ကမ္ဘာ့နိုင်ငံအသီးသီးက လက်မနီရေချိုကျောက်ပုစွန် မွေးမြူရေး

အမေရိကန်နိုင်ငံမှ မွေးမြူရေး

အမေရိကန်နိုင်ငံ၊ ဖလော်ရီဒါပြည်နယ်၊ အက်လ်တန်မြို့မှ Stick-Fins Fish Farm ပိုင်ရှင် မိုက်ကယ်ရော်ဘင်ဆင်က ၎င်း၏ လက်မနီရေချိုကျောက်ပုစွန်ကို သားဖောက်မွေးမြူသည့် အတွေ့အကြုံများအရ လက်မနီရေချိုကျောက်ပုစွန်သည် ရေလုပ်ငန်းစီးပွားရေးတွင် တွက်ခြေကိုက်သည့် လုပ်ငန်းတစ်ခုဖြစ်သည်ဟု တင်ပြခဲ့သည်။

မိုက်ကယ်ရော်ဘင်ဆင်သည် သြစတြေးလျနိုင်ငံမှ လက်မနီရေချိုကျောက်ပုစွန် အထီးအမ အကောင် ၅၀ ကို တင်သွင်းပြီး သားဖောက်မွေးမြူခဲ့ရာ (၂)နှစ်ကြာပြီးနောက် ဖလော်ရီဒါပြည်နယ်တွင် အကြီးဆုံးလက်မနီ ရေချိုကျောက်ပုစွန်သားဖောက်မွေးမြူရေး စခန်းတစ်ခု ဖြစ်လာခဲ့သည်။ သူ၏ တင်ပြချက်အရ နှစ်စဥ် လက်မနီရေချိုကျောက်ပုစွန် သားဖောက်မွေးမြူရေးခြံကို မူလရှိရင်းထက် (၂) ဆပို၍ ချဲ့နိုင်သည်ဟု သိရပါသည်။ Stick-Fins Fish Farm မှ အရွယ်ရောက်ပြီး လက်မနီရေချိုကျောက်ပုစွန်အမတစ်ကောင်သည် ဥ ၇၀၀ မှ ၈၀၀ ထိ ဥချနိုင်ပြီး ယင်းဥများမှ ၈၅% သားပေါက်ရှင်သန်နိုင်ကြောင်း တင်ပြခဲ့ကြသည်။

Stick-Fins Fish Farm မှ ထွက်ရှိသော လက်မနီရေချိုကျောက်ပုစွန်တို့၏အရွယ်သည် တစ်ပေါင်တွင် ၄ ကောင်မှ ၆ ကောက်ခန့် ရှိပြီး အမေရိကန်ဒေါ်လာ ၁၀ မှ ၁၉ ထိ ရောင်းရကြောင်း သိရှိရသည်။

ကွင်းစလန်ဒေသမှ မွေးမြူရေး

လက်မနီ(Redclaw)ကို ကွင်းစလန်ဒေသတွင် ၁၉၈၀ နောက်ပိုင်းနှစ်များတွင် စတင်မွေးမြူလာရာမှ ယခုအခါ ကမ္ဘာ့အပူပိုင်းဒေသများက မွေးမြူလာကြသည်။

လက်မနီရေချိုကျောက်ပုစွန်မွေးမြူရေးလုပ်ငန်းသည် အင်ဒိုနီးရှား၊ ဗီယက်နမ်စသည့် အရှေ့တောင်အာရှနိုင်ငံများနှင့် အစ္စရေးနိုင်ငံ၊ အမေရိကန်နိုင်ငံ၊ ဖလော်ရီဒါပြည်နယ်စသည့် ကမ္ဘာ့နိုင်ငံအသီးသီးကလည်း လက်မနီရေချိုကျောက်ပုစွန်မွေးမြူရေး ရေလုပ်ငန်းကို လုပ်ကိုင်လာကြသည်။ လက်မနီ(Redclaw)ရေချိုကျောက်ပုစွန်မွေးမြူရေးရေးလုပ်ငန်းကို နိုင်ငံတော်တော်များများက နှစ်ခြိုက်လာရသည့် အဓိကအချက်များမှာ -

(က) အထူးကြပ်မတ်မွေးမြူရသည့် ရေလုပ်ငန်း(Intensive Aquaculture)ကို အလွယ်တကူ ဆောင်ရွက်နိုင်ပြီး အရည်အသွေးပြည့်ဝသော လက်မနီ(Redclaw) ရေချိုကျောက်ပုစွန်များကို ထုတ်လုပ်နိုင်မည် ဖြစ်သည်။

(ခ) ထုတ်လုပ်မှု မြန်ဆန်မြင့်မားပြီး ၂ လက်မအရွယ် အကောင်ပေါက်များကို စတင်မွေးမြူပါက အသားတိုးမွေးမြူသက် ၉ လတွင် စျေးကွက်သို့ရောက်ရှိနိုင်ပြီး ပျှမ်းမျှအလေး ချိန် ၆၀ ဂရမ်မှ ၁၂၀ ဂရမ်ထိ ရှိနိုင်သည်။

(ဂ) အသားထွက်နှုန်းမြင့်မားပြီး စားသုံးရာတွင် အနံ့အရသာသည် ရေငန်ကျောက်ပုစွန်နှင့်တူခြင်း၊

(ဃ) အဆီဓာတ်မပါသဖြင့် စားသုံးရာတွင် ကိုလက်စထရောမမြင့်မားခြင်း၊ ဆားဓာတ် ပါဝင်မှုနည်းပါးခြင်း၊

(င) ကနဦး ရင်းနှီးမြှုပ်နှံမှုနည်းပါးခြင်း၊ အသေးစား စီးပွားရေးလုပ်ငန်းအဖြစ် တည်ထောင်နိုင်ခြင်း၊

ဖော်ပြပါအချက်များကြောင့် ကမ္ဘာ့အပူပိုင်းဒေသများသည် လက်မနီ(Redclaw) မွေးမြူရေးလုပ်ငန်းကို ကျယ်ကျယ်ပြန့်ပြန့်လုပ်ကိုင်လာကြခြင်းဖြစ်သည်။

မြန်မာနိုင်ငံနှင့် လက်မနီရေချိုကျောက်ပုစွန်မွေးမြူရေး

လက်မနီရေချိုကျောက်ပုစွန်၏ ဇာတိဖြစ်သော သြစတြေးလျတိုက်၏ မြောက်ပိုင်းဒေသ ကွင်းစလန်(Queensland) သည် အပူပိုင်းမုတ်သုန် ရာသီဥတုဖြစ်ပြီး အီကွေတာ၏ တောင်ဘက်ခြမ်းတွင်ရှိသောကြောင့် မြောက်ဘက်ခြမ်းရှိ နိုင်ငံများ၏ ရာသီဥတုနှင့် ပြောင်းပြန်ဖြစ်သည်။ ဇန်နဝါရီလတွင် ၂၁ ဒီဂရီစင်တီဂရိတ်မှ ၂၉ ဒီဂရီစင်တီဂရိတ်ထိရှိပြီး ဇူလိုင်လတွင် ၁၀ ဒီဂရီစင်တီဂရိတ်မှ ၂၀ ဒီဂရီစင်တီဂရိတ်ထိ ရှိသည်။

မြန်မာနိုင်ငံအောက်ပိုင်းဒေသများဖြစ်သော ရန်ကုန်တိုင်း၊ ဧရာဝတီတိုင်း၊ တနင်္သာရီတိုင်း၊ မွန်ပြည်နယ်တို့၏ ရာသီဥတုသည်လည်း အပူပိုင်းမုတ်သုန်ရာသီဖြစ်သည်။ တစ်နှစ်ပတ်လုံးပျှမ်းမျှ အပူချိန်သည် ၂၅ ဒီဂရီစင်တီဂရိတ်မှ ၃၅ ဒီဂရီစင်တီဂရိတ်အတွင်း ရှိသည်။ အနိမ့်ဆုံးအပူချိန်သည် ၁၆ ဒီဂရီစင်တီဂရိတ်မှ အမြင့်ဆုံးအပူချိန်မှာ ၄၀ ဒီဂရီစင်တီဂရိတ်ထိ ဖြစ်သည်။

ထို့ကြောင့် မြန်မာပြည်တောင်ပိုင်းဒေသများသည် Redclaw ရေချိုကျောက်ပုစွန် မွေးမြူရန် အထူးသင့်လျော်ပါကြောင်း လေ့လာရေးသား ဖော်ပြအပ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...