ပိုးသတ်ဆေးများ အလွန်အကျွံသုံးစွဲခြင်းကြောင့် အပင်ဖျက်ပိုးကျရောက်မှု ပိုများလာနိုင်

    စိုက်ပျိုးရေးလုပ်ကိုင်ရာတွင် ပိုးသတ်ဆေးများကို မလိုအပ်ဘဲ အလွန်အကျွံသုံးစွဲခြင်းကြောင့် အပင်ဖျက်ပိုးကျရောက်မှု ပိုမိုများပြားလာနိုင်ကြောင်း စိုက်ပျိုးရေးဦးစီးဌာနမှ သိရသည်။

ပိုးသတ်ဆေးအများကြီးဖျန်းတဲ့အတွက်ကြောင့် ဖျက်ပိုးတွေ ပိုပြီးတောင်ကျလာနိုင်ပါတယ်။ ပိုးသတ်ဆေးဆိုတာက အမှန်တကယ်လိုအပ်မှ စနစ်တကျ အညွှန်းပါအတိုင်း ဖျန်းပေးသင့်တာပါ။ ဖျန်းရမယ့်အဆင့်မရောက်သေးခင် ကြိုဖျန်းကြတဲ့အတွက် စိုက်ခင်းတွေထဲ ပိုးကျရောက်မှုတွေ များလာတတ်တယ်။ ကြိုတင်ကာကွယ် ပိုးနှင်တဲ့အနေနဲ့ ဆေးဖျန်းချင်တယ်ဆိုရင် ဓာတုပိုးသတ်ဆေးတွေကို မဖျန်းသင့်ဘဲ ဂျင်း၊ ကြက်သွန်ဖြူ၊ တမာရွက်၊ ငရုတ်သီး၊ ဆေးရွက်ကြီး စတာတွေနဲ့ ဖော်စပ်ပြုလုပ်တဲ့ သဘာဝပိုးနှင်ဆေးတွေကိုသာ သုံးစွဲပေးသင့်ပါတယ်။

ဟု စစ်ကိုင်းတိုင်း၊ ဝက်လက်မြို့နယ်၊ စိုက်ပျိုးရေးဦးစီးဌာနမှ ဦးစီးမှူး ဦးလှမိုးကျော်က ပြောသည်။

    ဖျက်ပိုးများကာကွယ်နှိမ်နင်းရန်အတွက် ပိုးသတ်ဆေးအလွန်အကျွံသုံးစွဲခြင်းသည် ဖျက်ပိုးများသာမကဘဲ မြေဆီလွှာကိုအကျိုးပြုစေသည့် အဏုဇီဝပိုးမွှားများ၊ မိတ်ဆွေပိုးကောင်လေးများကိုပါ သေကြေပျက်စီးသွားစေနိုင်ခြင်း၊ သဘာဝပတ်ဝန်းကျင်နှင့် ဂေဟစနစ်ကို ထိခိုက်ပျက်စီးစေခြင်း၊ ပိုးသတ်ဆေးများ ထိတွေ့ကိုင်တွယ်ရသည့်အတွက် တောင်သူများ၏ ကျန်းမာရေးထိခိုက်နိုင်ခြင်း၊ ပိုးသတ်ဆေးများ ဝယ်ယူသုံးစွဲရသည့်အတွက် တစ်ဧကစိုက်ပျိုးကုန်ကျစရိတ်များ မြင့်တက်သွားခြင်း၊ နောက်ဆုံးတွင် ဖျက်ပိုးများ ဆေးယဉ်ပါးလာကာ ဆေးမတိုးတော့ခြင်း စသည့် ဘေးထွက်ဆိုးကျိုးများစွာကို ဖြစ်ပေါ်စေနိုင်ကြောင်း သိရသည်။

သဘာဝပိုးသတ်ဆေးတွေက တောင်သူကိုယ်တိုင် ဖော်စပ်လို့ရတယ်။ Home-made ပိုးနှင်ဆေးလို့လည်း ခေါ်တာပေါ့။ ဒီလို သဘာဝဆေးတွေကိုသုံးစွဲမယ်ဆိုရင် နံပါတ်တစ် စိုက်ပျိုးကုန်ကျစရိတ် သက်သာမယ်။ နံပါတ်နှစ် အကျိုးပြုပိုးမွှားတွေကို မပျက်စီးစေတော့ဘူး။ နံပါတ်သုံးက လူ့ကျန်းမာရေးနဲ့ သဘာဝပတ်ဝန်းကျင်ကို မထိခိုက်စေဘူး။ ပိုးသတ်ဆေးဖျန်းတယ်ဆိုတာ စိုက်ခင်းထဲက ပိုးသေဖို့တစ်ခုတည်းမဟုတ်ဘူး၊ ဖျန်းတဲ့လူမှာလည်း အန္တရာယ်ရှိတတ်တာကြောင့်ပါ။

ဟု ဦးလှမိုးကျော်က ဆက်လက်ရှင်းပြသည်။

    အဆိုပါ သဘာဝပိုးနှင်ဆေးဖျော်ရည်များကို ကိုယ်တိုင်ဖော်စပ် အသုံးပြုလိုသည့် တောင်သူများအနေဖြင့် မိမိတို့နေထိုင်ရာ သက်ဆိုင်ရာ စိုက်ပျိုးရေးဦးစီးဌာနများထံသို့ အကူအညီတောင်းခံနိုင်ပြီး စိုက်ပျိုးရေးဦးစီးဌာနရှိ ပညာရှင်/ဝန်ထမ်းများမှ နည်းစနစ်များပေးခြင်း၊ လက်တွေ့သင်ကြားပြသပေးခြင်းများကို ဆောင်ရွက်ပေးသွားမည်ဖြစ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်