ကြက်နာတွေကို ဆေးကုပေးမယ်ဆိုရင် (၁)

ကြက်မွေးသူတွေမှာ ညွှန်းထားသမျှ ကာကွယ်ဆေးတွေလည်း ပုံမှန်သုံးပေးနေတဲ့ ကြားက ကြက်နာတယ်ဆိုတာ ထပ်ကြုံနေကြရပါတယ်။ ဒီတော့ ကာကွယ်တယ်ဆိုတဲ့ အဆင့်က လွန်သွားပြီ။ ဘယ်လိုလုပ်ကြရင် ကောင်းမလဲစဉ်းစားကြရပြန်တယ်။

ကုသဖို့က ဘာရောဂါဖြစ်နေလဲဆိုတာကို သေသေချာချာ သိထားဖို့လိုပြန်တယ်။ အနာသိရင်ဆေးရှိတယ်လို့ ဆိုကြတာကိုး။ ရောဂါလက္ခဏာကို ကြည့်ပြီး ဘာရောဂါပါလို့ သိနိုင်တာလည်းရှိမယ်။ ဒါဆိုရင် သူနဲ့ ဆိုင်တဲ့ ကုထုံးကို သုံးရမှာပါ။

တစ်ခါတစ်ရံ ကြက်ကတော့ နာနေတာ သေချာတယ်။ ဒါပေမဲ့ ဘယ်လိုကြက်နာမျိုးလဲ သေသေချာချာ မသိနိုင်တာမျိုးလည်း ကြုံကြဖူးပါလိမ့်မယ်။ ဒီတော့ မှန်းကု (ရမ်းကု) ကြတာပေါ့။

သာမန်အားဖြင့် Virus ကြောင့်ဖြစ်တဲ့ ကူးစက်ရောဂါတွေအတွက် ကုသဆေးမရှိတတ်ပါ။ ရောဂါဝင်စအချိန်မှာ ကာကွယ်ဆေးကိုပဲ သုံးကြရတယ်။ ကာကွယ်ဆေးမှာပါတဲ့ အပျော့စား Virus က ကိုယ်ထဲကို လက်ဦးပြီး ရောက်သွားရင် နောက်ကျမှ ကူးစက်ဝင်ရောက်လာမဲ့ ရောဂါဖြစ်နိုင်တဲ့ Virus ကိုဝင်မလာနိုင်အောင် ဟန့်တားပေးနိုင် (interfere လုပ်နိုင်တဲ့) အကျိုးရစေနိုင်ဖို့ပါ။ ပြီးတော့ ကာကွယ်ဆေးကြောင့် ရောဂါကာကွယ်မှု ဖြစ်စေမဲ့ ပစ္စည်း (antibody)တွေ ထွက်လာပြီး ရောဂါကို ရေရှည်အကာအကွယ်ပေးနိုင်လို့ပါ။

တခြားရောဂါတွေအတွက်တော့ အများအားဖြင့် ကုသဆေးတွေ ရနိုင်ကြပါတယ်။

ဘက်တီးရီးယားရောဂါတွေအတွက် ကုသပေးဖို့ (ကာကွယ်ပေးဖို့) ပိုးသတ်ဆေးလို့ အများပြောနေကြတဲ့ ပဋိဇီဝဆေး (antibiotics) တွေရှိပါတယ်။

မှိုကြောင့်ဖြစ်တဲ့ ရောဂါတွေအတွက် ကြက်တွေကို တိုက်ကျွေးနိုင်တဲ့ မှိုသတ်ဆေးတွေ ရနိုင်တယ်။ အစာမှာပါတဲ့ မှိုဆိပ်ကြောင့် ဖြစ်တဲ့ရောဂါတွေအတွက်တော့ မှိုကင်းတဲ့ အစာသုံးဖို့ မှိုတားဆေးတွေ အစာမှာထည့်ဖို့ အစာထုတ်လုပ်ရောင်းချသူတွေက လုပ်ပေးနေကြပါတယ်။

Protozoa တွေကြောင့်ဖြစ်တဲ့ ရောဂါတွေအတွက် ကုသဆေး/ကာကွယ်ဆးတွေရှိပါတယ်။ ဥပမာ - သွေးဝမ်းရောဂါလိုမျိုးပေါ့။ သွေးဝမ်းကာကွယ်ဆေး၊ သွေးဝမ်းကုသဆေး ရနိုင်ပါတယ်။

ကြက်ကိုယ်ပေါ်မှာ တွယ်ကပ်တဲ့ သန်းမွှားစတဲ့ ကပ်ပါးပိုးတွေအတွက် ကုသဆေးတွေရှိလို့ သုံးနေကြပါတယ်။

ကြက်ကိုယ်ထဲမှာ တွယ်ကပ်တဲ့ သန်ကောင်တွေအတွက် သန်ချဆေးအမျိုးမျိုးရှိပါတယ်။ သုံးကြပါတယ်။ ဆေးတင်သွင်းရောင်းချသူတွေက ဆေးတွေစုံအောင် သွင်းနေကြပြီး ဆေးတွေကို ဘယ်ပုံဘယ်နည်း အသုံးပြုရမယ်ဆိုတာပါ ညွှန်ပြပေးနေတဲ့အတွက် အခက်အခဲမရှိ ဝယ်ယူသုံးစွဲနိုင်ကြပါတယ်။

အပိုင်း(၂) မှာဆက်လက်ဖော်ပြပေးပါဦးမည်။

ဒေါက်တာအောင်မြင့် ရေးသားသော ဆန်းသစ်လာသော ကြက်ရောဂါပြဿနာများမှ ကောက်နုတ်ဖော်ပြထားခြင်းဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...