လိမ္မော်သီးဈေးကွက် ဈေးကွက်မပြတ်လည်ပတ်လျက်ရှိနေ

သစ်သီးဝလံများအနက် ရက်အသင့်အတင့်အထားခံသည့် လိမ္မော်သီးဈေးကွက်မှာ ဈေးနှုန်းကျဆင်းခြင်းမျိုးမရှိဘဲ ပုံမှန်အတိုင်း လည်ပတ်လျက်ရှိနေကြောင်း ကိုယ်တိုင်စိုက်ပျိုးသူများက ပြောသည်။

ခူးသီးရှိတဲ့အချိန်ဆိုရင် ခြံမှာတင်ပဲ အသီးကကုန်တာ။ အခုချိန် အသီးထွက်တဲ့ခြံတွေလည်း အရင်ကထက် ဈေးပိုရနေကြပါတယ်။ လိမ္မော်သီးက တခြားအသီးထက်စာရင် ရက်နည်းနည်း ပိုအထားခံတာကြောင့် ဒီနေ့ရောင်းမရ နောက်နေ့ထား၊ နောက်နေ့ရောင်းမရ နောက်နေ့ထားလို့ရတယ်လေ။ တချို့သစ်သီးတွေကျတော့လည်း ရက်လွန်လို့ကို မရဘူးလေ။ လိမ္မော်သီးကတော့ အခွံလေးပါးပြီး ခြောက်လာတာပဲရှိမယ်။ အထဲထဲက အသီးက တအားမပျက်စီးသွားဘူးလေ။

ဟု ဧရာဝတီတိုင်းဒေသကြီး၊ ဟင်္သာတမြို့နယ်မှ စီးပွားဖြစ်လိမ္မော်ပင်စိုက်ပျိုးသူ ဦးဖိုးတာက ပြောသည်။

လိမ္မော်သီးပင်များသည် ဒေသတစ်ခုနှင့်တစ်ခု စိုက်ပျိုးချိန်နှင့် ရာသီဥတုအနေအထား၊ ရေမြေအနေအထားတို့အပေါ်မူတည်၍ အသီးသီးချိန်ကွဲပြားလေ့ရှိပြီး၊ အများအားဖြင့် မတ်လ၊ ဧပြီလပိုင်းတို့၌ စတင်အသီးသီးပြီး၊ အောက်တိုဘာလပိုင်းတွင် ပေါများစွာ အသီးခူးဆွတ်နိုင်ပြီဖြစ်ကြောင်း ဧရာဝတီတိုင်းဒေသကြီးရှိ လိမ္မော်ခြံများမှ သိရသည်။

အခုလပိုင်းတွေမှာ မျိုးကိုင်းဖြတ်ထားတာမို့ အပင်တွေက ခပ်ပုပုတွေဖြစ်နေတယ်။ အပင်ကြီးချိန်တွေမှာဆို အပင်တစ်ပင်ကို အချိန်နှစ်ဆယ်၊ အစိတ်၊ အချိန်သုံးဆယ်လောက်ကို လိမ္မော်သီးပင်တွေက အသီးထွက်နှုန်းကောင်းတယ်။ ဒီနှစ်က ပိုးမွှားရောဂါကျရောက်မှုလည်း မများပါဘူး။ အပင်တွေမှာ အခွံတွေမှာတော့ မှိုတော့ နည်းနည်းထူလာတဲ့သဘောရှိတယ်။

ဟု ၎င်းက ဆက်လက်ပြောသည်။

လတို ရက်တို စိုက်ပျိုးထုတ်လုပ်ရသည့် ဟင်းသီးဟင်းရွက်နှင့် တချို့သီးနှံပင်များ ဈေးကွက်ထိခိုက်မှုများ ကြုံတွေ့ရသော်လည်း နှစ်ရှည်သီးနှံအမျိုးအစားဖြစ်သည့် လိမ္မော်ပင်စိုက်ပျိုးသူများတွင် ထိခိုက်မှု ကြီးကြီးမားမားကြုံတွေ့ရခြင်းမရှိဘဲ ဈေးကွက်လည်ပတ်နေကြောင်း သိရသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ