အမွှေးအကြိုင်ပင် အမျိုးအစားများ

အပတ်စဉ် သောကြာနေ့တိုင်းမှာ ဟင်းခတ်အမွှေးအကြိုင်ပင်များရဲ့ သဘောတရားများနှင့် အိမ်မှာပဲစိုက်ပျိုးနိုင်တဲ့နည်းလမ်းတွေကို လေ့လာနိုင်သွားပြီဆိုတော့ မိမိစိုက်ပျိုးလိုတဲ့ သီးနှံမျိုးတစ်မျိုးခြင်းစီရဲ့ အမျိုးအစားကိုလည်းသိထားမှသာ မည်မျှစိုက်ပျိုးမယ်၊ မည်မျှအသုံးပြုမယ်ကို ခန့်မှန်းထားနိုင်မှာလဲဖြစ်ပါတယ်။

ဒါ့ကြောင့် အမွှေးအကြိုင်ပင် အမျိုးအစားများအကြောင်းကို ဖော်ပြလိုက်ပါတယ်။

နှစ်ချင်းနှင့် နှစ်နှစ်ခံသီးနှံ

နှစ်ချင်းစားသီးနှံပင်သည် အပင်ဖြစ်ထွန်းချိန် တစ်ရာသီတည်းတွင် အစေ့မှ အညှောင့်ပေါက်သည်။ အပင်ဖြစ်ထွန်းသည်။ ပန်းပွင့်ပြီး မျိုးပွားသည်။ နောက်ဆုံးတွင် သေသည်။ နှစ်နှစ်ခံသီးနှံသည် ပထမရာသီတွင် အစေ့မှအညှောင့်ပေါက်သည်။ အပင်ဖြစ်ထွန်းသည်။ ဆောင်းရာသီတွင် မြုံနေပြီး နောက်နှစ်အပင်ဖြစ်ထွန်းချိန်ရာသီတွင် ပန်းပွင့်ပြီး မျိုးပွားသည်။ နောက်ဆုံး သေသွားသည်။ ပင်စိမ်းပင်(Basil) သည် နှစ်ချင်းသီးနှံဖြစ်ပြီး၊ တရုတ်နံနံ (Parsley) သည် နှစ်နှစ်ခံသီးနှံဖြစ်သည်။

နှစ်ရှည်သီးနှံ

နှစ်ရှည်ပင်များသည် ဆောင်းရာသီတွင် မြေပေါ်ပိုင်းသေလေ့ရှိပြီး၊ နွေဦးပေါက်တွင် မြေပေါ်ပိုင်း အပင်သစ် ပြန်လည်ဖြစ်ထွန်းလေ့ရှိသည်။ အများအားဖြင့် ပန်းပွင့်ပြီး သေလေ့ရှိသော ပင်စည်ရိုးပျော့ပင်မျိုးဖြစ်သည်။ တစ်ချို့မျိုးကမူ သစ်ပင်ကဲ့သို့ သစ်မာပင်စည်ရှိသည်။ ကလျာဏီပင်မျိုး (sage) သည် နှစ်ရှည်ပင်မျိုးဖြစ်သည်။

ချုံပုတ်ပင်

ချုံပုတ်ပင်သည် သစ်မာပင်စည်ရှိပြီး သစ်ပင်ကြီးမျိုးထက် အပင်ငယ်သည်။ ပင်စည်များစွာထွက်ပြီး အကိုင်းများသည် အပင်ခြေရင်းမှ စတင်ထွက်ကြသည်။ ရို့စ်မေရီ (Rosemary) နှင့် လာဗင်ဒါ (Lavender) ပင်တို့သည် ထင်ရှားသော ချုံပုတ်ပင်မျိုးတို့ဖြစ်ကြသည်။

သစ်ပင်

အသားမာသောအပင်များဖြစ်သည်။ ယေဘုယျအားဖြင့် ပင်စည်တစ်ခုတည်းသာရှိသည်။ သို့ရာတွင် တစ်ခါတစ်ရံတွင် ပင်စည် ၂-၃ ခုရှိနိုင်သည်။ အကိုင်းများသည် ပင်စည်ပေါ်၌ မြေကြီးနှင့်ကွာပြီး ထွက်ကြသည်။ ဆွိ(တ်)ဘေး (Laurusnobilis) သည် သစ်ပင်ဖြစ်ပြီး ၎င်း၏အရွက်ကို ဟင်းခတ်အမွှေးအကြိုင်အဖြစ် သုံးကြသည်။

ဒေါက်တာချစ်ရဲ၏ စားဖို့ စိုက်စို့ ဈေးကွက်တိုးချဲ့ဗျို့ အတွဲ (၂) စာအုပ်မှ ကောက်နုတ်ဖော်ပြပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

အမွှေးအကြိုင်ပင် အမျိုးအစားများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

အမွှေးအကြိုင်ပင် အမျိုးအစားများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စပါးစိုက်ပျိုးနည်း (တောင်သူလက်စွဲ- ဦးဘဟိန်း) (၃) - ပျိုးထောင်ခြင်း

စံပယ်ပန်းစိုက်ပျိုးနည်း

Cattleya orchid စိုက်ပျိုး ပြုစုနည်း

{{ post.title }}