စီးပွားရေးလုပ်ငန်းတွေမှာ QR (ကျူအာ)ကုဒ်၏ အသုံးဝင်ပုံ

25/10/2021 19:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ပြန်လည်ကြိုဆိုလိုက်ပါတယ် ခင်ဗျ။

ယခုတစ်ပတ်မှာတော့ QR (ကျူအာ) ကုဒ် အကြောင်း ကို တောင်သူ ဦးလေး ဒေါ်လေးတို့ ဗဟုသုတရအောင် မျှဝေပေးသွားမှာ ဖြစ်ပါတယ် ခင်ဗျ။

၁၉၉၄ ခုနှစ်မှာ QR (ကျူအာ) ကုဒ် နည်းပညာအသစ်ကို စတင်ထုတ်လုပ်ခဲ့ပါတယ်။ (ကျူအာ) ကုဒ် တွေကို ယနေ့ခေတ် စီးပွားရေး လုပ်ငန်းပိုင်းအများစုမှာ အသုံးပြုနေကြပြီဖြစ်ပါတယ်။ (ကျူအာ) ကုဒ် ရဲ့ အဓိပ္ပါယ်ကတော့ လျှင်မြန်တဲ့တုန့်ပြန်ခြင်း လို့ဖွင့်ဆိုပါတယ်။ ၂၀၁၀ ခုနှစ်မှာ နိုင်ငံတကာအသိအမှတ်ပြု ISO (အိုင်အက်စ်အို) လက်မှတ်ရကုန်အမှတ်တံဆိပ်ဖြစ်လာပြီး ကမ္ဘာတစ်ဝှမ်းမှာ ကျယ်ပြန့်စွာအသုံးပြုလာကြပါတယ်။

(ကျူအာ) ကုဒ်ရဲ့ အားသာချက်တွေကတော့ ကုန်ပစ္စည်းတွေရဲ့ သီးသန့်အမှတ်အသားအတွက် အသုံးပြုနိုင်ခြင်းအတွက်သာမဟုတ်တော့ဘဲ ဝက်ဘ်ဆိုက်လင့်တွေ Facebook (ဖေ့ဘုတ်) လင့် တွေကိုပါ ရည်ညွှန်းပေးနိုင်ပါတယ်။ (ကျူအာ) ကုဒ်ကို အသုံးပြုပြီး ငွေထုတ်၊ ငွေလွှဲလုပ်တာမျိုးတွေသာမက ပစ္စည်းဝယ်ရာမှာ ငွေပေးချေဖို့အတွက်လည်း အသုံးပြုနိုင်ပါတယ်။ ဈေးဝယ်စင်တာတွေမှာ ဆိုရင်လည်း ကုန်ပစ္စည်းရဲ့ (ကျူအာ) ကုဒ်ကနေတစ်ဆင့် ကုန်ပစ္စည်းရဲ့ အချက်အလက်တွေနဲ့ တည်နေရာကိုပါ ဖော်ပြပေးနိုင်ပါတယ်။

ထို့အပြင် စားသောက်ကုန်တွေ၊ သီးနှံတွေပေါ်မှာလည်း (ကျူအာ) ကုဒ် ထည့်သွင်းဖော်ပြပေးနိုင်ပြီး မိမိဖုန်းနဲ့ ကုဒ်ကိုဖတ်လိုက်ခြင်းဖြင့် သီးနှံစိုက်ပျိုးထုတ်လုပ်ခဲ့မှု အချက်အလက်များကို ဖော်ပြပေးနိုင်သည်အထိ များစွာအသုံးဝင်ပါတယ်။ ဒီလို အသုံး၀င်တဲ့ (ကျူအာ) ကုဒ်လေးတွေကို ဖတ်ဖို့ မိမိဖုန်းထဲမှာ (ကျူအာ) ကုဒ် ဖတ်နိုင်တဲ့ ဆော့ဝဲလ်လေးတွေ ထည့်ထားဖို့တော့ လိုအပ်ပါတယ် ခင်ဗျ။

ယခင်တစ်ပတ်က ဖော်ပြခဲ့တဲ့ ဆောင်းပါးလေး ပြန်လည် ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

ဖုန်းပူလာရသည့် အကြောင်းရင်း (၈) ချက်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


Natural Cure Co.,Ltd ကြော်ငြာ

ရာသီဥတုဒဏ်၊ ပိုးမွှားက ဖျက်တဲ့ဒဏ်ကိုခံနေရတဲ့ စိုက်ခင်းထဲကသီးနှံများ” တောင်သူဦးကြီးများရဲ့ စိုက်ခင်းထဲက ရတနာလေးလိုတန်ဖိုးထားအဖိုးတန်သော သီးနှံတွေဟာ ရာသီဥတုဒဏ်၊ ပိုးမွှားများဒဏ်ခံနေရပြီဆိုပါက NPK ကိုအချိုးကျကျပေါင်းစပ်ထားသော NC ကွန်ပေါင်းဓာတ်မြေသြဇာ 15:15:15 က တောင်သူကြီးတို့ရဲ့ သီးနှံများကိုရောဂါကင်းပြီး ရွှေလိုဝင်းစေမှာပါ အပင်တွေကြီးထွားဖို့အတွက် လိုအပ်တဲ့ ပရိုတင်း နှင့် အင်(မ်)ဇိုင်းဓာတ်တွေကို အပြည့်အဝ အထောက်အကူပြုပေးတဲ့ နိုက်ထရိုဂျင် ( N ) အသီးအပင်တွေကို အာဟာရကြွယ်ဝစေပြီး၊ မြေဆီလွှာဆဲလ်တွေ ပျက်စီး မှုကို ထိန်းသိမ်းပေးတဲ့ ဖော့စ်ဖရပ် (P2 O5) အရည်ဓာတ်ကို ပြည့်ဝစေပြီး အသီးအပင်တွေကို သန်မာလာစေတဲ့ ပိုတက်ဆီယမ် ( K2 O ) အပင်တွေကို ကြီးထွားဖို့ရန်အတွက် လိုအပ်တဲ့ ပရိုတင်း ၊ အင်(မ်)ဇိုင်း ၊ ဗီတာမင် နဲ့ အစိမ်းရောင် အပင်တွေအတွက် များစွာအကျိုးပြုတဲ့ ဓာတ်တွေများစွာပါဝင်သော ဆာလဖာ ( S ) တို့ကို အချိုးကျကျပေါင်းစပ်ထားလို့ တောင်သူဦးကြီးတို့ရဲ့ ပြဿနာများကို ဖြေရှင်းပေးဖို့ NC(အန်စီ) ကွန်ပေါင်း ဓာတ်မြေသြဇာ 15:15:15 ‌ရောက်ရှိလို့ လာပါပြီ ကျွန်တော်တို့ရဲ့ ကုန်ပစ္စည်းများကို အမြို့မြို့အနယ်နယ်ရှိ သက်ဆိုင်ရာ ကိုယ်စားလှယ်ကြီးများထံတွင်လည်း ဝယ်ယူရရှိနိုင်ပါသည်။ ထုတ်ကုန်များအကြောင်းအသေးစိတ်သိရှိလိုပါက 09 255 361 088 သို့ ဆက်သွယ်စုံစမ်းမေးမြန်းနိုင်ပါတယ်ခင်ဗျာ။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်