သတင်းမီဒီယာ၏ အခန်းကဏ္ဍ

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ပြန်လည်ရောက်ရှိလာပြန်ပါပြီ ခင်ဗျ။

ယခုတစ်ပတ်မှာတော့ နိုင်ငံတစ်နိုင်ငံမှာရှိတဲ့ သတင်းမီဒီယာရဲ့အခန်းကဏ္ဍ နဲ့ အရေးပါပုံတို့ကို မျှဝေပေးသွားမှာ ဖြစ်ပါတယ်ခင်ဗျ။

သတင်းမီဒီယာဟာ နိုင်ငံတိုင်းမှာ အရေးပါတဲ့ အခန်းကဏ္ဍကနေ ပါဝင်နေတဲ့ နယ်ပယ်တစ်ခုဖြစ်ပါတယ်။ သတင်းမီဒီယာဟာ အများပြည်သူအတွက် သတင်းအချက်အလက်များကို ထောက်ပံ့ပေးပြီး လူထုအချင်းချင်းကြား ဆက်သွယ်မှုပေးနေခြင်းလည်း ဖြစ်ပါတယ်။ မီဒီယာအနေဖြင့်ဆောင်ရွက်သည့် အခန်းကဏ္ဍများစွာရှိပြီး ၎င်းတို့ကိုအောက်တွင် ဖော်ပြထားပါတယ်။ 

သတင်းမီဒီယာသည်

- သတင်းအချက်အလက်များ ဖလှယ်သည့် လမ်းကြောင်းတစ်ခုဖြစ်ပြီး အသိဉာဏ် ဗဟုသုတနှင့် ယှဉ်သော ဆုံးဖြတ်ချက်များ ချနိုင်အောင် ဆောင်ရွက်ပေးခြင်း။

- ကျယ်ပြန့်သော ကမ္ဘာလုံးဆိုင်ရာ အကြောင်းအရာများကို သိရှိလာအောင် ချိတ်ဆက်ပေးခြင်း။

- အစိုးရ၏ အစိတ်အပိုင်းများကို စောင့်ကြည့်သူ အဖြစ်ရှိနေပြီး ပွင့်လင်းမှု မြင်သာမှုရှိလာအောင်နှင့် ပြည်သူများက စောင့်ကြည့်ခြင်း ရှိနိုင်စေရန် လွဲမှားသည့် အချက်အလက်များကို ဖော်ထုတ်ပေးခြင်း။

- ဖြစ်ရပ် ဖြစ်စဉ်များကို တိကျစွာ ဖော်ပြပေးခြင်းသည်လည်း မီဒီယာ၏ အခန်းကဏ္ဍဖြစ်ပြီး ဖြစ်ရပ်၏ အတိကျဆုံးသော ရုပ်ပုံလွှာကိုလည်း ဖော်ပြပေးနိုင်ပါတယ်။

Mido Myanmar Website မှ ပြန်လည်ကူးယူ ဖော်ပြပါသည်။

Source - https://curriculum.realornotmm.info/mil-curriculum-book/3/

ယခင်တစ်ပတ်က ဖော်ပြခဲ့တဲ့ ဆောင်းပါး ပြန်လည် ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

စီးပွားရေးလုပ်ငန်းတွေမှာ QR (ကျူအာ)ကုဒ်၏ အသုံးဝင်ပုံ

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်