ရော်ဘာတင်ပို့ရောင်းချမှုဈေးကွက် ထိခိုက်နစ်နာမှုများကြုံလာပါက အစိုးရပိုင်းမှ ကူညီပံ့ပိုးပေးစေလို

    ၂၀၂၀-၂၀၂၁ ခုနှစ်၊ ရော်ဘာတင်ပို့ရောင်းချမှုဈေးကွက်အတွင်း ထိခိုက်နစ်နာမှုများကြုံတွေ့လာပါက အစိုးရပိုင်းမှ တတ်စွမ်းသလောက် ကူညီပံ့ပိုးပေးစေလိုကြောင်း ကိုယ်တိုင်စိုက်ပျိုးထုတ်လုပ်နေသူများက ပြောသည်။

ရန်ကုန်မှာ Lock Down တွေချနေတော့ ရော်ဘာတင်ပို့မှုကို ထိခိုက်နိုင်မလားတော့ ထည့်တွက်နေရတယ်။ ပြည်ပကိုတရားဝင်တင်ပို့တဲ့ လမ်းကြောင်းတချို့က ရန်ကုန်ကတဆင့် ရေကြောင်းခရီးနဲ့ တင်ပို့ရတာပါ။ လမ်းကြောင်းတွေ မပွင့်၊ ဈေးကွက်ကျဆင်း၊ တင်ပို့မှုတွေသာ ထိခိုက်မယ်ဆိုရင် အစိုးရပိုင်းအနေနဲ့ တစ်ခုခု စီစဉ်ပေးသင့်တယ်လို့ မြင်ပါတယ်။ ရော်ဘာက သိုလှောင်ထားလို့ရပေမယ့် ခြံရှင်တွေမှာက လုပ်သားခ၊ စရိတ်စကတွေ ကုန်ကျထားတာကြောင့်ပါ။ ရော်ဘာအစေးခြစ်တာက နောက်နှစ် မိုးတွင်းမတိုင်ခင်အထိ ရက်ပေါင်း ၂၅၀ လောက် ခြစ်နေကြဦးမှာဆိုတော့ လုပ်သားစရိတ်တွေ ပေးနေရဦးမှာလေ။ တစ်ဧကကို အပင်ရေ ၂၀၀ ဆိုတော့ လုပ်သားတစ်ယောက်ကို တစ်နှစ်ကို ၁၆ သိန်းလောက် လုပ်ခပေးနေရတယ်။

ဟု ပဲခူးတိုင်း၊ ရွှေကျင်မြို့နယ်၊ ရော်ဘာစိုက်ပျိုးထုတ်လုပ်သူများအသင်း အတွင်းရေးမှူး/ရွှေကျင်ရွှေပင်စံ ကုမ္ပဏီ၏ ဒါရိုက်တာ ဦးခင်မောင်သက်က ပြောသည်။

    ၂၀၂၀ခုနှစ် စက်တင်ဘာလ (၁၄) ရက်၊ ရော်ဘာပေါက်ဈေးများအရ မုဒုံရော်ဘာ RSS-3 တစ်ပေါင်လျှင် လက်ငင်း ဝယ်ဈေး (၇၁၅) ကျပ်ဖြင့် ရောင်းဝယ်နေကြသည်။

ရော်ဘာဈေးက တစ်ပတ်လောက်တော့ ရှိပြီ၊ ဈေးကျနေတာ။ တရုတ်နိုင်ငံဘက်က အခွန်ဖြေလျှော့ပေးတာကလည်း အခုနှစ်မှာ မျှော်မှန်းထားတာထက် ရာခိုင်နှုန်းနည်းနေပါတယ်။ အစိုးရချေးငွေ၊ SME ချေးငွေတွေကျတော့လည်း ရော်ဘာခြံတွေက မရကြပါဘူး။ ချေးငွေရဖို့အတွက်ကို အထောက်အထားတွေ၊ မြေပိုင်ဆိုင်မှုတွေ စတဲ့ ကန့်သတ်ချက်တွေများလွန်းနေတယ်။

ဟု ဦးခင်မောင်သက်က ဆက်လက်ပြောသည်။

    မြန်မာ့ရော်ဘာကို ဝယ်လက်ရှိသည့်နိုင်ငံများသို့ ကုန်သည်များမှတဆင့် တရားဝင်တင်ပို့ရောင်းချနေကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်