ငရုတ်ကောင်း အဆစ်ပိုင်း ကိုင်းဖြတ်မျိုးပွားနည်း

(၁) တစ်ဆစ်ပိုင်း ကိုင်းဖြတ်မျိုးပွားနည်း (Single node Cutting or leaf Cutting)

ယင်းကိုင်းဖြတ်မျိုးပွားနည်းတွင် အဆစ် တစ်ဆစ်၊ အရွက်တစ်ရွက်၊ ရွက်ညှာတံနှင့် အဖူးတစ်ဖူးသာပါရှိသည့် အရှည်(၂)လက်မအရွယ် ကိုင်းဖြတ်များကို အသုံးပြုပါသည်။ အမြစ်ထွက်မှုကို အားပေးသော ဟော်မုန်းများကို အသုံးပြုပါက (၂၁) ရက်အတွင်း ကိုင်းဖြတ် (၇၅) ရာခိုင်နှုန်း အစို့ထွက်ကာ အမြစ်များလည်း ကောင်းစွာထွက်စေပါသည်။ ယင်းအစို့ထွက်ပြီး ကိုင်းဖြတ်များကို ပလက်စတစ်အိတ်များဖြင့် ပြောင်းရွှေ့စိုက်ပျိုး ထိန်းသိမ်းထားရှိရပါသည်။ (၃) လခန့်ကြာသော် စိုက်ခင်းအတွင်း ပြောင်းရွှေ့စိုက်ပျိုးနိုင်သည့် အဆင့်သို့ ရောက်ရှိလာမည်ဖြစ်ပါသည်။

(၂) နှစ်ဆစ်ပိုင်း ကိုင်းဖြတ်မျိုးပွားနည်း (Tow node Cutting)

ဤနည်းဖြင့်မျိုးကိုင်းများကို အဆစ် (၂) ဆစ်စီပါအောင် ဖြတ်ယူရပါသည်။ အရင်းပိုင်းအဆစ်မှအရွက်ကို ရွက်ညှာရင်းမှ ဖြတ်ပေးပြီး ကျန်အဆစ်မှအရွက်ကို အရွက်ကြီးမားပါက ထက်ဝက်ခန့်အထိ အလျားလိုက် စောင်းဖြတ်ကာ ရေငွေ့ပျံမှုသက်သာစေရန် ပြုလုပ်ပေးထားရပါမည်။ ကိုင်းဖြတ်များကို (၄၅) ဒီဂရီခန့်စောင်းပြီး တစ်ကိုင်းနှင့်တစ်ကိုင်း (၆) လက်မခန့် ခြားကာ အဖျားပိုင်း အဆစ်ရှိရွက်ရင်းထိ မြေမြှုပ်ပျိုးထောင်ရပါသည်။

(၃) အဆစ်ခုနှစ်ဆစ်ပါ ကိုင်းဖြတ်မျိုးပွားနည်း (Seven node Cutting)

ဤနည်းတွင် အရွက် (၁၀) ရွက်ထက် ပိုမိုထွက်ရှိနေသော ထိပ်ပိုင်းကိုင်းများကိုသာ ဖြတ်ယူအသုံးပြု မျိုးပွားပါသည်။ ပြုလုပ်နည်းမှာ ထိပ်ညွှန့် (၃) ရွက်ကို ဖြတ်တောက်ပေးရပါသည်။ ကျန်ရှိသောကိုင်း၏ ထိပ်ပိုင်း (၃) ရွက်ကိုချန်လျက် အောက်ဘက်ရှိ (၄) ဆစ်မှ အရွက်များကို ဖယ်ရှားပေးရပါသည်။ (၁၀) ရက်ခန့်ကြာသောအခါ ယင်းကိုင်းမျိုးများကို အရွက်များဖယ်ရှားထားသည့် အောက်ဆုံးအဆစ်၏အောက်မှ ဖြတ်တောက်၍ အရွက်ဖယ်ရှားထားသော အဆစ်(၄) ဆစ် မြှုပ်သည်အထိ မြေမြှုပ်မျိုးပွားရပါသည်။ ပျိုးခင်းမြေမှာ မြေကျက်ဖုတ်ထားသည့် သစ်ရွက်ဆွေးမြေများသော သဲမြေနုဖြစ်ရပါမည်။ မျိုးကိုင်းရှိ အရွက်များ နေရောင်ခြည်တိုက်ရိုက်မထိတွေ့စေရန် ပလတ်စတစ်ဖြင့် သင့်လျော်သော အမိုးပြုလုပ်ပေးရပါမည်။ ပျိုးခင်းမြေတွင်လည်းကောင်း၊ မျိုးကိုင်းပတ်ဝန်းကျင် လေထုတွင်လည်းကောင်း စိုထိုင်းဆ အမြင့်ဆုံးရှိနေစေရန် ထိန်သိမ်းပေးရပါမည်။ အမြစ်ထွက်စေရန် ပျိုးထောင်မှုမရှိဘဲ မျိုးကိုင်းများကို တိုက်ရိုက်စိုက်ပျိုးပါက အောင်မြင်မှုနည်းပါးစေပါသည်။

စိုက်ပျိုးရေးဦးစီးဌာန

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...