ကုလားပဲဟောင်း လက်ကျန်နည်းလာခြင်းကြောင့် အတက်ဈေးဖြင့် တည်ငြိမ်နေ

23/07/2021 15:00 PM တွင် AMIA AMIA မှ ရေးသား

ဈေးကွက်အတွင်း ကုလားပဲဟောင်းလက်ကျန် နည်းလာခြင်းကြောင့် အတက်ဈေးဖြင့် ဈေးနှုန်း တည်ငြိမ်နေကြောင်း ကုန်သည်များထံမှ သိရသည်။

ဇွန်လကုန်က ကုလားပဲ-V2  သုံးတင်းဝင်တစ်အိတ်လျှင် ကျပ် ၉၃၀၀၀ ပေါက်ဈေး ရှိရာမှ ဇူလှိုင်လ အစမှ စတင်၍ တစ်အိတ် ကျပ် ၉၅၀၀၀မှ ၉၇၀၀၀ကြား ရှိလာပြီး ဇူလိုင်လ တတိယပတ် အစထိ အတက်ဈေး ဖြင့် တည်ငြိမ်လျက်ရှိကြောင်း သိရသည်။

ထို့အတူ ကုလားပဲ အုပ်စုဝင် ကုလားပဲ V7 ၊ကုလားပဲ (929)၊ ကုလားပဲ ထိုင်ဝမ် ဈေးများမှာ တစ်အိတ်ကျပ် ၉၃၀၀၀ရှိရာ ယခုလတွင် ၉၅၀၀၀ခန့် အသီးသီး ရှိနေသည်။

ကုလားပဲက ပြည်တွင်းသုံးစွဲမှု များလာတဲ့အတွက်ကြောင့် ပဲ ဈေးနှုန်းမြင့်တယ်၊ တည်ငြိမ်တယ်။ သုံးတင်းဝင်တစ်အိတ်ကို ကျပ်၃၀၀၀ကနေ ၇၀၀၀ကြား ဈေးပိုရနေတယ်။ လက်ကျန်က နည်းသွားပြီ။ တောင်သူ လက်ထဲ လုံးဝမရှိတော့ဘူး။ ကုလားပဲ ခွဲခြမ်းစက်တွေနဲ့ ပြည်ပ exporterတွေ လက်ထဲမှာပဲ ရှိတော့တယ်

ဟုမန္တလေးရှိ မြသစ္စာ လယ်ယာထွက်ပစ္စည်း ရောင်းဝယ်ရေး ပိုင်ရှင် ဦးအောင်မျိုးထွန်းက ပြောသည်။

လက်ရှိတွင် ကုန်သည်၊ ပွဲစားများ ကိုဗစ်ကပ်ရောဂါကြောင့် ဒိုင်များတွင် အရောင်းအဝယ်မလုပ်ကြပဲ အွန်လိုင်းစနစ်နှင့် ဖုန်းဖြင့်သာ ရောင်းဝယ်ကြကြောင်း၊ ကုလားပဲ လိုအပ်ချက်အလိုက် ဈေးကွက်အတွင်းသို့ ဖြန့်ဖြူး ရောင်းချကြကြောင်းနှင့် ပြည်ပသို့  သင်္ဘောတင်ရသည့် ရက်များတွင် အတက်ဈေးဖြင့် ကစားကြကြောင်း သိရသည်။

ကုလားပဲကို စားတော်ပဲ အစားထိုး သုံးကြတယ်။ စားတော်ပဲ ရှားပါးချိန်မျိုးမှာ ကုလားပဲဆောင်းသီးနှံ ပဲစိုက်ကြတော့ ဒီလိုကာလတွေရောက်ရင် လက်ကျန်နည်းသွားပြီပေါ့။ တချို့ကုန်သည်ကြီးတွေကတော့ ပြည်ပပို့ရမယ်ဆိုရင် လှောင်ကြတာ များတယ်။ ပြည်တွင်းလည်း စားသုံးမှုရှိတော့ အထိုက်အလျောက်တော့ ဈေးကောင်းရကြမှာပါ

ဟု မန္တလေး-ရန်ကုန် ပဲမျိုးစုံ ရောင်းဝယ်ရေး ကုန်သည် ဦးကျော်ဆန်းက ပြောသည်။

ကုလားပဲကို ပြည်တွင်းပဲကြိတ်စက် လုပ်ငန်းများက ခွဲခြမ်းများ ပြုလုပ်၍ ပါကင်စနစ်ဖြင့် ပြည်တွင်း ဈေးကွက်သို့ ဖြန့်ဖြူးကြကြောင်း သိရသည်။

ပြည်တွင်း၌ ကုလားပဲသည် ဇန်နဝါရီမှ မတ်လအထိ ထွက်ရှိပြီး စိုက်ဧက ၈သိန်းခန့် ရှိပြီး တန်ချိန် ငါးသိန်းခန့် ရှိကြောင်း၊ ပြည်ပသို့ နှစ်စဉ်တန်ချိန် လေးသောင်းကျော် တင်ပို့ကာ ပြည်တွင်း သုံးစွဲမှုက ၉၀ရာခိုင်နှုန်းကျော် ရှိကြောင်း သိရသည်။

ကုလားပဲကို ပြုတ်စားခြင်း၊ လှော်စားခြင်း၊ ပဲခြမ်းပြုလုပ်ခြင်း၊ ချက်စားခြင်း၊ ကြော်စားခြင်း၊ အမှုန့်စိမ်း ပြုလုပ် ရောင်းချခြင်း ပြုလုပ်ကာ ပြည်တွင်း၌ ထွက်ရှိသည့် ပဲများအနက် လူကြိုက်များသည့် ပဲတစ်မျိုးဖြစ်သည်။

ကုလားပဲကို အိန္ဒိယ၊ ဘင်္ဂလားဒေ့ရှ်၊ ပါကစ္စတန်၊ မလေးရှား၊ စင်္ကာပူစသည့် နိုင်ငံများသို့ တင်ပို့ကြောင်း သိရသည်။

ဇာလင်းသူ(AMIA)

 


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်