ပဲစဉ်းငုံအသစ်များ ဝယ်လက်များလာမှုကြောင့် ရက်ပိုင်းအတွင်း ဆက်တိုက်ဈေးမြင့်လာ

ဇန်နဝါရီလလယ်ပိုင်းတွင် စတင်ပေါ်ထွက်လာသည့် ပဲစဉ်းငုံအသစ်များ မန္တလေးဈေးကွက်သို့ အဖွင့်ဈေး ကျဆင်းစွာ ဝင်ရောက်လာသော်လည်း ဖေဖော်ဝါရီ ၁ ရက်တွင် ဝယ်လက်များလာမှုကြောင့် ဈေးပြန်မြင့်တက် လာကြောင်း မန္တလေးဈေးကွက်မှ သိရသည်။

အိန္တိယနိုင်ငံမှ အဝယ်ရပ်နားထားသဖြင့် ဈေးကျဆင်းနေသော ပဲစဉ်းငုံသည် ယခုနှစ်ထွက်ပေါ်ချိန်၌ သုံးတင်းဝင် တစ်အိတ်လျှင် ငွေကျပ် ၃၃၀၀၀ နှုန်းဖြင့် အဖွင့်ဈေးကျဆင်းကာ ဝင်ရောက်လာသော်လည်း ယခုဖေဖော်ဝါရီ ၁ ရက်တွင် ပါကစ္စတန်၊ ဘင်္ဂလားဒေ့ရှ် နှင့် နီပေါနိုင်ငံမှ ဝယ်ယူမှုကြောင့် ကျပ် ၃၇၀၀၀ နှုန်းအထိ ရောက်ရှိလာပြီး ဖေဖော်ဝါရီ ၃ ရက်တွင် ကျပ် ၄၀၀၀၀ ထိ မြင့်တက်လာကြောင်း မန္တလေးမြို့မှ ဦးစိုးဝင်းမြင့် (စိုးဝင်းမြင့်ပွဲရုံ) ကပြောသည်။

“အားလုံးစိတ်ဝင်စားနေတဲ့ ပဲစဉ်းငုံဈေးတက်ရတဲ့ အကြောင်းက မနှစ်က အရှုံးနဲ့ကြုံတွေ့ခဲ့ရတဲ့ လှောင်သမား တွေ အချင်းချင်း ဈေးညှိပြီးဝယ်ကြတယ်။ နောက်တစ်ချက်က အိန္ဒိယမှာလည်း မနှစ်ကလို အထွက်နှုန်း မကောင်းဘူးလို့ ကြားရတဲ့အတွက် ကြိုတင်ဝယ်ယူမှုနဲ့အတူ တခြားနိုင်ငံတွေကလည်း ဝယ်ယူမှုတွေ ရှိလာတော့ ဈေးတက်လာတာပါ။ ဒီအတိုင်းဆို အရှုံးပေါ်လို့ စိတ်ဓာတ်ကျပြီး ပဲစိတ်ကုန်လို့ အမည်ပြောင်းပေးထားတဲ့ ပဲစဉ်းငုံသီးနှံကတော့ တောင်သူနဲ့ကုန်သည်တွေအတွက် အဓိကအားထားရတဲ့ သီးနှံဖြစ်လာဖို့ မျှော်လင့်ချက် ရောင်ခြည် သန်းလာပြီလို့ ဆိုနိုင်ပါတယ်” ဟု ၎င်းကပြောသည်။

ပဲစဉ်းငုံသည် ရာသီဥတုဒဏ်ခံနိုင်ပြီး စိုက်ပျိုးရန်လွယ်ကူသည့် သီးနှံဖြစ်သည့်အပြင် ပိုးသတ်ဆေးနှင့် ဓာတ်မြေ ဩဇာ သုံးစွဲမှုစရိတ် သက်သာသောကြောင့် အိန္ဒိယမှ အဝယ်ရပ်နားထားသော်လည်း မြန်မာတောင်သူများ အနေ ဖြင့် စိုက်ပျိုးမှုကို လျှော့ချခြင်းမရှိကြောင်း သိရသည်။

Source - မင်းထက်အောင် (ကြေးမုံ သတင်းစာ)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ