ပစ်တိုင်းထောင်ရွှေဖရုံမျိုးမှာ အရသာထူးခြားကောင်းမွန်ပြီး၊ ဈေးကွက်အခက်အခဲမရှိ

06/07/2020 10:30 AM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား ပြီး Greenovator Greenovator မှ ပေးပို့ထားပါသည်။

    တစ်အိုးချက်ရွှေဖရုံဟု ခေါ်ဝေါ်နေသည့် ပစ်တိုင်းထောင် ရွှေဖရုံမျိုး (ရွှေဖရုံသီး အရွယ်အစားအသေး) မှာ အရသာထူးခြားကောင်းမွန်ပြီး၊ ဈေးကွက်အခက်အခဲမရှိ ရောင်းချနေရကြောင်း တောင်သူများက ပြောသည်။

ဒီဖရုံမျိုးက စားသုံးသူတွေအတွက် အရသာလည်း ကောင်းပြီး၊ ပုံမှန်စိုက်နေကြ သီးနှံတွေထက်လည်း အကျိုးအမြတ် တွက်ချေကိုက်လို့ စိုက်ပျိုးဖြစ်ခဲ့တာပါ။ ဈေးကွက်အခက်အခဲလည်း တအားတော့မရှိဘူး။ Covid-19 ကာလမို့ ချင့်ချိန်စိုက်ပျိုးရပေမယ့် အသီးအားလုံးရောင်းလို့တော့ ကုန်ပါတယ်။

ဟု ပဲခူးတိုင်း၊ ပြည်မြို့နယ်၊ တာပါတ်ရွာ၊ ရွှေဖရုံစိုက်ပျိုးသူ ကိုမျိုးမြင့်ဦး က ပြောသည်။

    အဆိုပါ ရွှေဖရုံမျိုးကို မြို့ခံဒေသအနီးတဝိုက်အပြင် ရန်ကုန်ဈေးကွက်သို့ အဓိကထားတင်ပို့ရောင်းချနေရပြီး၊ တစ်လုံးလျှင် ကျပ်(၂၀၀) မှ ကျပ်(၄၀၀) အတွင်း ဈေးရရှိကြောင်း သိရသည်။

တစ်နှစ်ပတ်လည်လုံး စိုက်ပျိုးလို့ရပါတယ်။ စိုက်သက်တမ်း (၂)လခွဲ ကြာတယ်။ စိုက်တဲ့အခါတော့ တိုက်ရိုက်အစေ့ချ စိုက်ပျိုးတယ်။ ကျွန်တော်က စင်စနစ်နဲ့ စိုက်ပျိုးထားပါတယ်။ ပုံမှန် ရွှေဖရုံမျိုးတွေက အလုံးတော့ပိုကြီးတယ်။ ပစ်တိုင်းထောင်ရွှေဖရုံက အလုံးသေးတယ်။ အရသာကတော့ မတူဘူးပေါ့။ ပစ်တိုင်းထောင်ရွှေဖရုံက ပိုစေးတယ်။ စားရတာ ပိုအရသာရှိတယ်။

ဟု ကိုမျိုးမြင့်ဦး က ဆက်လက်ပြောသည်။

    မျိုးထုပ် တစ်ထုပ်လျှင် (၅,၅၀၀)ကျပ် ပေးရပြီး၊ တစ်ဧကစိုက်ပျိုးမည်ဆိုပါက မျိုးထုပ်(၁၆) ထုပ်ကုန်ကြောင်း သိရသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)  


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်