မြေပဒေသာကျွန်းရှိ ပျိုးပင်အရောင်းဆိုင်တွေမှာ မီးသတ်စနစ်တပ်ဆပ်ဖို့ လိုအပ်ချက်တွေရှိနေ

    ဇန်နဝါရီလ ၁၄ ရက်ညမှာ မီးလောင်ကျွမ်းခဲ့တဲ့ မြေပဒေသာကျွန်းက မျိုးစေ့၊ အပင်နှင့် စိုက်ပျိုးရေးသုံး ပံ့ပိုးပစ္စည်းအရောင်းဆိုင်များမှာ မီးသတ်စနစ်တွေတပ်ဆင်သွားဖို့ လိုအပ်နေတယ်လို့ မီးဟပ်သွားတဲ့အတွက် ပျိုးပင်ဆွေဆုံးရှုံးလိုက်ရတဲ့ မဟူရာပွင့် ပျိုးပင်အရောင်းဆိုင်က ဦးမြင့်စိုးဦးက Green Way ကိုပြောပါတယ်။ 

အဓိကကတော့ ဒီမှာ မီးသတ်စနစ်ထည့်ဖို့ပါပဲ။ ကျန်တော်တို့ မီးလောင်ရင် မီးသတ်ဖို့ကို ဒီမှာ ဘာမှမရှိဘူး။ ရေကန်ကြီးရှိတာပဲ ရေစုပ်ဖို့မရှိဘူးလေ၊ ပုံမှန်အားဖြင့် မီးလောင်ရင် မီးကဖြတ်လိုက်တော့တာမလား။ မော်တာတွေ အလုပ်မလုပ်တော့ဘူးလေ။ အဲ့စနစ်တစ်ခုလိုတာပေါ့။ အဲ့လိုလုပ်မှ။ မလုပ်ရင်မရဘူး။ ကျွန်တော်တို့ဆိုင်တွေက နေရာလေးတွေကျဉ်းကျဉ်းလေးတွေ။ ကျဉ်းတော့ ဖြစ်ညှစ်ပြီးထားထားရတော့ ပိုဆိုးတာပေါ့။ နောက်တစ်ခါဖြစ်ရင် နောက်တစ်ခါ အဲ့လိုဖြစ်အုန်းမှာပဲ

လို့ ဦးမြင့်စိုးဦးက ပြောပါတယ်။ 

    မျိုးစေ့၊ အပင်နှင့် စိုက်ပျိုးရေးသုံးပံ့ပိုးပစ္စည်းအရောင်းဆိုင်ပေါင်း ၇၀ လောက်ရှိတဲ့ မြေပဒေသာကျွန်းမှာ ဇန်နဝါရီလ ၁၄ ရက်နေ့က လောင်ကျွမ်းခဲ့တဲ့မီးကြောင့် ဆိုင်ခန်းပေါင်း ၇ ခန်းမီးလောင်ကျွမ်းခဲ့ရပြီး ဒီလိုဖြစ်ပွားမှုတွေ နောက်ထပ်မဖြစ်ဖို့ စိုက်ပျိုးရေးဦးစီးဌာနအနေနဲ့ အရောင်းဆိုင်တွေအပေါ်မှာ စည်းကမ်းသတ်မှတ်ချက်တွေ အသစ်ထပ်မံထုတ်ပြန်သွားဖို့ရှိတယ်လို့ ရန်ကုန်တိုင်းဒေသကြီး၊ စိုက်ပျိုးရေးဦးစီးဌာနမှ ဒုတိယ တိုင်းဦးစီးမှူး ဦးဇော်လင်းက Green Way ကိုပြောပါတယ်။ 

တို့ကတော့ ဒီအပေါ်မှာ စည်းကမ်းတွေဘာတွေ ပြန်လုပ်သွားမယ်။ ဆိုင်တွေကို BOT စနစ်နဲ့ ငှားထားတာဖြစ်ပါတယ်။ သူတို့ ပုံမှန်သန့်ရှင်းရေးလုပ်ဖို့ဒါတွေ အကုန် စာတွေ ထုတ်ပေးထားပါတယ်

လို့ ဦးဇော်လင်းကပြောပါတယ်။

    မီးလောင်ကျွမ်းခဲ့တဲ့ညက ရွှေအိုးကမ္ဘာ ပန်းအိုးနဲ့ ပျိုးပင်အရောင်းဆိုင်မှာ ဖုန်းပါဝါဘဏ့်အားသွင်းရာကနေ ဝါယာရှော့ခ်ဖြစ်ပြီး မီးစတင်လောင်ကျွမ်းခဲ့တဲ့အတွက် ဆိုင်ပိုင်ရှင်ကို အရေးယူထားပြီး မီးအာမခံထားတာတွေ မရှိဘူးလို့ ပိုင်ရှင် ဒေါ်လှလှရီက Green Way ကိုပြောပါတယ်။

မီးသတ်တွေလာလို့လည်း ဒီလောက်နဲ့ပြီးသွားတာ။ နို့မို့ဆိုရင် အများကြီးလောင်မှာ လေ။ ဆုံးရှုံးတာကတော့ ဆိုင်ကပြန်ပြင်ဆောက်ရမယ်။ ရှိတဲ့ပစ္စည်းတွေက မရတော့ဘူး။ အန်တီကအဓိက ပန်းအိုးရောင်းတာ၊ ကော်အိုးတွေကများတော့ ကော်အိုးတွေ အကုန်ဆုံးရှုံးတာ၊ အကုန်ပျော်ဆင်းသွားတာ။ ဒီမှာကတော့ ဘယ်သူမှ မီးအာမခံမထားကြဘူး

လို့ ပြောပါတယ်။ 

    မီးလောင်ကျွမ်းမှုကို မီးသတ်ဦးစီးဌာနက Level 1 အဆင့်သတ်မှတ်ထားပြီး လောင် ကျွမ်းချိန် စုစုပေါင်း ၃၅ မိနစ် ကြာမြင့်ခဲ့ပါတယ်။ မီးလောင်မှုကြောင့် ဆုံးရှုံးမှုတန်ဖိုး အနေနဲ့  ကျပ်သိန်း ၂၀၀ ခန့်ရှိတယ်လို့ ဗဟန်းမြို့နယ်မီးသတ်ဦးစီးဌာနမှ ဒုခွဲမှူး ဦးစိုးညွှန့်က Green Way ကိုပြောပါတယ်။

ကျွန်တော်တို့တွေ့ရှိရတာတော့ ဝါယာရှော့ခ်လို့ကြားတယ်လေ။ ကျွန်တော်တို့လာတဲ့အချိန်မှာတော့ မီးက တော်တော်လေးတော့ များနေတာပေါ့လေ။ ပျိုးပင်တွေကတော့ တော်တော်လေးကုန်သွားပါတယ်။ တန်ဖိုးကတော့ မပါဘူးဆိုရင်တောင်မှ ကျပ် သိန်း၂၀၀ ဝန်းကျင်လောက်ရှိပါတယ်

လို့ ဦးစိုးညွှန်းက ပြောပါတယ်။ 

    မြေပဒေသာကျွန်းကို ယခင်က မြင်းစီးကျွန်းလို့ခေါ်တွင်ခဲ့ပြီး ၁၉၆၃ ခုနှစ်မှာ အများပြည်သူတွေ စားပင်သီးပင်၊ ဟင်းသီးဟင်းရွက်မျိုးစုံကို ကြည့်ရှုလေ့လာပြီး ဗဟုသုတရစေဖို့နဲ့ စိုက်ပျိုးရေးလုပ်ငန်းကို ဝါသနာပါလာကြဖို့ရည်ရွယ်ပြီး စိုက်ပျိုးရေးပညာပေးပြကွင်းကြီးအဖြစ် စတင်ဖွင့်လှစ်ခဲ့ပါတယ်။ အဲ့ဒီခုနှစ် မတ်လမှာပဲ ပထမအကြိမ်သစ်သီးဝလံ ပြပွဲကြီးကို စတင်ကျင်းပခဲ့တာဖြစ်ပါတယ်။ အခုအခါမှာတော့ မြေပဒေသာကျွန်းကို စိုက်ပျိုးရေးဦးစီးဌာန၊ ဥယျာဉ်ခြံ ဟင်းသီးဟင်းရွက်နှင့် အပင်ဇီဝနည်းပညာဌာနခွဲက ဦးစီးကွပ်ကဲလျှက်ရှိပြီး စိုက်ပျိုးအသိပညာပေးလုပ်ငန်းတွေကို ဆောင်ရွက်လျှက်ရှိပါတယ်။ 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်