၂၀၂၁ ခုနှစ်အတွက် ပထမဆုံးအကြိမ် မှိုမျိုးစုံ မွေးမြူစိုက်ပျိုးထုတ်လုပ်နည်းသင်တန်း ဖွင့်လှစ်မည်

ကိုဗစ်-၁၉ ရောဂါ ထိန်းချုပ်ကာကွယ်နိုင်ရေး သတ်မှတ်စည်းကမ်းချက်များနှင့်အညီ စိုက်ပျိုးရေးဦးစီးဌာန၊ ကော်ဖီ-ရာသီသီးနှံဌာနခွဲ မှိုမျိုးစုံမွေးမြူစိုက်ပျိုးထုတ်လုပ်နည်းသင်တန်း (၁/၂၀၂၁) ကို (၁၀)မိုင်၊ ဘက်စုံစိုက်ပျိုးမွေးမြူရေးသင်တန်းကျောင်း၊ ပဲခူးမြို့တွင် ဖွင့်လှစ်မည်ဖြစ်ကြောင်း သိရသည်။

ကိုဗစ်-၁၉ ကမ္ဘာ့ကပ်ရောဂါ ကူးစက်ပြန့်ပွားမှုကနေ ကာကွယ်နိုင်ဖို့အတွက် ၂၀၂၀ ခုနှစ်၊ ဧပြီလလောက်ကစပြီး သင်တန်းတွေ ရပ်နားခဲ့ပါတယ်။ အဲ့ဒီမတိုင်ခင်ကတော့ ကျွန်တော်တို့ဌာနက သင်တန်းတွေ တောက်လျှောက်ဖွင့်လှစ်ခဲ့တာပါ။ ၁၉၈၉ ခုနှစ်ကတည်းက မှိုမျိုးစုံစိုက်ပျိုးနည်းသင်တန်းတွေ စတင်ဖွင့်လှစ်ခဲ့တာဆိုတော့ အခုဆိုရင် နှစ်ပေါင်း ၃၀ ကျော် ဖွင့်လှစ်ပို့ချခဲ့ပြီးပါပြီ။ ကိုဗစ်-၁၉ ကာလအတွင်းမှာတော့ ဒီသင်တန်းက ပထမဆုံးအကြိမ် ပြန်လည်ဖွင့်လှစ်တာ ဖြစ်ပါတယ်။ နိုဝင်ဘာလ ၁၀ ရက်နေ့မှာ သင်တန်း စတင်ဖွင့်လှစ်မှာ ဖြစ်ပါတယ်။

ဟု စိုက်ပျိုးရေးဦးစီးဌာန၊ ကော်ဖီ-ရာသီသီးနှံဌာနခွဲမှ ညွှန်ကြားရေးမှူး ဦးမြင့်ဆွေက ပြောသည်။

အဆိုပါ သင်တန်းကို နိုဝင်ဘာလ (၁၀) ရက်မှ နိုဝင်ဘာလ (၁၆) ရက်အထိဖွင့်လှစ်ပို့ချမည်ဖြစ်ပြီး၊ သင်တန်းကြေး အခမဲ့အပြင် သင်တန်းကာလအတွင်း သင်တန်းသားကို ဌာနသင်တန်းဆောင်တွင် အခမဲ့နေထိုင်ခွင့်ပြုမည်ဖြစ်ကြောင်း ကော်ဖီ-ရာသီသီးနှံဌာနခွဲမှ သိရသည်။

သင်တန်းကျောင်းကလည်း ဝင်ဆံ့တဲ့အတွက် ကိုဗစ်မဖြစ်ခင်အခြေအနေတုန်းကတော့ သင်တန်းသား ၄၀ ဦးအထိ လက်ခံသင်ကြားပေးခဲ့ပါတယ်။ ကျွန်တော်တို့ဆီမှာ သင်တန်းသား ၄၀ ဦးဆံ့တဲ့ ခန်းမလည်းရှိတယ်၊ နေစရာအိပ်ဆောင်လည်း ရှိပါတယ်။ အခုတော့ ကိုဗစ်-၁၉ ကာကွယ်ကုသ ထိန်းချုပ်ရေးကော်မတီရဲ့လမ်းညွှန်ချက်နဲ့ညီညွတ်အောင် သင်တန်းသားဦးရေကို ထက်ဝက်လျှော့ချပြီး သင်တန်းသား ၂၀ ဦးကိုသာ သင်ကြားပို့ချပေးသွားမှာ ဖြစ်ပါတယ်။ သင်တန်းကာလအတွင်း သင်တန်းသားအားလုံး ကိုဗစ်-၁၉ ရောဂါနဲ့ပတ်သက်ပြီး စိတ်ချလက်ချရှိစေဖို့ ကာကွယ်ဆေး ၂ ကြိမ်ထိုးပြီးသူတွေကို ဦးစားပေးလက်ခံပေးသွားမှာ ဖြစ်ပါတယ်။

ဟု ညွှန်ကြားရေးမှူး ဦးမြင့်ဆွေက ဆက်လက်ပြောကြားသည်။

သင်တန်းကြေးပေးအပ်ရန် မလိုဘဲ အခမဲ့သင်ကြားပေးမည်ဖြစ်ပြီး၊ သင်တန်းသား၏ စားစရိတ်၊ သင်တန်းမှတ်စုများ၊ လက်တွေ့လုပ်ငန်းဆောင်ရွက်မှုနှင့် ပြင်ပမှိုခြံ လေ့လာရေးခရီးစဥ်များအတွက်မူ သင်တန်းသားဘက်မှ ကိုယ့်စားရိတ်ကိုယ် ကျခံရမည်ဖြစ်ကြောင်း ၎င်းက ဆိုသည်။

သင်တန်းတက်ရောက်လိုသည့်သင်တန်းသားများအနေဖြင့် ၂၀၂၁ ခုနှစ်၊ နိုဝင်ဘာလ (၇/၈) ရက်နေ့ နောက်ဆုံးထား၍ ဖုန်းနံပါတ် ၀၉-၄၂၀၁၇၇၁၁၅၊ ၀၉-၉၇၀၁၇၈၄၈၉ ထံသို့ စာရင်းပေးသွင်းနိုင်ကြောင်း ကော်ဖီ-ရာသီသီးနှံဌာနခွဲမှ သိရသည်

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ