ဖိလစ်ပိုင်နိုင်ငံက ၂၀၂၆ ခုနှစ် ဇန်နဝါရီလအတွင်း ပြည်ပမှ ဆန်တန်ချိန် ၃ သိန်း ၀ယ်ယူရန်စီစဉ်နေ

မြန်မာအပါအ၀င် အဆီယံအဖွဲ့၀င်နိုင်ငံများမှ ဆန်၀ယ်ယူနေသော ဖိလစ်ပိုင်နိုင်ငံက ၂၀၂၆ ခုနှစ် ဇန်နဝါရီတစ်လအတွင်း ဆန်တန်ချိန် ၃သိန်း ပြည်ပမှ၀ယ်ယူရန် စီစဉ်နေသည်။

ပြည်တွင်းဆန်လက်ကျန်များနေသဖြင့် စက်တင်ဘာလမှ စတင်ပြီး ပြည်ပမှဆန်အ၀ယ် ရပ်နားခဲ့သည့် ဖိလစ်ပိုင်က ၂၀၂၆ ဇန်နဝါရီတစ်လအတွင်း ပြည်ပမှဆန်ဆင်သွင်းမှုကို ယာယီပြန်လည်ဖွင့်လှစ်ခြင်းဖြစ်ကြောင်း ထိုင်းနိုင်ငံမှ သတင်းမီဒီယာအချို့တွင်ဖော်ပြထားသည်။ပြည်တွင်းဆန် ဈေးနှုန်းကာကွယ်ရန်အတွက် ဖိလစ်ပိုင်စိုက်ပျိုးရေးဌာနက ဖေဖော်ဝါရီမှ ဧပြီလအတွင်း ဆန်တင်သွင်းမှုကို ရပ်တန့်မည်ဟုလည်းဖော်ပြထားပြန်သည်။

ဖိလစ်ပိုင်၊ အင်ဒိုနီးရှားနိုင်ငံတို့သည် နှစ်စဉ် မြန်မာအပါအ၀င် အခြားသော ဆန်တင်ပို့သည့် နိုင်ငံများမှ ဆန်တန်ချိန် သိန်းချီ၍ တင်သွင်းနေရသော နိုင်ငံများဖြစ်သည်။

မြန်မာနိုင်ငံ၏ ယခုဘဏ္ဍာနှစ်( ၂၀၂၅-၂၆) ပထမ ၆ လဖြစ်သော ဧပြီ မှ စက်တင်ဘာအထိ ပြည်ပသို့ဆန်ရောင်းချရာတွင် ဖိလစ်ပိုင်နိုင်ငံကဒုတိယ အများဆုံး၀ယ်ယူသောနိုင်ငံအဖြစ် ဆန်တန်ချိန် ၁၀၀,၀၀၀ ကျော် ၀ယ်ယူထားသည်။

မြန်မာနိုင်ငံသည် နှစ်စဉ်ပြည်ပသို့ ဆန်တန်ချိန် နှစ်သန်းကျော်၊ သုံးသန်းခန့် တင်ပို့နေပြီး ယခုဘဏ္ဍာနှစ် ပထမ ခြောက်လအတွင်း ဆန်နှင့်ဆန်ကွဲတန်ချိန် ၁၂ သိန်းကျော်တင်ပို့ထားသည်။

ပြည်ပဆန်တင်ပို့မှုက ပြီးခဲ့သည့် ဘဏ္ဍာနှစ် ကာလတူထက် တန်ချိန် နှစ်သိန်းကျော်ပိုများသော်လည်း နိုင်ငံတကာဈေးကွက်တွင် ဆန်ဈေးကျဆင်းမှုအကျိုးဆက်က ယခုနှစ်မိုးစပါးပေါ်ချိန်တွင် ပြည်တွင်းလယ် သမားများအပေါ်သက်ရောက်မှု ကြုံ‌တွေ့လာသည်။

"ဆန်ဈေးကလာမယ့်နှစ်မှာတော့ တက်လာနိုင်တယ်။ လောလောဆယ်မှာတော့ အပြောင်းအလဲသိပ်မမြင်ဘူး"ဟု ပြည်ပသို့ဆန်တင်ပို့နေသူတစ်ဦးကပြောသည်။

နိုင်ငံတကာဆန်ဈေးကျဆင်းမှု၏ အကျိုးဆက်အဖြစ် ပြည်တွင်းစပါးဈေးက ယခုနှစ်တွင် သိသာစွာကျဆင်းခဲ့သည်။ ယခုနှစ်ဆန်ဈေး၊ စပါးဈေးက ယခင်နှစ်နှင့် နှိုင်းယှဉ်လျှင် ၄၀ ရာခိုင်နှုန်းအထိ ကျဆင်း‌ကြောင်း မြန်မာနိုင်ငံ ဆန်စပါးအသင်းချုပ်၏ တောင်သူလယ်မားများအား အကြံပြုပန်ကြားချက်တွင်ဖော်ပြထားသည်။

လက်ရှိစပါးဈေးနှုန်းက နေရာဒသအလိုက်ဈေးနှုန်းကွဲပြားမှုများရှိနေပြီး အညာသား စပါးအဟောင်း တင်းတစ်ရာလျှင် ကျပ် ၁၇ သိန်းမှ ၁,၇၅၀,၀၀၀ အကြားနှင့် အညာသား အသစ်က ကျပ် ၁၅ သိန်း၀န်းကျင်၊ ဆင်းသုခ စပါးအဟောင်းက ကျပ် ၁၆ သိန်း၀န်းကျင်၊ ဆင်းသုခ အသစ်က ကျပ် ၁၃ သိန်းမှ ၁,၃၅၀,၀၀၀ ၀န်းကျင်စသည်ဖြင့် ဈေးဖွင့်နေကြသည်။

သို့သော် ယခုနှစ်ရိတ်သိမ်းထားသော မိုးစပါးမျိုးကွဲများမှာမူ လမ်းပန်းဆက်သွယ်ရေးအခြေ‌အနေ၊ စပါးရည်အသွေးနှင့် အခြားသောအခြေအနေများပေါ်မူတည်ပြီး စပါးတင်းတစ်ရာလျှင်ကျပ် ၁၀ သိန်းကျော်မှ ၁၁သိန်းကျော်အတွင်းဈေးဖွင့်ကြသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...