တာကို တွေ့ရပါတယ်။ ပခုက္ကူကုန်စည်ဒိုင်မှာ ကုလားပဲ (လုံးဝါကြီး) ကတစ်ပိသာကို ၁၄၂၆ ကျပ်ဈေးရှိပြီး၊ ၁၁ကျပ်၊ ကုလားပဲ (လုံးဖြူကြီး)က တစ်ပိသာကို ကျပ် ၁၄၂၁ကျပ်ဈေးရှိပြီး၊ ၁၁ကျပ်အသီးသီးဈေးကျဆင်းနေပါတယ်။ မုံရွာဈေးကွက်မှာလည်း ကုလားပဲလုံးဝါကြီး က ၁၉ပိသာ တစ်တင်းကို ကျပ် ၂၅၀၀၀ကျပ် ပေါက်ဈေးရှိပြီး ၁၀၀ကျပ်၊ ကုလားပဲလုံးဖြူကြီးက တစ်တင်းကို ၂၆၉၀၀ ကျပ်ဈေးရှိပြီး၊ ၂၀၀ကျပ် ဈေးကျဆင်းခဲ့ပါတယ်။

ငရုတ်

ဒီတစ်ပတ်မှာတော့ မော်လမြိုင်ဈေးကွက်မှာ ငရုတ်ကဈေးတက်လာပါတယ်။ ငရုတ်ခြောက် (ရှည်)ကတစ်ပိသာကို ကျပ် ၅၁၅၀ ဈေးရှိပြီး၊ ၃၅၀ကျပ်၊ ငရုတ်ခြောက်(ပွ) တစ်ပိသာကို ကျပ် ၅၆၀၀ဈေးရှိပြီး၊ ၈၀၀ ကျပ် ဈေးမြင့်တက်လာပါတယ်။ ရန်ကုန်ဈေးကွက်မှာတော့ ငရုတ်ပွ (ဆင်ဖြူကျွန်း) က တစ်ပိသာကို ၈၀၀၀ က နေ ၉၀၀၀ကျပ်ဈေးရှိပြီး၊ မြစ်၀(ပု) က ၄၅၀၀ ကနေ၇၀၀၀ ကျပ်၊ မိုးထောင်(မြစ်ဝ)က တစ်ပိသာကို ၅၄၀၀က နေ ၅၅၀၀ကျပ် နဲ့ အသီးသီးဈေးငြိမ်နေပါတယ်။

ကြက်သွန်ဖြူ

ကြက်သွန်ဖြူကတော့ ဒီတစ်ပတ်မှာ ဈေးငြိမ်နေပါတယ်။ ပြီးခဲ့တဲ့အပတ်ကတော့ ရန်ကုန်ဈေးကွက်မှာ ကြက်သွန်ဖြူပုံမှန် ဝင်ရောက်ခဲ့မဲ့ မိုးများပြီး လက်လီအရောင်းအဝယ်ပါးတာကြောင့် ဈေးအေးနေခဲ့ပါတယ်။

ကြက်သွန်ဖြူ( ကြူကုတ်)က တစ်ပိသာကို ၃၃၀၀ ကနေ၃၄၀၀ ကျပ် ၊ ကြက်သွန်ဖြူ(အောင်ပန်း) ထူးကလည်း ၁၉၀၀ကနေ ၃၁၀၀ကျပ်ပေါက်ဈေးရှိ ပြီးဈေးငြိမ်နေပါတယ်။ မော်လမြိုင်ဈေးကွက်မှာတော့ ကြက်သွန်ဖြူ(ရှမ်း ) ကတစ်ပိသာကို ၂၅၀၀ကျပ် ဈေးရှိပြီး ၂၅ ကျပ်ဈေးတက်လာပါတယ်။ ကြက်သွန်ဖြူ (ကြူကုတ်)ကတော့ တစ်ပိသာ ကို ကျပ် ၃၃၂၅ ကျပ်ဈေးရှိပြီး၊ ၇၅ ကျပ် ဈေးကျဆင်းခဲ့ပါတယ်။ မြင်းခြံဈေးကွက်မှာတော့ ကြက်သွန်ဖြူ (ရှမ်း)က တစ်ပိသာကိုကျပ် ၂၄၀၀ ၊ ကြက်သွန်ဖြူ (ကြူကုတ်) က တစ်ပိသာကို ကျပ် ၃၅၀၀နဲ့ ဈေးငြိမ်နေပါတယ်။

စိုးချစ်ချစ်ပိုင်(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...