ဗမာနံနံ စိုက်ပျိုးနည်း

သမရိုးကျစိုက်နည်းနှင့် ရေသွင်းစိုက်ပျိုးနည်းပေါ်မူတည်၍ မျိုးစေ့နှုန်းထား ကွာခြားမှုရှိသည်။ နံနံစေ့သည် အစေ့ခွံနှစ်ခြမ်းမှာ ပူးလျက်သား မဟုတ်ဘဲ နှစ်ခြမ်းကွဲလျှက်ရှိပြီး တစ်ခြမ်းစီမှ တစ်ပင်စီပေါက်ရောက်နိုင်သည်။ သမားရိုးကျ မိုးအားကိုး၍ စိုက်နည်းတွင် မျိုးစေ့နှုန်းထား ခြောက်ပိသာနှုန်း နှင့် ရေသွင်းဘောင်ဖေါ်၍ စိုက်သောနည်းတွင် လေးပိသာနှုန်းသာ ကုန်ကျမှုရှိသည်။ နံနံစေ့ကိုရေထဲတွင် ၂၄ နာရီစိမ်ပါ။ မစိမ်ခင် နေပူပြ၍ အခင်းတစ်ခုပေါ်တွင် ပုလင်းလွတ်တစ်လုံးဖြင့် လှိမ့်ပေးပါ။

ရေသွင်းအခင်းမျိုးတွင် အေဇိုစပိုရီလန် သုံးဆယ်ကျပ်သားနှင့် ရေကိုရောပြီးမျိုးစေ့စိမ်ပါက ခါးရိရောဂါကိုကာကွယ်ပြီး ထရိုင်ဂိုဒါးမား ဗာရီဒေ ဆယ့်နှစ်ပိသာကို စိုက်မည့်မြေကြီးထဲတွင် ထည့်ပြင်ပါ။ မိုးအားကိုး၍ စိုက်သောအခင်းတွင် ပိုတက်စီယမ် ဒိုင်ဟိုက်ဒရိုဂျင်ဖော့စဖိတ် ထမင်းစားဇွန်း တစ်ဇွန်းကို ရေတစ်လီတာတွင် ထည့်ဖျော်၍ မျိုးစေ့ကိုစိမ်ပါ။

မြေပြင်ခြင်း

ထယ်ထိုးထွန်မွှေ လေးကြိမ်ထိ ပြုလုပ်ပါ။ နောက်ဆုံးတစ်ကြိမ်တွင် သဘာဝအတိုင်းဆွေးမြေ့ထားသော တိရစ္ဆာန် အညစ်အကြေး နှစ်တန်ကို ထည့်သွင်းပါ။ ဖြစ်နိုင်လျှင် စိုက်ဘောင်များဖော်ပြီး ရေသွင်းစိုက်ခြင်းက ပိုမိုထွက်နှုန်းများမည်။ မစိုက်ခင် စိုက်ဘောင်ကို ရေတစ်လီတာတွင် ဖလူကလိုရလင်း(ပေါင်းသတ်ဆေး) လက်ဖက်စားဇွန်းတစ်ဝက်ကိုရော၍ ဖျန်းပါ။ နံနံကို ပင်ကြားတန်းကြား ၅ လက်မ x ၇ လက်မခြား၍ တစ်စေ့ချင်းချ စိုက်ပါ။ တစ်ပတ်မှဆယ်ရက်အတွင်း အပက်ပေါက်လာကြသည်။

စိုက်ပြီးတစ်လအကြာတွင် ဆယ့်ငါးပတ်လည် တစ်ပိဿာ ရှစ်ဆယ်သားကို တစ်ဧကလုံးအတွက်သုံးပါ။ သဘာဝအတိုင်း သုံးစွဲလိုလျှက် ကောင်းစွာဆွေးမြေ့သည့် တိရစ္ဆာန် အညစ်အကြေး ဆယ့်နှစ်ပိသာကို ထည့်ပါ။ အစေ့ချစိုက်ပြီးလျှင်ပြီးချင်း ရေလောင်းရပါမည်။ နောက်သုံးရက်ကြာလျှင် ထပ်လောင်းပါ။ နောက်ပိုင်းတွင် ရာသီဥတု အခြေအနေပေါ် မူတည်၍ ခြောက်ရက် သို့မဟုတ် ဆယ်ရက်ခြားတစ်ကြိမ်ရေပုံမှန်လောင်းပေး ရမည်။ တစ်လပြည့်လျှင် အပင်မှူန်းခြင်းနှင့် ဒုတိယအကြိမ်ပေါင်းနှိမ်ခြင်းကို ပြုလုပ်သင့်သည်။

ပေါင်ဒါမှုန့်ဖြူကဲ့သို့ ကျသောမှိုရောဂါ

ဒိုက်နိုကပ် ထမင်းစားဇွန်း ငါးဇွန်း သို့မဟုတ် ဆာလဖာ သုံးဆယ်သားကို ဆယ်ရက်ခြားတခါဖျန်းပါ။ တမာဆီကို စိုက်ပြီးငါးရက်ကြာလျှင်ဖျန်းပါ။ နောက်အကြိမ်များတွင် ဆယ်ရက်ခြား၍ ဖျန်းပါ။

စိုက်ပြီး ရက်နှစ်ဆယ့် ငါးရက်ကြာလျှင် ကောင်းစွာ ခူးဆွတ်နိုင်ပြီ ဖြစ်သည်။ အရွက်ကြီးများကိုသာ ရွေးချယ်၍ ညှပ်ပါ။ ကလိုရင်း ထမင်းစားဇွန်း တစ်ဇွန်းကိုရေတစ်လီတာတွင်ဖျော်ပါ။ တစ်ပင်တွင် အရွက်ညှပ်ပြီး ကတ်ကြေးကို ကလိုရင်းထဲတွင် စိမ်ပြီးမှ နောက်တစ်ရွက် ပြန်ညှပ်ပါ။ ထို့သိုပြုလုပ်ခြင်းက တစ်ပင်မှ တစ်ပင်ရောဂါကူးစက်ခြင်းကို နည်းစေသည်။ မြေဆီကို ပုံမှန်ကျွေးပါက နှစ်ကြိမ်မှလေးကြိမ်အထိ ခူးဆွတ်နိုင်သည်။ အချို့မှာ အပင်လိုက်နုတ်ရောင်းတတ်သော လိုအပ်သောသူများရှိလျှင်လည်း အပင်များနုတ်ပြီးရေဆေးရာတွင် ကလိုရင်းရေဖြင့်ဆေးခြင်းက ပိုမိုရောင်းပန်းလှစေသည်။

တစ်လခွဲကြာ၍ ပန်းပွင့်လျှင် အစေ့ ရယူရန် အတွက် ကာဗန်ဒါဇင်ကို ဖျန်းပါ။ အစေ့များ မခြောက်ခင် ဖျန်းပါ။ တစ်ဧကတွင် နှစ်ဆယ့်ငါးကျပ်သားခန့်သာ ဖျန်းပါ။ နံနံစေ့ကို ရယူလိုပါက အစေ့များခါပြီး အရိပ်ထဲတွင် သိုလှောင်ပါ။

အထွက်နှုန်း မှာ လတ်ဆတ်သောအရွက်ကို ခူးလျှင် တစ်ဧကလျှင် နှစ်တန်လျော့လျော့ ခူးဆွတ်နိင်ပြီး မျိုးစေ့ကို ယူလျှင် ပိသာချိန် နှစ်ရာ(ရေသွင်းစိုက်) နှင့် ပိသာချိန် တစ်ရာ့ငါးဆယ် (မိုးရေစိုက်) ကို ပျှမ်းမျှ ရရှိကြသည်။

ရွှေရည်လင်း

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...