ချင်း (ဂျင်း) စိုက်ရန် သင့်တော်သော ရေမြေရာသီဥတုနှင့် ဆောင်ရန်ရှောင်ရန်များ

23/11/2022 13:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား
  • ချင်း(ဂျင်း) ပင်သည် ပူနွေးစိုစွတ်သော အပူပိုင်း (သို့) သမပိုင်းရာသီဥတုကို နှစ်သက်ပြီး အလွန်နိမ့်သောအပူချိန်ကို ခံနိုင်ရည် မရှိပါ။ ချင်း(ဂျင်း) ပင်သည် နုန်းမြေ၊ ရွှံ့စေးမြေ၊ သဲဆန်သောမြေနှင့် မြေနီများကဲ့သို့သော မြေအမျိုးအစားများစွာတွင် ကောင်းစွာ ပေါက်ရောက်နိုင်သည်။
  • အပူပိုင်းဒေသများတွင် ပင်လယ်ရေမျက်နှာပြင်အထက် မီတာ ၁၅၀၀ အထိ စိုက်ပျိုးနိုင်ပြီး အသင့်တော်ဆုံးမှာ မီတာ ၃၀၀ မှ ၉၀၀ ကြား ဖြစ်သည်။
  •  အပင်ကောင်းစွာကြီးထွားဖွံ့ဖြိုးရန်အတွက် အခြေခံလိုအပ်သောအပူချိန်မှာ ၁၃ ဒီဂရီစင်တီဂရိတ်ဖြစ်ပြီး အသင့်တော်ဆုံးမှာ ၁၉ မှ ၂၈ ဒီဂရီစင်တီဂရိတ်  ဖြစ်သည်။ အပူချိန်အလွန်မြင့်မားပါက အပင်ကိုနေလောင်စေပြီး အပူချိန်နိမ့်ပါက အပင်ပေါက်နိုင် စွမ်းကို ငုပ်လျှိုးသွားစေနိုင်သည်။
  •  ချင်း(ဂျင်း) စိုက်ပျိုးရန် စိုထိုင်းဆ ၇၀ မှ ၉၀ ရာခိုင်နှုန်းရှိရန် လိုအပ်သည်။
  •  မြေချဥ်ငန်ဓာတ် ၅.၅ မှ ၈.၅ အတွင်းတွင် စိုက်ပျိုးနိုင်သည်။ ချင်း(ဂျင်း) တက်များ ကောင်းစွာဖွံ့ဖြိုးရန်အတွက် မြေချဥ်ငန်ဓာတ်  ၆ မှ ၆.၅ သည် အကောင်းဆုံးဖြစ်သည်။
  • ချင်း(ဂျင်း) သည် လေတိုက်ခြင်းနှင့် မိုးခေါင်ခြင်းတို့ကို ခံနိုင်ရည်ရှိပြီး ရေဝပ်ခြင်း၊ နှင်းရိုက်ခြင်း၊ ဆားပေါက်ခြင်းတို့ကို ခံနိုင်ရည် မရှိပါ။ ချင်း(ဂျင်း) အထွက်နှုန်းပိုကောင်းရန်အတွက် အရိပ်တစ်စိတ်တစ်ပိုင်းရရှိရန် လိုအပ်သည်။
  •  မရိတ်သိမ်းမီ တစ်လခန့်အလိုတွင် အပူချိန် ၂၈ မှ ၃၅ ဒီဂရီစင်တီဂရိတ်ရှိသည့် ခြောက်သွေ့သောရာသီဥတုရှိရန်လည်း လိုအပ် သည်။
  •  သို့ဖြစ်၍ ချင်း(ဂျင်း) စိုက်ပျိုးရန် သဲဆန်၍ပွသောနုန်းမြေ၊ ရေကောင်းစွာစုပ်ယူစီးဆင်းနိုင်ပြီး အစိုဓာတ် အမြဲထိန်းထားနိုင်သော မြေကို ရွေးချယ်ရမည်။
  •  ချင်း (ဂျင်း) စိုက်မည့်နေရာသည် စက်ရုံ၊ အလုပ်ရုံများ၊ မွေးမြူရေးခြံများအနီးတွင် မရှိသင့်ပါ။
  •  မိုးရာသီတွင် ရေမ၀ပ်အောင် စီမံသင့်သည်။ ရေဝပ်သော မြေဖြစ်ပါက စိုက်ဘောင်မြင့်မြင့်ဖော်ကာ စိုက်ပျိုးပေးရမည်။
  • စိုက်ပျိုးမည့်မြေသည် ယခင်ရာသီများတွင် ချင်း(ဂျင်း) ဆက်တိုက်စိုက်ပျိုးထားသော မြေမဖြစ်ရပါ။  အင်းဆက်ပိုးမွှားများ၊ ရောဂါများ (အထူးသဖြင့် ဥပုပ်ရောဂါနှင့် ဘက်တီးရီးယားပင်ညှိုးရောဂါများ)နှင့် ဓာတုဆေးဝါးများ ကင်းစင်သောမြေဖြစ်ရမည်။
  • အာလူး၊ ခရမ်းချဉ်၊ ငရုတ်၊ ခရမ်းနှင့် ဂေါ်ဖီထုပ် စသည့်သီးနှံများသည် ဘက်တီးရီးယားရောဂါ အလွန်ကူးစက်လွယ်သော ကြောင့် ထိုသီးနှံများစိုက်ပျိုးထားသည့်မြေပေါ်တွင် ချင်း(ဂျင်း)ကို ထပ်မံမစိုက်ပျိုးသင့်ပါ။ ထပ်မံစိုက်ပျိုးမည်ဆိုပါက မစိုက်မီ မြေကြီးကို နေပူပူတွင် ကောင်းစွာနေလှမ်းရမည်။
  • ချင်း(ဂျင်း) ပင်သည် အရိပ် ၃၀% ရရန်လိုအပ်သောကြောင့် သစ်တောသစ်ပင်များနှင့်လည်း တွဲဖက်စိုက်ပျိုးနိုင်သည်။  ချင်း(ဂျင်း) မစိုက်မီ အနည်းဆုံး ၃ နှစ်ခန့် မြေလှပ်ထားသင့်သည်။

(Myanseed Agri Business Consultancy မှ ထုတ်ဝေသည့် ' ချင်း (ဂျင်း) စိုက်ပျိုးထုတ်လုပ်မှု ဆိုင်ရာ နည်းလမ်းကောင်းများ' စာအုပ်မှ ကူးယူဖော်ပြခြင်းဖြစ်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်