သံပုရာသီးဈေးကွက် ရေရှည်ခိုင်မာစေရန် တောင်သူများကိုယ်တိုင် ဈေးကွက်သစ်ရှာဖွေကာ တန်ဖိုးမြှင့်ထုတ်ကုန်များထုတ်လုပ်လာ

27/10/2020 12:30 PM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

    သံပုရာသီးဈေးကွက် ရေရှည်ခိုင်မာမှုရှိစေရန် တောင်သူများအနေဖြင့် ကိုယ်တိုင် ဈေးကွက်သစ်များရှာဖွေကာ တန်ဖိုးမြှင့်ထုတ်ကုန်များ ထုတ်လုပ်လာကြောင်း သိရသည်။

ခြံမှာ စိုက်ပျိုးထုတ်လုပ်ထားတဲ့ အော်ဂဲနစ်သံပုရာသီးတွေကို အစိမ်းဈေးကွက်အပြင်၊ အခုဆိုရင် Dried Lime (သံပုရာခြောက်) အဖြစ်နဲ့ Value added ပြုလုပ်၊ တန်ဖိုးမြှင့်ထုတ်လုပ်ပြီး ရန်ကုန်တိုင်းဒေသကြီးကို တင်ပို့နေပါပြီ။ အောက်တိုဘာလ ၂၂ ရက်မှာတော့ စတင်ဖြန့်ချိသွားမှာပါ။ သံပုရာခြောက်ကို အသေးစားစက်မှုမှာ ဓာတ်ခွဲစစ်ဆေးပြီးသလို၊ မှတ်ပုံလည်းတင်ထားပြီးပါပြီ။

ဟု နေပြည်တော်ရှိ ပြည့်ဝအော်ဂဲနစ်သံပုရာခြံမှ စီမံအုပ်ချုပ်သူ ကိုပြည့်ဝက ပြောသည်။ 

    နှစ်စဉ် မတ်လ၊ ဧပြီလတို့၌ သံပုရာသီးဈေးများ မြင့်တက်လာပြီး၊ ဧပြီလကျော်လာပြီးသည့်နောက် သံပုရာသီးဈေးပြန်ကျသွားတတ်သည်။ အသီးထွက်နှုန်းများသည့် ဇွန်လ၊ ဇူလိုင်လများတွင်မူ သံပုရာသီးဈေး အနိမ့်ဆုံးဖြစ်သွားတတ်သည်။ 

    ထိုကဲ့သို့ ခိုင်မာမှုမရှိသည့် ဈေးကွက်အနေအထားကို ထိန်းချုပ်နိုင်စေရန် တောင်သူများအနေဖြင့် သံပုရာသီးကို တန်ဖိုးမြှင့်ထုတ်ကုန်များအဖြစ် အရည်အသွေးမြှင့်တင် ထုတ်လုပ်လာကြခြင်းဖြစ်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။