ပြည်ပမှပြောင်းဆံများ တင်သွင်းခွင့်ပြုရန်တင်ပြခြင်းကို မြန်မာနိုင်ငံပြောင်းလုပ်ငန်းအသင်းမှ တရားဝင်ကန့်ကွက်

ပြည်ပမှပြောင်းဆံများ တင်သွင်းခွင့်ပြုရန် ကုမ္ပဏီတစ်ခုက တင်ပြတောင်းဆိုသည့်အတွက် သက်ဆိုင်ရာအစိုးရဌာနမှ မြန်မာနိုင်ငံပြောင်းလုပ်ငန်းအသင်း၏ သဘောထားမှတ်ချက်ကိုတောင်းခံရာ မြန်မာနိုင်ငံပြောင်းလုပ်ငန်းအသင်း (Myanmar Corn Industrial Association) မှ တရားဝင်ကန့်ကွက်ခဲ့ကြောင်း သိရသည်။

ဇွန်လမှ နိုဝင်ဘာလအတွင်း ပြောင်းဆံရှားပါးတဲ့အတွက် ပြည်ပကနေ တင်သွင်းခွင့်ပြုပေးပါလို့ သူတို့ဘက်က တောင်းဆိုထားတာကိုတွေ့ရတယ်။ တကယ်က မြန်မာနိုင်ငံမှာ တစ်နှစ်ပတ်လုံးနီးပါး ပြောင်းဆံထွက်ရှိတယ်။ မထွက်တာ ဇူလိုင်လနဲ့ ဩဂုတ်လ နှစ်လပဲရှိတယ်။ အဲ့ဒီနှစ်လအတွင်းမှာ ပြောင်းဆံပြတ်လပ်ရအောင်လည်း အဲ့ဒီလတွေက မြန်မာနိုင်ငံမှာ Export ရှိတဲ့ကာလတွေ မဟုတ်ဘူး။ ပြည်တွင်းမှာပြောင်းဆံတွေရှိနေသေးတဲ့ လတွေဖြစ်တယ်။ ဒီတော့ မြန်မာနိုင်ငံမှာ ပြောင်းဆံတွေမရှိလို့ တင်သွင်းချင်တာမဟုတ်ဘဲ ပြည်ပကသွင်းရင် ပြောင်းဆံဈေးနှုန်း ပိုများသက်သာမလား၊ သူတို့အတွက် ပိုတွက်ချေကိုက်မလားဆိုတဲ့ ရည်ရွယ်ချက်နဲ့ တင်သွင်းချင်နေတာဖြစ်တယ်။ မြန်မာနိုင်ငံရဲ့ အစေ့ထုတ်ပြောင်းထုတ်လုပ်မှုက ပြည်တွင်းဖူလုံတဲ့အပြင် ပြည်ပနိုင်ငံတွေကို တင်ပို့ရောင်းချလို့ပါ ရနေတာကြောင့် ပြောင်းတင်သွင်းမယ့်ကိစ္စကို အခုလို ကန့်ကွက်ရတာဖြစ်ပါတယ်။

ဟု မြန်မာနိုင်ငံပြောင်းလုပ်ငန်းအသင်း ဥက္ကဌ ဦးမင်းခိုင်က ပြောသည်။

၂၀၂၀ ခုနှစ်၊ စက်တင်ဘာလ (၂၃) ရက်နှင့် (၂၄) ရက်များက သက်ဆိုင်ရာဌာနများ၊ အစာစပ်လုပ်ငန်းများနှင့် မြန်မာနိုင်ငံပြောင်းအသင်းတို့ပူးပေါင်း၍ Zoom Meeting ပြုလုပ်ခဲ့ပြီး အဆိုပါ အစည်းအဝေးတွင်လည်း ပြောင်းဆံများ တင်သွင်းခွင့်မပြုသင့်သည့်အကြောင်း၊ ပြည်ပမှ ပြောင်းဆံများတင်သွင်းပါက ပြည်တွင်းရှိ ပြောင်းစိုက်တောင်သူများ ထိခိုက်နစ်နာနိုင်သည့်အပြင် ပြောင်းဈေးကွက်ပျက်သည်အထိ အကျိုးသက်ရောက်မှုများ ရှိလာနိုင်ကြောင်း တရားဝင် တင်ပြကန့်ကွက်ခဲ့သည်ဟု မြန်မာနိုင်ငံပြောင်းလုပ်ငန်းအသင်းမှ သိရသည်။

ပြောင်းဆံတွေ တင်ပို့ရောင်းချရာမှာ အရင်က တရုတ်နိုင်ငံတစ်ခုတည်းကို အားထားရောင်းခဲ့တယ်။ ပြောင်းလုပ်ငန်းအသင်းကဦးဆောင်ပြီး ပြည်ပဈေးကွက်သစ်တွေ ရှာဖွေခဲ့တာ အခုဆိုရင် ထိုင်းနဲ့ အိန္ဒိယနိုင်ငံတွေကို တင်ပို့ရောင်းချနေရပြီဖြစ်တယ်။ နောက်တစ်ခုက အစေ့ထုတ်ပြောင်းမှာ GMO လို့ခေါ်တဲ့ မျိုးရိုးဗီဇပြုပြင်ထားတဲ့ပြောင်းရယ်၊ Non-GMO လို့ခေါ်တဲ့ မျိုးရိုးဗီဇမပြုပြင်ထားတဲ့ပြောင်းရယ် နှစ်မျိုးရှိတယ်။ ကမ္ဘာပေါ်မှာ အမေရိကန်အပါအဝင် နိုင်ငံကြီးတွေက GMO ပြောင်းကို စိုက်နေကြတယ်။ မြန်မာနိုင်ငံက ပြောင်းဆံက Non-GMO ဖြစ်တယ်။ ဒီတော့ ထိုင်းနိုင်ငံ၊ အိန္ဒိယနိုင်ငံတို့က GMOပြောင်းကို မနှစ်သက်တဲ့အတွက် မြန်မာနိုင်ငံကနေ Non-GMO ပြောင်းကို ဝယ်ယူနေတာဖြစ်တယ်။ အခုလိုမျိုး ပြည်ပကပြောင်းဆံတွေ တင်သွင်းခွင့်ပြုလိုက်မယ်ဆိုရင် မြန်မာနိုင်ငံကနေ လက်ရှိဝယ်ယူနေတဲ့ နိုင်ငံတွေက၊ သူတို့ဝယ်ယူမယ့်ပြောင်းက မြန်မာနိုင်ငံက တကယ်ထွက်ရှိတာမှ ဟုတ်ရဲ့လား Re-export လုပ်နေတာများလား (GMO ပြောင်း အမျိုးအစားများ ဖြစ်နေမလား)လို့ သံသယသာရှိသွားရင် ရပြီးသားဈေးကွက်ကြီးတွေပါ ပျက်စီးဆုံးရှုံးသွားနိုင်ပါတယ်။

ဟု ဦးမင်းခိုင်က ဆက်လက်ပြောသည်။

၂၀၁၈-၂၀၁၉ ဘဏ္ဍာနှစ်စာရင်းအရ မြန်မာနိုင်ငံ၏ပြောင်းစိုက်ပျိုးထုတ်လုပ်မှုသည် စုစုပေါင်း မက်ထရစ်တန်ချိန် (၂၇)သိန်းကျော် ရှိခဲ့ပြီး၊ မြန်မာနိုင်ငံ၏ ပြည်တွင်းသုံးစွဲမှုစုစုပေါင်းသည် (အစာစပ်စက်ရုံများ၊ အရက်ချက်စက်ရုံများ၊ အခြားလုပ်ငန်းများမှ သုံးစွဲမှုများအပါအဝင်) မက်ထရစ်တန်ချိန် (၁၂) သိန်းဝန်းကျင်သာ ရှိနေသည်။

ထို့သို့ ပြည်တွင်း၌ ပိုလျှံနေသည့် ပြောင်းဆံများကို ထိုင်းနိုင်ငံ၊ အိန္ဒိယနိုင်ငံနှင့် အိမ်နီးချင်းနိုင်ငံများထံသို့ တင်ပို့ရောင်းချနေရသဖြင့် ပြည်ပမှ ပြောင်းဆံတင်သွင်းခွင့်ပြုရန် တင်ပြလာသည်ကို မြန်မာနိုင်ငံပြောင်းလုပ်ငန်းအသင်းမှ တရားဝင်ကန့်ကွက်ရခြင်းဖြစ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...