ရွှေဖရုံပင်ကို မြေထုပ်စည်း ကိုင်းကူးနည်း

ပုံမှန်အားဖြင့် ဘူး၊ ဖရုံတို့သည် မျိုးစေ့မှ အလွယ်တကူစိုက်၍ရသော အပင်များဖြစ်သည်။ သို့သော် ဆိုင်မှဝယ်သောမျိုးစေ့သည် တစ်ကြိမ်သာလျှင်စိုက်ရခြင်း၊ ထိုအပင်၏အသီးမှ မျိုးစေ့ပြန်ယူသောအခါ မူရင်းမျိုးကဲ့သို့ အသီးသီးနှုန်းမကောင်းခြင်း၊ အရသာမကောင်းခြင်း စသောပြဿနာများ ကြုံရတတ်သည်။ ထို့ကြောင့် ကိုင်းကူးခြင်းဖြင့် မူရင်းမျိုးကဲ့သို့ အသီးသီးနှုန်းကောင်းသော၊ အရသာကောင်းသော မျိုးကိုင်းများရရှိ၍ စိုက်နိုင်ပါသည်။

ယခုလိုမျိုးပုံစံအတိုင်း ကိုင်းကူးခြင်းကို ဘူး၊ ကျောက်ဖရုံ၊ ခဝဲ၊ သဘွတ်၊ သခွားတို့တွင်လည်း ရနိုင်ပါသည်။

ရွှေဖရုံပင်သည် မျိုးရင်း Cucurbitaceae တွင်ပါဝင်ပြီး သိပ္ပံနာမည်မှာ Cucurbita moschata ဖြစ်သည်။ မူရင်းပေါက်ရောက်ရာဒေသမှာ အမေရိကန်အလယ်ပိုင်းနှင့် မြောက်ပိုင်းဖြစ်ပြီး ယင်းမှတဆင့် ဥရောပနှင့် ကမ္ဘာ့အခြားဒေသများသို့ ပျံ့နှံ့လာခြင်းဖြစ်သည်။

အစေ့မှစိုက်သောအပင်သည် စိုက်ပြီး ၃ လခန့်တွင်မှ အသီးစသီးသော်လည်း ကိုင်းကူး၍ စိုက်သောအပင်ကမူ ၁ လခန့်တွင် စသီးနိုင်သည်။ အပင်ငယ်ငယ်နှင့် အသီးသီးသောကြောင့် အလှစိုက်ပင်အဖြစ်ထားလျှင်လည်း ရနိုင်သည်။

ကိုင်းကူးရန်အပင်ရွေးချယ်ခြင်းနှင့် ကိုင်းကူးရာတွင် လိုအပ်သောပစ္စည်းများ

မျိုးကိုင်းကူးရန် ရည်ရွယ်သောအပင်သည် မိမိကြိုက်နှစ်သက်သောမျိုး၊ ကျန်းမာသန်စွမ်းသောမျိုး၊ ရောဂါကင်းသောမျိုး၊ အသီးအားကောင်းသောမျိုး ဖြစ်ရမည်။

ကိုင်းကူးရန်လိုအပ်သောပစ္စည်းများမှာ ဓားပါးပါးပြတ်ပြတ်တစ်လတ်၊ ပလတ်စတစ်ကြိုး၊ အကြည်အိတ်/ပလတ်စတစ်အကြည်ဘူး၊ အုန်းဆံမှုန့်/ မြေဆွေးမှုန့်တို့ လိုအပ်သည်။

အုန်းဆံမှုန့်/မြေဆွေးမှုန့်ကို ၅၀ - ၆၀ ရာခိုင်နှုန်း ရေစိုဓာတ်ရှိအောင်နယ်၍ (လက်နှင့်ဆုပ်ကြည့်လျှင် လက်ရေစိုရုံအနေအထား) အကြည်အိတ်နှင့် ထုပ်ထားရမည်။ ရေများလျှင် အမြစ်ပုပ်တတ်သည်။

အိတ်ထုပ်များအဆင်သင့်ဖြစ်၍ အပင်သည် ကိုင်းကူးရန်အဆင်သင့်ဖြစ်သောအချိန်တွင် မြေထုပ်စည်းခြင်း စလုပ်နိုင်ပါသည်။ လေပေါ်အမြစ်ထွက်နိုင်ရန် ပတ်ဝန်းကျင်သည် စိုစွတ်သင့်သည်။ မြေထုပ်စည်းခြင်းကို အပင်၏ထိပ်ညွန့်မှ ၁ တောင်အကွာတွင် ကူးနိုင်ပါသည်။

အနွယ်၏အဆစ်တွင် ကူးမည်ဖြစ်သောကြောင့် အဆစ်တွင်ရှိသော အရွက်၊ အညွန့်အတက်များ ဖယ်ရှား၍ (၃)ဆစ်ခြား တစ်ခါကူးနိုင်ပါသည်။ မြေထုပ်ကို အလယ်မှခွဲ၍ အရွက်ဖယ်ထားသောအဆစ်နေရာတွင် ညှပ်၍ ကောက်ညှင်းထုပ်ပမာ စည်းပေးရပါသည်။ (မိမိ၏မြေထုပ်အရွယ်အစားအရ (၁-၃) ဆစ်ထိ ခြုံငုံ၍မြေထုပ်စည်းနိုင်ပါသည်။) မြေထုပ်စည်းပြီး ၁၀ ရက်ခန့်တွင် အမြစ်ထွက်၍ ၁၅ ရက်ခန့်တွင် ကိုင်းဖြတ်ရွှေ့စိုက်နိုင်ပြီဖြစ်သည်။

ပြောင်းရွှေ့စိုက်ခြင်း

ပြောင်းရွှေ့စိုက်မည့်မြေသည် ကြိုတင်ပြင်ဆင်ထားသော အနေအထားဖြစ်နေရန်လိုအပ်ပြီး အမြစ်သည် နုနယ်သောကြောင့် ဂရုတစိုက်ကိုင်တွယ်ရန် လိုအပ်ပါသည်။

မြေသည် လုံလုံလောက်လောက်စိုစွတ်၍ အေးနေမှသာ အမြစ်လောင်ခြင်း သက်သာပါမည်။ ဖြတ်လာသောပျိုးထုပ်ကိုင်းကို ပြောင်းရွှေ့စိုက်ပြီး စိုက်ကျင်းပေါ်တွင် မြက်/သစ်ခက်တို့ဖြင့် မြေဖုံးပေးလျှင် အမြစ်ရှင်သန်အား ပိုကောင်းပါသည်။ (ထိပ်အညွန့်ပိုင်းကို ဖြတ်ပေးလျှင် ရေငွေ့ပျံခြင်း လျော့နည်းစေသည်။)

ပြောင်းရွှေ့စိုက်ချိန်တွင် အမြစ်သည် ကောင်းစွာ အာဟာရဓာတ်မစုပ်နိုင်သေးသောကြောင့် ပြောင်းစိုက်ချိန်က ပါလာသောအပွင့်၊ အသီးများကို ပေးမကြီးထွားစေသင့်ပါ။ ပြောင်းစိုက်ပြီး ၂၅ ရက်ခန့်မှသာလျှင် အပွင့်၊ အသီး စတင်စေသင့်သည်။

ယခုဖော်ပြထားသော ဖရုံ၊ ဘူး၊ သခွား တို့၏ မြေထုပ်စည်းနည်းဖြင့် ကိုင်းကူးနိုင်ခြင်းကို သိရှိခြင်းအားဖြင့် စီးပွားဖြစ်အထိ အသုံးချ စိုက်ပျိုးထုတ်လုပ်နိုင်လာလိမ့်မည်ဟု ယုံကြည်ပါသည်။

References

https://m.youtube.com/watch?v=F9d2HXZfCCo

https://www.youtube.com/watch?v=nYOQCa7tWTY

https://www.herbazest.com/herbs/pumpkin/pumpkin-origin-history

https://m.youtube.com/watch?v=RXXCOGYCaoY

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...