ဒေါ်နန်းထက်ထက်ချစ်မကွေးတိုင်းရှိ အာလူးစိုက်ပျိုးသူများ အာလူးများရောင်းချရာတွင် ခေတ်မီစွာ အွန်လိုင်းစနစ်ဖြင့် တင်ပို့ရောင်းချလာကြကြောင်း သိရသည်။
ကျွန်တော်က အာလူးကို ဧက ၂၀ ကျော်လောက် စိုက်ပျိုးထားပါတယ်။ ကျွန်တော်တို့ဆီမှာက အာလူးကို အိမ်တင် အထိုင်ရောင်းနေတာပါ။ ပွဲရုံကိုသွားပို့တာမျိုး မဟုတ်ပါဘူး။ အွန်လိုင်းပေါ်ကပဲ ရောင်းပေးပါတယ်။ ဖုန်းနဲ့ပဲ ချိတ်ဆက်ရောင်းချနေတာပါ။ ဝယ်လက်ဘက်က အာလူးလိုချင်တယ်ဆိုရင် ကျွန်တော်တို့က ဘယ်ဈေးဘယ်ဈေးပြောတယ်၊ ကတ်တားပေါ်တင် ချိန်ပြပေးတယ်၊ ဝယ်ယူတဲ့အာလူးကို ကားပေါ်တင်ပို့ပေးလိုက်တယ်။ တင်ပို့ရောင်းချတဲ့အခက်အခဲတော့ သိပ်မရှိပါဘူး။
ဟု မကွေးတိုင်း၊ မင်းဘူးခရိုင်၊ ဆင်ဖြူကျွန်းမြို့၊ စလင်းမြို့နယ်၊ မြောက်ရှားတောကျေးရွာမှ အာလူးစီးပွားဖြစ်စိုက်ပျိုးသူ ကိုနေမျိုး က ပြောသည်။
တူးဖော်ရရှိသည့် အာလူးများကို ရန်ကုန်မြို့၊ မန္တလေးမြို့များသို့လည်းကောင်း၊ ကျောက်ပန်းတောင်းရှိ အာလူးကြော်ဖိုများသို့လည်းကောင်း အများဆုံးတင်ပို့ရောင်းချနေကြောင်း သိရသည်။
အာလူးကြော်ဈေးကွက်ကတော့ ပျက်တယ်မရှိပါဘူး။ မပျက်ရောင်းနေရတာပါပဲ။ မျိုးဈေးကျတော့လည်း ကြော်အာလူးက ဈေးပိုပေးရတယ်။ ဈေးကွက်လည်း ခိုင်မာပါတယ်။ ချက်အာလူးနဲ့ ကြော်အာလူး စိုက်ပျိုးနည်းကတော့ သိပ်မကွာပါဘူး။ အတူတူပါပဲ။ တချို့ကတော့ ဒေသသီးတွေစိုက်တယ်။ တရုတ်မျိုးတွေဘာတွေလည်း စိုက်တယ်။ အာလူးစိုက်တဲ့အခါ အခက်အခဲကတော့ ဆောင်းတွင်းဘက် တူးဖော်ခါနီးဆို မှိုရောဂါတွေဘာတွေ ကျတတ်ပါတယ်။ ဈေးကွက်ကတော့ အာလူးများများပေါ်ချိန်ဆိုရင်တော့ ဈေးကျတတ်ပါတယ်။
ဟု ကိုနေမျိုးက ဆက်လက်ပြောသည်။
လက်ရှိတွင် အာလူးတစ်ပိဿာလျှင် (၈၀၀) ကျပ်မှ (၁,၀၀၀) ကျပ် ဈေးနှုန်းများဖြင့် ရောင်းဝယ်ဖောက်ကားနေကြသည်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။
မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။
ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။
စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။
ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။
အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။
ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။
သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။
ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။
Read more
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}