ကော့မှူးနှင့် တွံတေးမြို့နယ်ရှိ မှိုစိုက်တောင်သူများအား စိုက်ပျိုးစရိတ်ချေးငွေ ပေးအပ်မည်

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏လမ်းညွှန်မှုဖြင့် ရန်ကုန်တိုင်းဒေသကြီး ကော့မှူးမြို့နယ်နှင့် တွံတေးမြို့နယ်တို့ရှိ မှိုစိုက်ပျိုးထုတ်လုပ်သည့် တောင်သူများအား စိုက်ပျိုးစရိတ်ချေးငွေနှင့် လိုအပ်သောကူညီမှုများ ပေးအပ်နိုင်ရန် ကြိုးပမ်းနေကြောင်း မြန်မာနိုင်ငံ စားသုံးမှို စိုက်ပျိုးထုတ်လုပ် တင်ပို့ရောင်းချသူများအစုအဖွဲ့မှ သိရသည်။

မှိုလုပ်ငန်းတိုးတက်ဖို့အတွက် ရင်းနှီးမြှုပ်နှံမယ့်ချေးငွေကို ဘယ်ကချေးလို့ချေးရမှန်း မသိခဲ့ကြဘူး။ စိုက်ဘဏ်နဲ့ SME ကလည်း မချေးပေးဘူး။ အသေးစားချေးငွေလျှောက်တော့လည်း ချမှတ်ထားတဲ့ စည်းမျဉ်းစည်းကမ်းတွေက တောင်သူတွေ၊ လုပ်ငန်းရှင်တွေနဲ့ လိုက်လျောညီထွေဖြစ်ဖို့ ခက်ခဲနေတယ်။ ဘာကြောင့်လဲဆိုတော့ မှိုမျိုးထုတ်လုပ်သူဆိုရင်လည်း မျိုးထုတ်တဲ့လိုင်စင်၊ မှိုကို စီးပွားဖြစ် စိုက်ပျိုးထုတ်လုပ်သူဆိုရင်လည်း စိုက်ပျိုးထုတ်လုပ်တဲ့လိုင်စင်တွေ ချမှတ်ထားတာမျိုး မရှိတဲ့အတွက် ဘဏ်ချေးငွေ၊ အသေးစား ချေးငွေတွေ ချေးလို့မရဘဲ နစ်နာနေကြတယ်။ ချေးငွေချပေးမယ့်အစီအစဉ် ဖြစ်ပေါ်လာတာကတော့ ၂၀၂၀ ခုနှစ်၊ ရွေးကောက်ပွဲကာလက နိုင်ငံတော်အတိုင်ပင်ခံပုဂ္ဂိုလ်ရဲ့အွန်လိုင်းဆွေးနွေးပွဲတစ်ခုမှာ မှိုစိုက်တောင်သူတစ်ယောက် ပါဝင်ဆွေးနွေးခဲ့ရာကနေ စတင်ခဲ့တယ်လို့ သိရပါတယ်။ ရွေးကောက်ပွဲပြီးတဲ့နောက် နိုင်ငံတော်အတိုင်ပင်ခံပုဂ္ဂိုလ်က သက်ဆိုင်ရာဝန်ကြီးဌာနက ဝန်ကြီး (၂) ဦးကို ကော့မှူးမြို့နယ်တစ်မြို့နယ်စာက မှိုစိုက်တောင်သူတွေအတွက် စတင်ကူညီပေးဖို့ လမ်းညွှန်ခဲ့ပါတယ်။

ဟု မြန်မာနိုင်ငံ စားသုံးမှိုစိုက်ပျိုးထုတ်လုပ်တင်ပို့ရောင်းချသူများအစုအဖွဲ့၏ ဗဟိုအလုပ်အမှုဆောင် ဦးသိန်းသန်းမောင်မောင်က ပြောသည်။

၂၀၂၀ခုနှစ်၊ နိုဝင်ဘာလ (၂၁) ရက်က သက်ဆိုင်ရာဝန်ကြီးဌာနများ၊ အသင်းအဖွဲ့များ၊ မှိုစိုက်တောင်သူများ၊ မှိုမျိုးထုတ်လုပ်သူများ၊ မှိုအဝယ်ဒိုင်များတွေ့ဆုံခဲ့ပြီး မှိုမျိုးကောင်းမျိုးသန့်ရရှိရေး၊ စိုက်ပျိုးစနစ် မှန်ကန်တိကျရေး၊ ဈေးကွက်၊ သွင်းအားစုကုန်ကြမ်းများ စဉ်ဆက်မပြတ်ရရှိရေးနှင့် ချေးငွေ စသည့် ခေါင်းစဉ် (၅) ခုကို ဆွေးနွေးခဲ့ကြောင်း သိရသည်။

မှိုမျိုးထုတ်လုပ်ပြီး အရောင်းအဝယ်လုပ်နေသည့် မှိုဒိုင်ကြီး (၄) ဒိုင်၊ ကော့မှူးမြို့နယ်ရှိ မှိုအများဆုံးစိုက်ပျိုးနေသည့် ကျေးရွာ (၁၃) ရွာမှ မှိုစိုက်တောင်သူ (၃၀၀) ကျော်၊ နိုင်ငံတကာအဆင့်မီ စက်မှုစနစ်ဖြင့် ကောက်ရိုးမှို စိုက်ပျိုးထုတ်လုပ်နေသည့် “အမေ့ဥယျာဉ်” မှိုခြံနှင့် ကြွက်နားရွက်မှို အဓိကစိုက်ပျိုးနေသည့် တွံတေးမြို့နယ် တွံတေးဝဒေသတို့ကို ချေးငွေရရှိစေရန် စီစဉ်နေကြောင်း သိရသည်။

မူလစိုက်ပျိုးနေတဲ့ အခြေအနေကနေ ထပ်မံတိုးချဲ့စိုက်ပျိုးလိုသူတွေအတွက် လိုအပ်တဲ့အရင်းအနှီးကို ချေးယူလိုတယ်ဆိုရင် ချေးယူပိုင်ခွင့်တွေ ရရှိမှာဖြစ်ပါတယ်။ ချေးငွေလျှောက်ထားမယ့် မှိုစိုက်တောင်သူဟာ အမှန်တကယ် မှိုစိုက်ပျိုးနေတယ်ဆိုတဲ့အကြောင်း ရပ်ကွက်/ကျေးရွာ အုပ်ချုပ်ရေးမှူးဆီက ထောက်ခံချက်၊ မြို့နယ်စိုက်ပျိုးရေးဦးစီးဌာန ထောက်ခံချက်တွေ လိုအပ်ပါမယ်။ ကျေးရွာ (၁၃) ရွာလို့ ပါပေမယ့် ကျေးရွာ (၁၃) ရွာမှာရှိတဲ့ လူတိုင်းအားလုံးတော့ အကျုံးဝင်မှာမဟုတ်ဘူး။ ယခင်ကလည်း တကယ်စိုက်ပျိုးခဲ့တယ်၊ လက်တွေ့မှာလည်း တကယ်စိုက်ပျိုးနေတယ်၊ နောင်လည်း မှိုစိုက်ပျိုးရေးလုပ်ငန်းနဲ့ အသက်မွေးဝမ်းကျောင်းပြုမယ်ဆိုတဲ့ အချက်အလက်တွေနဲ့ ကြည့်ရှုမှာဖြစ်ပါတယ်။ ချေးငွေရမယ်ဆိုမှ ထစိုက်ပျိုးတဲ့သူတွေကို ထည့်သွင်းစဉ်းစားမှာ မဟုတ်ဘူး။

ဟု ၎င်းက ဆက်လက်ပြောသည်။

အဆိုပါ ကော့မှူးမြို့နယ်နှင့် တွံတေးမြို့နယ်တို့တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနလက်အောက်ရှိ စားသုံးသူရေးရာဦးစီးဌာနအနေဖြင့်လည်း ကျေးရွာအလိုက်ရှိသည့် တောင်သူဦးရေအပေါ် မူတည်၍ တောင်သူအစုအဖွဲ့များ လိုက်လံဖွဲ့စည်းပေးခြင်း၊ အစုအဖွဲ့ ပ-ခေါင်းဆောင်၊ ဒု-ခေါင်းဆောင်များ ရွေးချယ်ပေးခြင်းတို့ကို လုပ်ဆောင်ထားပြီးဖြစ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်

ကော့မှူးနှင့် တွံတေးမြို့နယ်ရှိ မှိုစိုက်တောင်သူများအား စိုက်ပျိုးစရိတ်ချေးငွေ ပေးအပ်မည်

ဗွေဆော်ဦး ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ကော့မှူးနှင့် တွံတေးမြို့နယ်ရှိ မှိုစိုက်တောင်သူများအား စိုက်ပျိုးစရိတ်ချေးငွေ ပေးအပ်မည်

ဗွေဆော်ဦး ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}